Mövzu 8 Texnologiyaların beynəlxalq ötürülməsi beynəlxalq iqtisadi münasibətlərin forması kimi Texnologiya

Sub-françayzinq zamanı da sub- françayzer hansısa bir regionu mənimsəyir. Fərq yalnız ondan ibarətdir ki, françayzi birbaşa olaraq uzunmüddətli əsasda sub-françayzerlə işləyir və françayzerlə çox məhdud əlaqələrə malik olur. Royalti və reklam mükafatları sub- françayzerə ödənilir ki, o da öz növbəsində bu vəsaitlərin bir hissəsini françayzerin hesabına köçürür. Beləliklə, sub-françayzer öz regionun françayzerə çevrilir və françayzi onun uzunmüddətli dəstəyindən asılı haıa düşür. Sub-françayzerin məhdud vəsaitlərə, idarəetmə və marketinq qabiliyyətlərinə malik olması françayzinin də fəaliyyətində əks olunur. Nəticədə, potensial françayzi sub-françayzinq münasibətlərini çox ehtiyatla qurmağa məcbur olur, çünki o həm françayzerin, həm də sub-françayzerin işgüzar qabiliyyətindən asılı olur.