|
![](/i/favi32.png) Ministry of education of azerbaijan republic sumgayit state universityMagistrantların XXI Respublika Elmi konfransı, 17-18 may 2021-ci ilmagistr2021 3 2Magistrantların XXI Respublika Elmi konfransı, 17-18 may 2021-ci il
336
- Şagirdlərin tarix fənninin öyrənilməsi üçün bir çox fərqli müzakirələr etməklə bilik və bacarıqlarını
təkmilləşdirmək mümkündür.
Beləki, şagirdləri öyrənə biləcəyinə inanmağa təşviq etmək lazımdır. Qiymətləndirmə şagirdlərin
motivasiyasına və özünə hörmətinə böyük təsir göstərir. Onları açıq, maraqlı tarixi suallarla həvəsləndirmək
və müvəffəq olmalarına kömək etmək üçün öyrəndiklərini sorğu-sual edilərək qiymətləndirməlidir.
Məktəbdaxili qiymətləndirmə rəsmi qiymətləndirmədir və şagirdlərin siniflərinin dəyişdirilməsinə, yəni
sinifdən-sinfə ,bir təhsil səviyyəsindən digər təhsil səviyyəsinə keçirilməsinə təmin edir.
Müəllimlərin şagirdlərə qiymətləndirmədə keyfiyyətinin ayrıca araşdırmaları, daha da aydınlaşması
imkanı yaradır.
Müəllim müzakirəsi zamanı moderator funksiyalarına aşağıdakılar daxildir:
- Şagirdləri müzakirə məqsədinə yönəltmək.
- Lazım ola biləcək yeni və ya daha dəqiq məlumatların verilməsi.
- Rəy və faktları nəzərdən keçirmək, ümumiləşdirmək və əlaqələndirmək.
Tarix üçün səviyyə təsvirləri bir il və ya əsas mərhələdə irəliləməni qiymətləndirərkən faydalı bir
bələdçi və yoxlama siyahısı təmin edir. Bəzi məktəblər hər bir şagird üçün səviyyə təsvirlərinin surətini
çıxarır və əsas mərhələdə müəllimlər hər şagirdin nailiyyətlərinə ən uyğun ifadələri vurğulayır.
DVİN KİLSƏ MƏCLİSİNİN QAFQAZ KİLSƏLƏRİNƏ TƏSİRİ
Adgözəlova A.R.
Sumqayıt Dövlət Universiteti
E-mail:
aliya.adigozalova@mail.ru
Alban kilsə tarixinin indiyədək qaranlıq qalmış daha bir səhifələrdən biri Dvin kilsə məclisinin
qərarları və onun Qafqaz kilsələrinə təsiri problemidir. 506-cı ildə digər Qafqaz kilsələri kimi monofizitliyi
seçmiş Alban kilsəsi Abbasın dövründə və bəlkə də, ondan da əvvəl artıq diofizit cərəyanına doğru
istiqamətlənərək mövqeyini dəyişmişdi. Bu hadisə istər, Bizans imperatoru I Yustinin dövründə (518-527-ci
illər), istərsə də, ondan sonra Bizans taxt-tacına yiyələnmiş bacısı oğlu I Yustinianın hakimiyyəti illərində,
551-ci il tarixli Dvin məclisinədək baş verə bilərdi. Gəncəli Kirakosun məlumatına görə, Yustinianın həyat
yoldaşı Feodora monofizit idi və ərinə yalvarırdı ki, Bizansda hakim cərəyan kimi monofizitliyi bərqərar
etsin. Lakin Yustinian, çox istəsə də, onu ölümlə hədələyən diofizitlərdən qorxduğu üçün bu niyyəti
gerçəkləşdirməyə cürət etməmişdi.
Uniya sazişi bağlanarkən erməni kilsəsinin monofizit, Alban kilsəsinin diofizit ola bilməsi tamamilə
mümkün bir hal idi. Alban katolikosu Abbasın erməni katolikosundan aldığı məktub əsasında bir sıra xristian
cərəyanlarının, o cümlədən, nestorianların nümayəndələrini Albaniya ərazisindən çıxartması o demək deyildi
ki, Alban kilsəsi erməni kilsəsinin tabeçiliyində idi və ya hər iki kilsə eyni bir monofizit mövqeyində
dururdu. Ölkədən qovulan xristian təbliğatçıları istər diofizitlərin, istərsə də monofizitlərin mübarizə
apardıqları cərəyanları təmsil edirdilər. Abbasın katolikosluğunun ilk ilində (551-552-ci il) Alban kilsəsinin
mərkəzi iqamətgahının Çoldan Bərdəyə köçürülməsi haqqında “Alban tarixi” əsərində yer almış məlumat
mütəxəssislər arasında fikir ayrılığına səbəb olmuşdur. Bu məsələyə dolaşıqlıq gətirən amil ondan ibarətdir
ki, həmin hadisədən əvvəl III Vaçaqan tərəfindən çağırılmış Aluen kilsə məclisində Bərdə arxiyepiskopu
Şupxalışo xatırlanmışdır. R.B.Göyüşov diqqəti belə bir mühüm cəhətə yönəldir ki, Aluen məclisi III
Vaçaqan hakimiyyətə gəldikdən müəyyən qədər vaxt ötdükdən sonra çağırılmışdır. Beləliklə, Aluen kilsə
məclisinin dəqiq tarixi hələlik qəti müəyyənləşdirilmiş hesab edilə bilməz. R.B.Göyüşov Alban kilsəsinin
müxtəlif iqamətgahları haqqında dolaşıq fikrə belə aydınlıq gətirir ki, əvvəlcə Bərdədə yerləşmiş mərkəzi
iqamətgah təqribən 510-cu ildə Çola köçürülə və 552-ci ildə yenidən Bərdəyə qaytarıla bilərdi. Lakin alban
müəllifi Mxitar Qoş arxiyepiskop Şupxalişodan əvvəl alban katolikosları olmuş I Zakariya, I David, I İoann
və Yeremiyanın iqamətgahının Çolda yerləşməsi haqqında məlumat vermişdir. Bunu nəzərə alsaq,
iqamətgahların əvəzlənməsi aşağıdakı ardıcıllıqla cərəyan edə bilərdi: Çol - Bərdə - Çol - Bərdə.
Eyni zamanda güman etmək olar ki, 552-ci ilə kimi Bərdədə, ümumiyyətlə, Alban kilsəsinin
iqamətgahı yerləşməmişdir. “Alban tarixi” əsərindən məlumdur ki, Aluen məclisinə arxiyepiskop Şupxalişo
yox, Cəsur Vardan sədrlik etmişdir. F.C.Məmmədova qeyd edir ki, Yunan kilsə iyerarxiyasına görə,
arxiyepiskop kilsə rəhbəri patriarxdan aşağıda duran ikinci dərəcəli müstəqil rütbə (vəzifə) idi. Məhz Dvin
|
|
|