Mövzu “Sosial iş nəzəriyyəsi və təcrübəsi-1” fənninin predmeti, məqsədi və vəzifələri
Azərbaycanda sosial xidmət sferası
Yüklə 3,02 Mb. Pdf görüntüsü
|
| 2.4. Azərbaycanda sosial xidmət sferası
Azərbaycanda sosial xidmət sferası, sovet sosial xidmət sistemi çərçivəsində və onun prinsipləri əsasında fəaliyyət göstərmişdir. Sovet İttifaqında sosial xidmət özünəməxsus qaydada həyata keçirilirdi. Belə ki, sosial xidmətlər əsasən uşaqlara, o cümlədən valideyn himayəsindən məhrum olmuş uşaqlara yönəldilmişdi. Kənd, qəsəbə, rayon, şəhər, şəhər mərkəzində rayon xalq deputatları, sovetlərinin qəyyumluq və himayə orqanları kimi fəaliyyət göstərməsi, onlara geniş səlahiyyətlərin verilməsi, hətta bu qurumların valideynlik hüquqlarının icrasına qədər nəzarət etmək səlahiyyətlərinin olması sovet dövründə uşaqlarla bağlı işin səmərəli təşkilini təsdiq edir. Eyni zamanda uşaq evləri, internat müəssisələrinin geniş şəbəkəsi də mövcud idi ki, burada yalnız valideyn himayəsindən məhrum olmuş uşaqlar deyil, maddi cəhətdən zəif təmin olunmuş, aztəminatlı ailələrin də uşaqları, eləcə də müxtəlif səbəblərdən övladlarının təhsilini təşkil etmək imkanına malik olmayan ailələrin 44 uşaqları da yerləşdirilib təhsil ala bilirdi. Avaraçılıq və dilənçilik bir hüquq pozuntusu kimi qiymətləndirildiyindn nəinki həmin şəxslərin sosial müdafiəsi təşkil edilirdi, əksinə, onlar cəzalandırılır və ya məcburi şəkildə əmək fəaəliyyətinə cəlb edilirdilər. Müstəqillik əldə edildikdən sonra sosial xidmətin əhatə dairəsinin genişləndirilməsi və keyfiyyətinin artırılması istiqamətində müəyyən işlər həyata keçirildi. Azərbaycan Respublikasının Ailə Məcəlləsi (28 dekabr 2000-ci il), ―Ahıllara sosial xidmət haqqında‖ Azərbaycan Respublikasının Qanunu (22 iyun 2001-ci il), ―Yetkinlik yaşına çatmayanların baxımsızlığının və hüquq pozuntularının profilaktikası haqqında‖ Azərbaycan Respublikasının Qanunu (28 iyun 2005-ci il) ölkəmizdə sosial xidmətin formalaşması və genişlənməsi üçün təşkilti-hüquqi zəmin yaratdı. 3 dekabr 2011-ci i tarixli 275-İQV nömrəəli ―Sosial xidmət haqqında‖ qanunun qəbulu sosial xidmətin inkişafı və bu sahədə keyfiyyətcə yeni bir mərhələnin başlanğıcı oldu. Qanun ölkədə göstərilən dövlət sosial xidmətlərinə vahid bir yanaşmanı, onların forma və növlərini, şəxsin sosial xidmətə götürülməsi və ona sosial xidmət göstərilməsi üçün mühüm təsisat olan sosial işçinin statusunu, hüquq və vəzifələrini müəyyən edir. Yüklə 3,02 Mb. Dostları ilə paylaş:
|