Microsoft Word Zamanin axari 2
Yüklə 1,64 Mb. Pdf görüntüsü
|
159
90-cı illərin əvvəllindəki xaos və qarışıq ab-hava ziyalılar və ziyalılığa böyük zərbə vurmuşdu. H. Əliyevin həm müdrik insan olaraq şəxsi qayğısı, həm də dövlət başçısı kimi xüsusi diqqəti sayəsində mədəniyyətimiz dirçəliş dövrünü yaşadı. Şübhəsiz ki, bu televiziyanın da inkişafına, ekranın canlanmasına səbəb oldu. Ziyalılarımızın təklifi və iştirakı ilə yaranan «Prezident və ziyalılar» silsilə proqramları sənətə qayğının güzgüsünə çevrildi. Bu qayğıdan ruhlanan incəsənət xadimlərimiz yeni-yeni əsərlər yaratdılar. Az qala unudulmağa başlayan yaradıcılıq gecələri, sərgilər, görüşlər və bu görüşlərdə prezidentin şəxsən iştirakı müharibədən, qaçqınlıq və köçkünlük əzablarından ruhdan düşən xalqın qəddini düzəltdi. Televiziya bu görüşləri, bu ruhu hər bir ailəyə, evə apardı və bütün bunlar yeni əsərlərin və təbii ki, yeni ekran layihələrinin ideyasına təkan verdi: «Sən qalib gələcəksən», «Publisist studiyası», «Azərbaycan deyəndə», «Məşəl kimi yanan ürək», «El yolunda», «Xilaskar» ədəbi- musiqili proqramları geniş tamaşaçı rəğbəti qazandı. Yeni musiqi, səhnə əsərlərinin, müstəqil Azərbaycanı dünyaya tanıdan rəssamlıq nümunələrinin yaranmasına televiziya da öz layiqli töhfəsini verdi. Bu gün həm də ekranı bəzəyən və televiziyanın sərgi salonuna çevrilən kiçik həcmli «Televernisaj»lar rəssamlarımızın yaradıcılığının xalqa təqdimində az rol oynamır. Təsadüfi deyil ki, fırça ustalarımız geniş, əhatəli proqramlardan daha çox yaradıcılıqlarının burada əks olunmasını arzu edirlər. Televiziyanın sifarişilə yazılan yeni musiqi əsərləri, talepyeslər, çoxseriyalı bədii televiziya filmləri zamanın sözünü bədii üsullarla yetirmək baxımından çox qiymətlidir. Daha vizual, müasir formalara müraciət edən rejissorlarımızın yaradıcılıq axtarışları yeni bir janrın – film- 160
tamaşa janrının meydana çıxmasına səbəb oldu. Studiya dekorasiyalarından ayrılıb canlı həyata üz tutan rejissorlarımız – Ramiz Həsənoğlu, Tariyel Vəliyev, Məhərrəm Bədirzadə, Ələkbər Kazımovski, Elçin Cahangirli bu gün çox populyar olan televiziya tamaşa və layihələrinə quruluş veriblər. Hələ ki, televiziya məkanında bu sahədə bizimlə rəqabətə girə biləcək ikinci televiziya yoxdur. Bu gün Azərbaycan televiziyası özünün 50 illik yubileyinə ən yaxşı ənənələri qoruyub saxlamaqla yanaşı yeni layihələr, ekran yozumu, müasir, yüksək səviyyəli texnikanın təmin etdiyi görüntülər və dizaynla gəlir. Televiziyamızın səyyar kameraları respublikamızın bölgələrinə üz tutur, yubiley ərəfəsində sənət adamları ilə xalqın görüşü, bölgələrdəki istedadların üzə çıxarılması, səfalı guşələrin ədəbi-musiqili proqramlar üçün çəkiliş pavilyonuna çevrilməsi ilə yanaşı studiyalarımızda yeni layihələrin ekrana yol alması üçün yenidənqurma işləri aparılır. «Qarabağ», «Xəzər» studiyalarında, Teleteatrda musiqili-əyləncəli «Telesabah» (həftəlik), zəngin muğam ənənələrimizin və gənc istedadların daha geniş təbliği üçün «Muğam axşamı», «Görüşə gəl» estrada proqramı və digər yeni layihələr üçün dekorasiyalar qurulur. Bu işə öz qüvvələrimizlə yanaşı tanınmış dizaynerlər dəvət olunub. Dövlət Mahnı Teatrı ilə birgə retro mahnılar gecəsinə, romans axşamlarına ciddi hazırlıq gedir. Həm sənətin, həm ekran və efirin səviyyəsini qorumaq, həm də tamaşaçıya yüksək səviyyəli ifaçılar təqdim etmək üçün respublikamızın yaradıcılıq təşkilatları və ocaqları – Bəstəkarlar İttifaqı, teatr və konsert müəssisələri ilə müştərək iş öz bəhrəsini verir. İftixarla deyə bilərik ki, tanınmış sənətkarlarımızın yubiley gecələri, yaradıcılıq hesabatları məhz Azərbaycan televiziyası vasitəsilə tamaşaçılara 161
çatdırılır. Zəmanəmizin görkəmli bəstəkarları – xalq artistləri Vasif Adıgözəlov, Azər Rzayev, Tofiq Bakıxanov, Musa Mirzəyev yubiley tədbirlərinin məhz Azərbaycan televiziyası ilə yayımlanmasını arzu ediblər. Qüdrətli sənətkarımız Zeynəb xanım Xanlarova bütün yaradıcılıq sevinclərini yalnız bu sənət ocağı ilə bölüşür. Onun Respublika günü münasibətilə təşkil etdiyimiz konsertinə dünyanın neçə ölkəsindən əks-səda gəlib. Bəli, dünya Azərbaycan televiziyasını izləyir və onun təqdim etdiyi sənət nümunələrinə elektron poçtu vasitəsilə xoş münasibətini bildirir. XX əsrin ortalarında həyata göz açan Azərbaycan televiziyası XXI əsrdə də inamlı addımlarını atır. Bir vaxt televiziyanın «Bənövşə» uşaq xorunda çıxış edən ifaçılar, «Qaranquş» televiziya uşaq teatrında ilk kövrək addımlarını atan məktəblilər bu gün tanınmış sənətçilərə çevriliblər və onlar öz tərcümeyi-hallarında bu barədə iftixarla söz açırlar. Əsası ulu öndərimiz Heydər Əliyev tərəfindən qoyulan və bu gün hörmətli prezidentimiz İlham Əliyev tərəfindən böyük uğurla davam etdirilən sənət və sənətkara dövlət qayğısı incəsənət xadimlərimizi yeni yaradıcılıq uğurlarına ruhlandırır. Bu böyük qayğı televiziyamızdan da yan keçməyib. Televiziyamızın tanınmış simaları respublikanın xalq artisti, əməkdar incəsənət xadimi, əməkdar artist, əməkdar jurnalist fəxri adlarına, prezident təqaüdünə layiq görülüblər. İnanırıq ki, dövlətimizin gündən-günə artan qayğısı sayəsində sənət də, sənətkarlar da yeni yaradıcılıq uğurları qazanacaq və televiziyamız da həmişəki kimi bu nailiyyətlərin önündə gedəcək.
«Xalq qəzeti», 24 iyun 2006-cı il Yüklə 1,64 Mb. Dostları ilə paylaş:
|