www.kitabxana.net
– Milli Virtual Elektron Kitabxana
2016
Mövlüd Süleymanlı
“And olsun, əsrə…”
onları sakitləşdirmək üçün idi, belə də başa
düşdülər. Civan iti ocağa tərəf gətirdi, Apedin
yanında dayanıb:
-İt gətirin, -dedi, - boğuşduraq. -Adamların
arasında Qarakəlləoğlunu görüb üzünü ona
tutdu. -Gətir itlərini!
Camaat
çoxalmaqdaydı,
kəndin
görünməyən üzündən də gələnlər vardı.
-Nə deyirsiz, ay camaat, bu da oyun döyül
ki?! - Qaraca müəllim görünməyən üzdə olduğu
kimi, burda da dikə çıxmışdı, üzünü camaata
tutdu. - Nə deyirsiz?
Partkom camaatın arasından ermənilərə
tərəf getdi:
-Nə var burda, itimizmi yoxdu, gətirin
boğuşdurun...-Dönüb əlini qaldırdı, - Xoş
gəlmisiz, siz də xoş gəlmisiz, yoldaş Ulu-
babyan.
Ulubabyan elə maşının içindən şlyapasını
qaldırıb başına qoydu...Bu onun salam
almağıydı. Özünü düzəldib maşından düşdü,
elə bil yerə xalça döşəmişdilər, dayanıb
sağına-soluna baxdı, kənd gördüyü kənd
deyildi, uçub dağılmışa oxşadı, ürəyində, -
www.kitabxana.net
– Milli Virtual Elektron Kitabxana
2016
Mövlüd Süleymanlı
“And olsun, əsrə…”
həə,- dedi, - bax, bu yaxşıdı, damarı düşdü
kəndin...İçi sevinmişdi, birdən- birə canlanıb
gülümsəməyi də ona görəydi, amma kənd
camaatı onun gülümsəməyinə aldandı yenə,
uşaqdan-böyüyə hamı bir- iki addım ona tərəf
gəldi.
Hava da isinmişdi, şaxta sınmışdı elə bil.
-Necəsiz? - Bilmədi nə desin, dost desin,
kirvə desin, qonşu desin, dost dedi.- Necəsiz,
dostlar? Bu gün də mən sizə dost deyirəm. Elə
onunçün də gəlmişəm...Biz gedənnən sonra
Partkom başa salar sizi... - Partkomun qoluna
girib camaatdan araladı.- İki gün bunnan
qabaq, - dedi, - yəni, fevral ayının 26-da sizin
Sumqayıt
deyilən
şəhərinizdə
erməniləri
qırıblar. Xəbərin var?
-Var, hinger Ulubabyan... - Partkom da
pıçıltıyla danışırdı.
-Bəs niyə saxlayırsan bu camaatı burda?
İstiyirsən ki, gəlib qırsınlar?! Rayonun katibi
İsrayilyanın da adınnan deyirəm, hazırlığınızı
görün, kömək edək çıxıb gedəsiniz. Bizim də
silahlanmış adamlarımız var, artıq qarşısını ala
bilmirik, üstünüzə gələcəklər. Biz bunu deməyə
www.kitabxana.net
– Milli Virtual Elektron Kitabxana
2016
Mövlüd Süleymanlı
“And olsun, əsrə…”
gəlmişik, indi yox, gedənnən sonra camaatı
başa salarsan. İt boğuşdurmaq da bəhanədi..-
Dönüb yük maşınına baxdı, saqqallı gənc
ermənilər boy-boya verib dayanmışdılar, hər
şeyə hazır idilər.
Aped də həmin sözləri Qarakəlləoğluyla
medallı Göyüşə deyirdi, bayaqdan:
-...biz gedənnən sonra camaatı başa salın,
nə qədər hamınızı qırmayıblar çıxın, gedin!
Mən indi dost kimi gəlmişəm... amma
bizimkiləri Sumqayıtda öldürüblər, yandırıblar,
pəncərədən atıblar...!
-Elə şeyi mənim ağlım kəsmir, Aped,
sizdən də bizə deyirlər ki, ermənilər Saral
kəndində qırx uşağı doldurub dəmir boruya,
ağzını da qaynaq eləyiblər, inanaq ona?
Ağdamda bir müəllimi ailəsiylə bir yerdə
maşındaca
yandırdınız,
siz
eləyirsiniz
hamısını...
-Özünüz bilin. Biz gəlmişik xəbər verək...
Sumikyan Şaliko Uğurluyla camaatdan xeyli
aralıdaydılar, deyişə-deyişə uzaqlaşmışdılar:
-Şaliko, mən kəndi sənə necə etibar
eləyim... Sən yaylaq saxlayansan? Sən heç
www.kitabxana.net
– Milli Virtual Elektron Kitabxana
2016
Mövlüd Süleymanlı
“And olsun, əsrə…”
bilirsən ki, yaylaq nədi?. Sən bulağı su kimi
başa düşürsən, amma bilmirsən ki, bulaq su
deyil...Yaxşı, indi buraları mən sənə necə
umud eliyim gedim?..
-Sən yenə qardaşın İmirxanlının sözünü
deyirsən. Gəlib? Burdadı...?
-İyirmi ildi üzünü görmürük, elə o
gedəndi...
-Biz kirvəyik, dostuq...
-Sən dostluğun da nə olduğunu bilmirsən,
Şaliko! Dostluq da sənə lazım olana qədərdi...
-Mən erməni xalqı üçün yaşayıram. Bilirsən
ki, “Qrunk” erməni təşkilatının üzvüyəm, öldür
deyər, öldürərəm, öl deyər, ölərəm...Başa düş,
indi gəlmişəm deyəm ki, erməni yaraqlıları
üstünüzə gələcək, qırılmamış çıxın kənddən...
...İtlərin səsi birdən- birə kəndi başına
götürdü,
sarışın uşağın tüfəngi hasara
söykənikliydi, ermənilər tərəfdən baxanda
lüləsi görünürdü. Sarışın uşaq çal-çaxal bir itin
yedəyindən tutub gözləyirdi. Arıq adam atın
belindən əl elədi...Sarışın yşaq işarəni görüb
həyət qapısını araladı. İt hara getdiyini
bayaqdan bildiyindən, saxlamaq mümkün
www.kitabxana.net
– Milli Virtual Elektron Kitabxana
2016
Mövlüd Süleymanlı
“And olsun, əsrə…”
olmadı, sarışın uşağı qarın içiylə sürüyə-sürüyə
yaxınlaşdı...
Artıq heç nə kəndin canına-qanına
hopmuş qorxunu dağıda bilmir...
“-Ermənidən gələn xeyrə daş yağsın, xeyrə
gəlmiyib bunnar...”- Camaat deyinə-deyinə
dağılışır,
amma
bir-birlərindən
aralana
bilmirlər. Getməyə yer yoxdu, ona görə də
hara gedirlər, yenə qayıdıb özərini tapırlar...
-Ay qız, ay ağ Pəri, ay Tamaşa, ay şallı
Salatın, görün uşaq harda qaldı, niyə gəlib
çıxmadı?! - İmirxanlının anası Sayalı arvaddı,
eyvana çıxıb çır-çır çığırır. - Bəs deyirdin
oğluyun şalvarını geyin, harda olsa gəlib
çıxacaq, budu geyinmişəm, bə niyə gəlib
çıxmır?!
-Gedin, onu içəri salın, yazıqdı... -
Qarakəlləoğlunun səsiydi.
...Nə el qalıb, nə oba, nə iç var, nə çöl,
heç nə yoxmuş, heç nə bunların deyilmiş...odu,
kəndin görünməz üzündəki min- min ilin
qəbiristanlığı da öz ölüsüylə təzədən ölməlidi,
erməni olan bizim qəbiristanlığı diri saxlayarmı
ki, türkü xatırlatsın...Bir az o tərəfdə də bir
Dostları ilə paylaş: |