Magistrantların XXI Respublika Elmi konfransı, 17-18 may 2021-ci il
261
təhlükəsi altında qalmışdır. Naxçıvan Muxtar Respublikası florasında Sığırquyruğu (keçiqulağı) cinsinin bəzi
növlərin populyasiyaları azaldığından ərazi florasının “Qırmızı Kitab”ına daxil edilmişdir.
Sığırquyruğu
(
Verbascum
L.) cinsinə daxil olan bitkilər Naxçıvan Muxtar Respublikasında aşağı
dağlıq ərazilərdən başlayaraq yuxarı dağ qurşağınadək yayılmışdır. Bu cinsə daxil olan növlər qədim bitkilər
olmaqla ərazi florasının formalaşmasında mühüm rol oynayır.
Verbascum
L.- Keçiqulağı (Sığırquyruğu) cinsinin Avroasiyada (Şimaldan başqa), Atlantik okeanının
sahillərindən başlayaraq Çinə qədər, Şimali Amerikada yayılmış 250 növündən Qafqazda 40, Azərbaycanda
25, o cümlədən Naxçıvan Muxtar Respublikasında 22 növü yayılmışdır. Muxtar Respublika florasına daxil
olan növlərin əksəriyyəti dekorativ və tibbi xüsusiyyətlərinə görə əhəmiyyətli bitkilər hesab edilir. Buna görə
də bitkilər antropogen və ekoloji təsirlərə məruz qalaraq populyasiyaları azalır.
Ərazidə yayılan
Verbascum
L. cinsinin bənövşəyi keçiqulağı -
Verbascum Phoeniceum
L. növü
təbiətdəki müasir vəziyyətinə görə Naxçıvan Muxtar Respublikası florasının “Qırmızı Kitab”ına aşağıdakı
statuslarla daxil edilmişdir.
Statusu: Near Threatened – NT
Yayılması: Yuxarı dağ qurşağında, Aracıq dağı (Xəzinədərə), Küküdağ (Dərəboğaz) və Batabat
sahələrində rast gəlinir.
Bitdiyi yer: Otlu
yamaclar, daşlı-çınqıllı yerlər və kolluqlardır.
Təbii ehtiyatı: Yayıldığı ərazilər və populyasiya sayı məhdud olduğundan təbii ehtiyatı azdır.
Çoxalması: Toxumladır.
Bioloji xüsusiyyətləri: İkiillik və ya çoxillik ot bitkisidir. Gövdəsi 37-60 (100) sm hündürlükdədir.
Yarpaqları aşağıdan tüklü, kökətrafı qısa saplaqlı, ellipsvari və ya uzunsov-yumurtavari, küt əsasında azacıq
ürəkvari, kənarları qövsvari dişcikli, gövdə yarpaqları
az sayda, xırda, uzunsov və ya neştərşəkilli, sivri;
aşağıdakılar oturaq, gövdəni yarım bürüyən, azacıq ürəkvari dişciklidir. Çiçəkləri tək-tək, boş salxımdadır.
Kasacıq 3-6 mm uzunluqda, ellipsvari və ya uzunsov-ellipsvari sivri hissəciklidir. Tac qırmızı – bənövşəyi,
25-30 mm diametrindədir. Qutucuq 5-7 mm uzunluqda,
küt yumurtavari, kasacıqdan bir qədər uzundur. Bitki
aprel-may
aylarında çiçəkləyir, may-iyun aylarında isə meyvə əmələ gətirir. Toxumla
çoxalır.
Mezokserofitdir
. Yuxarı dağ qurşağında, otlu yamaclar, daşlı-çınqıllı yerlər və kolluqlar arasında rast
gəlinir. Dekorativ bitkidir.
Təbii ehtiyatının dəyişilmə tipləri: Yaşayış yerlərinin dağılması, növ sayının, populyasiyalarının azlığı
və ekoloji amillərin məhdudlaşdırıcı təsiridir.
Becərilməsi: Məlumat yoxdur.
Qəbul edilmiş qorunma tədbirləri: Naxçıvan Muxtar Respublikasının Qırmızı kitabına
yeni daxil
edildiyindən, xüsusi mühafizə tədbirləri hazırlanmamışdır.
Zəruri qorunma tədbirləri: Arealı get-gedə qısalan, biologiyası zəif öyrənilmiş, təhlükəyə yaxın növ
kimi akad. Həsən Əliyev adına Zəngəzur Milli Parkı ərazisində bitdiyi əsas yerlərdə populyasiyasının
mühafizəsi gücləndirilməli, bioloji xüsusiyyətləri öyrənilməlidir.
Beləliklə, aparılan tədqiqatlar nəticəsində və ədəbiyyat məlumatlarına əsasən müəyyən olunmuşdur ki,
ərazi florasında
Verbascum
L.-Sığırquyruğu (Keçiqulağı) cinsinə daxil olan bənövşəyi keçiqulağı -
Verbascum Phoeniceum
L. növü Near Threatend – NT qorunma statusu ilə Naxçıvan
Muxtar
Respublikasının “Qırmızı Kitab”ına daxil edilmişdir. Növün məhv olmasının qarşısını almaq üçün bitdiyi
ərazilərdə populyasiyasının mühafizəsini gücləndirməli, həmin ərazilərin otlaq kimi istifadəsinin qarşısının
alınması məqsədə uyğundur. Həmçinin bənövşəyi keçiqulağı -
Verbascum Phoeniceum
L.
növünün
toxumlarının otlaq sahələrinə əkilməsi bitkinin ehtiyatının artmasına müsbət təsir edə bilər.
Dostları ilə paylaş: