152
Məclisinin «Elm və təhsil» daimi komissiyasının iclasında
müzakirə olunub.
Redaksiyanın hazırladığı silsilə verilişlər, məsələn:
Qərbi Azərbaycan problemindən bəhs edən «Azərbaycan:
tarixi yaddaşımız», Azərbaycan fəlsəfi fikrindən söhbət açan
«Fəlsəfi fikir tariximizdən», xalqımızın ulu tarixinə işıq tutan
«Tariximizin izi ilə», Azərbaycan pedaqoji fikir tarixinin uzaq
əsrlərdən başlayaraq bu günümüzə qədərki dövrünü əhatə
edən «Pedaqoji fikir tariximizdən», xalqımızın milli-mənəvi
yaddaşının tərcümanı olan Dədə Qorqud dastanının 1300
illiyilə bağlı «Dədə Qorqud – 1300», Azərbaycanın böyük
tarixçi alimi Məhəmməd Tağı Zehtabinin «Azərbaycan
türklərinin əski tarixi» əsəri əsasında hazırlanan «Tarix:
faktlar, həqiqətlər», Vətən və dünya elminin görkəmli
nümayəndələrinin elm yolundan söz açan «Elm
xadimlərimiz», müstəqil Azərbaycanın qurucusu, ümummilli
liderimiz Heydər Əliyevin dövlətçilik kursundan bəhs edən
«Şəxsiyyət və zaman», «Böyük ömrün izləri» kimi 200-dən
artıq dəyərli veriliş radionun qızıl fonduna daxil edilib.
Redaksiyanın 7 ildə keçdiyi yol göstərdi ki, biz bu
redaksiyanı yaratmaqla zamanın, cəmiyyətin mənəvi-strateji
tələbini vaxtında nəzərə ala bilmişik.
Bir sözlə, mövzu rəngarəngliyi və əhatə dairəsi
baxımından Azərbaycan radiosunun böyük redaksiyalarından
biri olan «Təhsil və elmi-kütləvi proqramlar» redaksiyası
(ayda 18 saat 36 dəqiqə efirə çıxır) müstəqil Azərbaycan
dövlətinin təhsil siyasətini peşəkarlıqla təbliğ edir.
20 iyun 2006-cı il
153
50 İL MƏDƏNİYYƏTİN KEŞİYİNDƏ
1956-cı ilin soyuq qış günündə hamını bir ocaq başına
toplayan, ağ-qara təsvirlərinə baxmayaraq, «mavi ekran»
adlanan Azərbaycan televiziyası öz müdriklik dövrünü
yaşayır. Azərbaycan mədəniyyətinin təməl daşları üzərində
qurulan, ilk proqramları əsasən bədii verilişlərdən ibarət olan
bu sənət ocağı həm də milli ziyalılarımızın, sənət
korifeylərimizin xalqla ünsiyyətində, yeni sənətkar nəslinin
yetişməsində müstəsna rol oynayıb.
50-ci illərin təbliğat maşını nə qədər güclü olsa da, xalq
ruhunun tərcümanı olan mədəniyyətin, sənətin köklərinə
nüfuz edib onu sarsıda bilməyib, yeri gələndə özü sənətə
söykənməyə məcbur olub. Milli televiziyamız da beləcə
Azərbaycan mədəniyyətinin ən yaxşı nümunələrinin və
nümayəndələrinin təqdimatı, xeyir-duası ilə boy atıb inkişaf
edərək bugünkü mərhələyə çatıb.
Televiziya radiodan 30 il sonra həyata göz açıb və
şübhəsiz ki, ilk addımlarını radionun ən yaxşı ənənələri, ən
gözəl nümunələri və kadrları hesabına atıb. Lakin çox
keçmədən öz vizual inkişaf yolunu tapıb və həm
ədəbiyyatımızın, incəsənətimizin, həm də milli ziyalılığın
inkişafına xidmət edib. Televiziyaya «qapımızı döymədən
gələn qonaq» deyirlər. Hər evə, hər ailəyə nüfuz eləyən mavi
ekran ilk günlərdən xalqa Azərbaycan ədəbiyyatının ən seçmə
nümunələrini, milli musiqimizin ən parlaq incilərini təqdim
edib: Seyid Şuşinski, Bülbül, Qurban Pirimov, Şövkət
Ələkbərova, Xan Şuşinski, Rəşid Behbudov, Sara Qədimova,
154
Rübabə Muradova, Gülağa Məmmədov…
Bu gün ölkəmizin bütün televiziya məkanını bəzəyən
həmin musiqi şedevrləri Azərbaycan televiziyası
əməkdaşlarının min bir zəhməti bahasına başa gəlib. Ağır
texnika, çətin studiya və montaj şəraitində Rauf Kazımovski,
Ağəli Dadaşov, Kamil Rüstəmbəyov, İsmət Səfərəlibəyov,
Arif Babayev, Kərim Kərimov kimi sənət fədailərinin apardığı
bu çəkilişlər haqlı olaraq musiqimizin də, televiziyamızın da
inciləri siyahısındadır.
Bu gün qızıl fondumuzda böyük qayğı ilə qorunub
saxlanan bu lent yazıları təkcə ruh oxşamır, həm də sənət və
sənətkarlıq nümunəsi kimi tərbiyə edir, zövqlərin
formalaşmasında mühüm rol oynayır.
«Milyon yerli teatr». Teleradio tamaşalarını belə
adlandırır. Kiçik teatr salonlarından çıxıb milyonları öz
tamaşaçısına çevirən televiziya teatrı ekrana yol aldığı gündən
vətəndaşlıq hüququ qazanıb. 50 il əvvəl cəmi bir studiyadan
ibarət olan Bakı televiziyasından canlı yayımlanan ilk
televiziya tamaşaları bu gün yüksək səviyyədə inkişaf edən və
böyük sənətkarlar ordusu yetirən milyon yerli televiziya
teatrının ilk təməl daşlarıdır. Bu günün en tanınmış
sənətkarları – Səyavuş Aslan, Hacıbaba Bağırov, Əminə
Yusifqızı, Amaliya Pənahova, Fuad Poladov, Yaşar Nuri,
Firəngiz Mütəllimova, dünyasını vaxtsız dəyişsə də
televiziyada böyük yaradıcılıq izləri qoyan Səməndər Rzayev,
Şahmar Ələkbərov, Hamlet Xanızadə, Həsən Əbluc, Hamlet
Qurbanov və neçə-neçə tanınmış sənətkar dönə-dönə etiraf
ediblər ki, öz aktyor şöhrətlərini həm də televiziya teatrının
köməyi ilə qazanıblar. Həm yeni, həm köhnə sənətkar nəsli
Azərbaycan televiziyasını məhəbbətlə «ana televiziya»
adlandırır.
Televiziya həm musiqimizin, həm ədəbiyyatımızın, həm
155
səhnə mədəniyyətimizin ən gözəli nümunələri üzərində
böyüməklə yanaşı bunların hər birinin inkişafına layiqli
töhfələr verib. Ən tanınmış bəstəkarlar, ən məşhur yazıçılar,
incəsənət xadimləri öz əsərlərini məhz bu layiqli kürsüdən
xalqa çatdırmaqdan qürur duyublar. Bu missiyanı dövrün ən
görkəmli incəsənət xadimləri Qəmbər Hüseynli, Səid
Rüstəmov, Cahangir Cahangirov, Tofiq Quliyev, Vasif
Adıgözəlov, Azər Rzayev, Əhməd Bakıxanov, Əhsən
Dadaşov, Baba Salahov, Tofiq Əhmədov, Ramiz Mustafayev
yerinə yetiriblər. Bədii əsərlərin ekran ömrünə Seyfəddin
Dağlı, Nəbi Xəzri, Tofiq Əfəndiyev, Cəlal Məmmədov, İsaq
İbrahimov, sonralar Gəray Fəzli, Firudin Ağayev, Həbibə
Məmmədxanlı, Namiq Abdullayev kimi tanınmış yazıçılar və
ziyalılar xeyir-dua veriblər. Bu şəxsiyyətlər televiziyanın bədii
proqramlarının hazırlanmasına dövrün ən tanınmış sənət
ustalarını dəvət ediblər. Yəqin yaşlı tamaşaçılar görkəmli
sənətkarlarımız Mehdi Məmmədovun, Əfrasiyab
Bədəlbəylinin müəllifi və aparıcısı olduğu mədəniyyət
proqramlarını xatırlayırlar. Bu proqramlar təkcə öyrədici
xarakter daşımırdı, təqdim edilən nümunələrdən hər biri (istər
Azərbaycan, istər dünya incəsənətindən olsun) əsl sənəti
saxtadan, sənət incisini yapmadan fərqləndirməkdə
tamaşaçıya kömək edirdi.
Teleradionun dövrün ən tanınmış sənətçilərinin iştirakı
ilə yaradılan musiqi kollektivləri mədəniyyətin inkişafında
xüsusi xidməti olan sənətkarlar və ifaçılar yetirib. Bu gün
həmin sənətkarların adı ilə şərəfləndirilən Səid Rüstəmov
adına Xalq Çalğı Alətləri Orkestrinin, ATP xorunun, estrada
simfonik orkestrinin, Əhməd Bakıxanov, Əhsən Dadaşov,
Baba Salahov adına Xalq Çalğı Alətləri Ansambllarının,
Gülarə Əliyeva adına «Dan ulduzu» instrumental ansamblının
fəaliyyəti məhz televiziyamızın adı ilə bağlıdır. Bu
Dostları ilə paylaş: |