Qəbul etdiyi proqramda Azərbaycan muxtariyyatını cəsarət və
dəqiqliklə təsbit edən bu fikrə, o gündən etibarən, gürcülərdə
menşevik, ermənilərdə daşnak partiyaları kimi, Zaqafqaziyada
Azərbaycan türklüyünü təmsil edən üçüncü bir güc halına
gəlmişdi (134, s. 4). Məqsədlərini hələ Rusiya inqilabından
əvvəl elan etmiş “Müsavat” firqəsi “mədəniyyətin təmin və
mühafizəsini mədəni hökumət təsisilə mümkün və bəşər mədə
niyyəti bəhrələrindən ibarət olduğu üçün ən təbii hökumətin də
milli hökumət olmasını” təbii görürdü (61, s. 140).
Çarlığın devrilməsindən bir ay belə keçmədən, 1917-ci il
aprel ayının əvvəllərində Bakıdakı “İsmailiyyə Sarayı”nın
möhtəşəm salonunda toplanan “Qafqaz Müsəlmanları Qurul-
tayı”nda çarlığın yerinə gələcək rejim məsələsi qarşısında türk
lərin tutacaqları mövqe müzakirə və münaqişə edilərkən, yalnız
dini və kültürəl muxtariyyətlə kifayətlənən “vahid və mər-
kəziyyətli Rusiya Cümhuriyyəti” tərəfdarlarının sağdan və
soldan gələn hücumlarına qarşı türk demokratiyasının milli
dövlət fikrini, Nəsib bəy Yusifbəyli ilə bərabər yalnız
M.Ə.Rəsulzadə müdafiə edə bilmişlər. 1-11 may 1917-ci ildə
Moskvada toplanan Rusiya türklərinin böyük qurultayında da
şiddətlə çarpışan bu iki tezisdən milli dövlət fikri M.Ə.Rəsul-
zadənin hesabatından və müdafiə nitqindən sonra qəbul
edilmişdir (117, s. 10).
Türk mədəni birliyini yalnız müstəqil türk dövləti daxilində
gerçəkləşdirmənin mümkün olacağı qənaət və imanından
doğan siyasi-dövlətçi türk milli hərəkatı həyat və həqiqətlə üz-
üzə gəlincə ortaq kültür birliyi əsasına bağlı və sadiq qalmaqla
bərabər ayrı-ayrı türk milli dövlətçiliyinə gətirib çatmışdır.
Hələ 1917-ci ilin mayında Moskvada toplanan Rusiya türkləri
nin birinci qurultayında “torpaqlı-territorial milli muxtariyyət”
tezisinə qarşı torpaqsız, sırf mədəni muxtariyyət tezisini dilə
gətirənlər və ortaq ruhani idarəsinin təşkili ilə bütün türk və
müsəlmanları bir mərkəzdən idarə etməyi düşünənlər də milli
birlik əndişəsilə hərəkət edirdilər. Məlum olduğu kimi, həm
140
Bakı, həm də Moskva qurultaylarında milli dövlət tezisini dilə
gətirən “Müsavat” firqəsi və onun nümayəndəsi M.Ə.Rəsul-
zadə idi, Moskva qurultayı onun bəyin tezisini qəbul etmişdi
(63, s. 203).
İnsanlıq və mədəniyyət baxımından milli dövlət qurmağın
zəruri və vazkeçilməz ən demokratik yol olduğunu isbat edən
M.Ə.Rəsulzadə isə bütün millətlərlə bərabər rus əsarətində olan
türklər üçün də milli dövlət qurmaq haqqının tanınmasını
hərarət və müvəffəqiyyətlə müdafiə edə bilmişdir. O, milli
mövcudiyyətlərini mühafizə və milli kültürlərini inkişaf etdir
mək üçün milli hüdudları daxilinə çəkilib milli hürriyyət və
istiqlala qovuşmalarını müdafiə etməklə bərabər, həm də bütün
millətlərin “cahan federasyonu camiasında” birləşə biləcəkləri
nə inanmış və hər kəsi də inandırmışdır. 7 dekabr 1918-ci ildə
Bakıda şəxsən onun açılış nitqi ilə fəaliyyətə başlayan Azər
baycan Parlamentində istiqlal fikrinin ələmdarı olan “Müsavat”
partiyasının bəyannaməsini oxuyarkən M.Ə.Rəsulzadə bu
məsələyə toxunmuşdur (117, s. 10). Onun, parlamentin təşkil
etdiyi üçüncü Fətəli Xan hökumətinin bəyannaməsi ilə bağlı
çıxışı (açılış nitqindən sonra) bir hökumət proqramı mahiyyə
tində idi. M.Ə.Rəsulzadənin yeni qurulan milli dövlətin istinad
etməsi lazım olan demokratik əsasları, daxili və xarici siya
sətini bir-bir izah edən bu nitqi, “milli kültür təməlinə dayanan
gələcək demokratik konstitusiya layihəsini də təşkil edirdi. O,
Azərbaycan Cümhuriyyətinin təşəkkülü ilə milli dövlət
məfkurəsinin zəfərini görür və bu zəfər nəşəsi ilə coşur və hər
kəsi çaşdırırdı”. 28 may 1919-cu ildə, Azərbaycan istiqlalının
birinci ildönümü münasibətilə “Azərbaycan” qəzetinə verdiyi
bəyanatda: “Milli kültür əsasında dayanması və milli demok
ratik türk dövlətçiliyi təməli üzərinə qurulması etibarilə
Azərbaycan, ilk türk dövləti və ilk müsəlman cümhuriyyətidir”
deyir və bunu izah və isbat edirdi (117, s. 13-14).
Tarix milli dövlətçilik ideoloqlarının fikirlərinin nə qədər
doğru olduğunu təsdiqlədi. Belə ki, nə qərbçilik, nə türkçülük,
141
nə islamçılıq, nə də etnik millətçilik öz namizədliyini “milli
ideya” missiyasına sonralar da irəli sürə bilmədi. Xüsusən ilk
Xalq Cümhuriyyətinin təşəkkülü ərəfəsində “azərbaycan-
çılığın” dəyəri hələ ideya halında olan bütün digər dövlətçilik
dəyərlərini üstələdi. “Azərbaycan” sözü müasir siyasi-hüquqi
məzmunu Azərbaycan ideologiyası formalaşandan, rəsmi döv
lət adı statusunu isə Azərbaycan Xalq Cümhuriyyəti yaranan
dan sonra alıb. İstiqlal düşüncəsinin təşəkkülündə milli-mənəvi
(ədəbi-bədii-mədəni) amilin təməl rolunu sonralar milli-əməli
hərəkat dövrünün öz xadimləri dəfələrlə etiraf etmişlər (51, s.
28). M.B.Məmmədzadə bununla bağlı yazırdı ki, “Azərbaycan
milli xartiyasının” təşəkkülündə, istiqlal fikrinin təsisində
Vaqifdən tutmuş Cavidə qədər, Mirzə Fətəlidən Üzeyirə kimi,
“Əkinçi”dən “Azərbaycan” və “Yeni Qafqaziya”yadək hər
birinin olduqca böyük və dəyərli rolları olmuşdur. Zənnimizcə,
Mirzə Fətəli və Həsən bəy Zərdabi əlli il sonra dünyaya gəlsə
idilər, istiqlal fikri, Azərbaycan milli xartiyası da əlli il sonra
meydana gələcəkdi. Bunların arasında sıx bir münasibət və
rabitə vardı... Özünü, türkçülüyünü və azərbaycançılığını dərk
etməyən bir xalq istiqlal bəyannaməsini verə bilməzdi” (61, s.
132). Azərbaycan istiqlal məfkurəsinin formalaşmasında və
milli xartiyanın ümumi mahiyyət qazanmasında mətbuat və
ədəbiyyatının böyük rolu danılmazdır. A.Şaiq, Ə.Müznib,
H.Cavid, Ə.Cavad kimi ədəbi simalar milli dövlət rəmzlərinin
gözəlliyini, haqq və hürriyyəti idealizə edən əsərlər yazdılar.
“Qəzetlər onun haqqını və hüququnu, istiqlal və hürriyyətini
müdafiə etdilər, ümumiləşdirdilər. Mühərrirlər, dramaturqlar
istiqlal mübarizəsinə aid dramlar yazdılar. Azərbaycanın tarixi,
ədəbiyyat tarixi, məktəb kitabları milli istiqlal ruhunda yazıldı.
“Müntəxabat”, “Türk çələngi”, “Türk ədəbiyyatı” və sairələri
istiqlal dövründə, milli istiqlal ruhunda olaraq çıxdı. “Azərbay
can”, “İstiqlal” qəzetləri, “İstiqlal” məcmuəsi o zaman hakim
olan ruhu, 1918-1920-ci illərdəki fikirləri bizə yadigar olaraq
saxlamışdır” (61, s. 147). Milli istiqlal davasını mədəni millət
142
Dostları ilə paylaş: |