308
ölkəsinə qayıtdı. Bundan sonra o, Şərq ölkəsini Taciklərə (ərəblərə)
təslim edib vergiləri də yalnız onlara göndərirdi.
Həmin Varaz – Tiridatın hakimiyyəti dövründə Albaniyada
dəhşətli aclıq oldu və adamlar bu haqda belə bir əfsanə
qoşmuşlar:“Mən Şakaşen vilayətindəki Kaku çölündə gizlənmiş bir
darıyam. Yanımdan bir çox müştəri keçirdi, amma mənə əhəmiyyət
verməyib almaq istəmirdilər. İndi isə yaxşı günlər günlər gəldi, çünki
padşahlıq mənim Aclıq adlı qardaşımdadır. İndi mən knyaz Varaz –
Tiridatın və katolikos Yeliazarın
19
daim yemək masalarındayam.
Məni yeyəni isə qan aparırdı. Onları təqsirləndirməyin!”
Albaniya knyazı Varaz – Tiridatın Qaqik və Vardan adlı
oğulları əvvəl romalıların əlində girov saxlanırdılar, sonra isə
imperator qəzəblənib onları on iki il həbsdə saxladı. Bunun səbəbi
onda idi ki, ataları Şərq ölkəsini ərəblərə təslim etmişdi. Romalılar
imperatoru Yustianın ölümündən sonra onun yerinə gələn erməni
mənşəli Bardanes Filipikos
20
xatırladı ki, zülmətli zindanda qalanlar
var. O əmr etdi ki, onları dözülməz əzablardan xilas etsinlər. Lakin
onların gözləri zülmətdə o qədər ağır vəziyyətə düşmüşdü ki, onları
işığa çox ehtiyatla çıxarırdılar. İmperator onlara hədiyyələr verib
vətənlərinə göndərdi. Qaqika isə əlavə olaraq Kainatın məşəli olan
həyatverici xaçın hissəciyini bağışladı. Vətənə qayıdan kimi Qaqik
bu böyük hədiyyəni Albaniya katolikosu Mikayıla verdi və onun
əmrilə albanlar Allah xaçını dikəltdilər. Onun üzərində belə bir yazı
var idi: “ Rəbbimiz İsa, bu xaçın üstündə bizim xilas olmağımız
309
naminə könüllü çəkdiyin əziyyəti yadına sal! Səndən qorxanlara bu
verdiyin xaçı qəbul et! Mənim, Albaniya katolikosu Mikayılın
günahlarını bağışla, ölkəmiz Albaniyaya rəhmin gəlsin və bizi bütün
məşəqqətlərdən xilas et ki, Sənin zühurun günündə biz Sənin sağ
qolunda oturmağa layiq olaq. Bundan başqa dua edirəm ki, bəndən
Qaqikin, onun bacısı Məryəmin və böyük zərgər Varazonun
21
günahları bağışlansın”.
ON BİRİNCİ FƏSİL
Albaniya katolikosu Mikayıl yaxın qohhumların
evlənməsinin qadağan edilməsi üçün qurultay çağırır
Albaniyanın katolikos kürsüsünü Simeondan sonra otuz beş il
ərzində müqəddəs Mikayıl tutmuşdu. Onun katolikosluğunda
Albaniya knyazları arasında yaxın qohumlar arasında evlənmə baş
vermişdi: Varazmanın nəvəsi Vaxtanq oğlu Varazo həmin
Varazmanın nəvəsi olan Vardanuhi ilə evləndi. Katolikos Mikayıl
onları kilsədən uzaqlaşdıraraq dedi:“Bunu etməyə ixtiyarınız yoxdur,
çünki hər ikiniz bir babanın nəvələrisiniz!”
Lakin Varazo öz xətərli niyyətinə nail olmaq üçün gürcülər
katolikosu Taliyaya müraciət etdi və ondan bu nigaha xeyir – dua
istədi. Və bu haqsız Talila belə qərara gəlir: “Əgər siz mənim
məzhəbimdənsizsə, onda xoşbəxt olun. Lakin albanların adətlərinə
310
razısınızsa, onda özünüz bilərsiniz”.
Belə vəziyyətdə Albaniyanın katolikosu Mikayıl öz kilsəsinin
qurultayını çağırır və məclisə ermənilərin məşhur olan Makenos
vənginin keşişi Solomonu da dəvət edir. Hamılıqla Şamxorun Berd
vəngində toplaşıb, onlar yekdilliklə Varazonun nəslini
lənətləndirdilər. Elə həmin vaxt onun evinə ərəblər basqın edib bir
oğlunu anasının qucağında parçaladılar, ikinci oğlunu isə mindiyi
atın yəhərindən salıb ayaqları ilə öldürdülər.
Qurultay iştirakçıları gürcülər katolikosu Talilaya məktub
göndərdilər: “ Nəyə görə sən, Antakiyada toplaşmış
22
və Samosatlı
Paveli
23
kilsədən kənar etmiş müqəddəs havarilərin şagirdlərinin
qəbul etdikləri qanunları pozursan? Axı onlar “ heç kəs özünə
qohumlarından arvad almasın” adlı qanunu qəbul ediblər. Bu haqda
müqəddəs Afanasinin
24
də “ bu evlənmə yox, pozğunluqdur” hökmü
var. Yenə bu barədə müqəddəs Vasilinin
25
də fikri var. Buna görə də
biz, burada din naminə toplaşanlar, səni bütün dönüklərlə birlikdə
lənətləyib, ədalətli hakim İsanı isə tərənnüm edirik!”
ON İKİNCİ FƏSİL
Albaniya katolikosu Mikayılın – Zaxariyyanın
dilinin tutulması, milad və xaçı suyasalma günü
311
məsələlərində İsanın iki təbiətinə inananların
(diofizitlərin) əleyhinə apardığı araşdırmalar
Musa peyğəmbər İsrail oğulları üçün ilin yeddinci – tişrin
ayında üç bayram təyin etmiş: ayın birində - Kərənay bayramı
1
,ayın
onunda – Təmizlənmə bayramı
2
və on beşində - Ağac budaqları
26
bayramı.
3
Zaxariyyanın dilinin tutulması həmin ayın on yeddisindən
iyirmi ikisinə qədər çəkdi. Sonra o, öz evinə getdi və arvadı
Yelizaveta hamilə olub, Lukanın dediyinə görə “ beş ay bunu
gizlətdi”, “ altıncı ayda isə Cəbrayıl Allah adından bakirə Məryəmin
yanına göndərilmişdir”
4
.
İndi gəlin baxaq, hansı ay altıncı ola bilər? Təqvimə baxıb
müəyyən etdik ki, tişrin ayının iyirmi ikisi Roma təqvimilə oktyabr
ayının doqquzuna düşür. Bu ayın onundan başlayıb altı ay sayıb aprel
ayının yeddisinə düşərik və bu da mələk dediyi kimi, “Yelizavetanın
hamilə olmasının altıncı ayı idi”
5
Bakirə Məryəmin xəbərdar olması
yəhudi nisan ayının on ikisinə düşür. Bu gündən yanvarın beşinədək
270 gün təşkil edir, bu da doqquz aydır. Bundan sonra da İsanın
miladıdır.
Bu barədə müəllimlərimizin başqa fikirlərinə də malikik.
Milad, Zühur və Xəbərdar olunma kilsə tərəfindən bir bayram kimi
keçirilir, çünki bu vahid Allahın miladıdır və bu barədə
1
İncil. Musanın üçüncü kitabı, XXIII, 24.
2
Yenə orada, XXIII, 27.
3
Yenə orada, XXIII, 34.
4
Yenə orada, Lukadan, I, 24, 26.
5
İncil. Havari İsayyanın kitabı, II, 3.
Dostları ilə paylaş: |