Mübariz Yusifov
104
antları digər türk dilləri ilə müqayisə edir.
14
Aydın Ələkbərov kö-
kündə kö, gö elementləri olan sözləri (köz, gövdə, gödək, gödən,
kökə, kömbə, köpəşik) təhlil edərək onların yumruluq anlayışı
üzrə bir-biri ilə bağlı olduğunu göstərir.
25
Erden Kajibekov türk dillərində eyni köklü sözləri xüsusi
semantik ardıcıllığa malik vahidlər kimi tədqiq edir.
36
Bəzən söz tərkibində səs dəyişməsi yolu ilə yaranan va hid-
lərin fonetik variantlılığa aid edilməməsi fikirləri ilə də rastlaş-
maq olur.
41
Fonetik söz yaradıcılığı haqqında tədqiqatların şəbəkəsi çox
da geniş deyildir. Ancaq qohum dillərdə kök sözlərin struk tur
və semantik əlaqələrinin öyrənilməsi üçün ilkin köklərdən baş qa
sözlərin törəmə üsullarının araşdırılması üçün, qohum dillərdə
quruluşca və mənaca bir-birindən uzaqlaşmış sözlərin bər pası
üçün, ən əsası isə qohum dillərdə leksik ümumiləşmə yarat mağa
nail olmaq üçün fonetik söz yaradıcılığının tədqiqi çox mühüm
əhəmiyyətə malikdir. Fonetik söz yaradıcılığı baza sın da qohum
olmayan dillər arasındakı struktur və semantik ya xınlıqların
elmi əsaslarla müəyyənləşdirilməsinin də çox böyük əhə miyyəti
vardır. Qohum olmayan dillər arasındakı struktur və se mantik
yaxınlıqlar təsadüfi sayıla bilməz. Yaxud bu dillərin ara sındakı
oxşarlıqları “nə zamansa baş vermiş alınma” prosesinin üstünə
1
4
А.А.Нагаев. Чередование звуков как средство, словообразование
(на материале узбекского и некоторых других тюркских языков) АКД,
Самарканд, 1969, с. 26.
2
5
Бах: А.К.Алекперов. Лексические значение в семасиологической
структуре слова. СТ, 1976, №2, с. 37.
3
6
Бах: Е.З. Кажибеков. Глагольно-именная корреляция гомогонных
корней в тюркских языках. Алма – Ата, 1986,с. 77 – 245.
4
1
Бах: Г. Садвакасов. Имеется - ли в совремонном уйгурском языке
фонетический способ словообразования? СТ. 1972, 6, с. 80-82; М.М.
Трофимов. О фонетическом способе словообразования в современном
уйгурском языке. Ст 1979, №4,с. 48-50.
Linqvistik tipologiya
105
qoymaq olmaz. Bu mühüm hadisənin başqa səbəbləri vardır.
Ona görə də ifrata varmadan həqiqət yolunu axtarıb tapmaqla
müxtəlifsistemli dillərdəki oxşarlığın obyektiv səbəblərini araş-
dırmaq tamamilə mümkündür.
Azərbaycan dilində fonetik söz yaradıçılığının mühüm is-
tiqamətlərini aşağıdakılardan ibarət hesab etmək olar: 1) struk-
tur köklərin yaranması. 2) sözün əvvəlində, ortasında və sonun-
da fonetik dəyişmə baş verməsi yolu ilə yeni sözlərin yaranması.
Struktur köklərin yaranması
Sinkretik köklər müxtəlif nitq hissələrinə aiddir. Sinkre-
tizm sözü mənşəcə yunan dilinə məxsusdur. Mənası birləşmək
deməkdir. Sinkretik köklər üçün səciyyəvi cəhət də müxtəlif
mənaların eyni kök daxilində birləşməsindən ibarətdir. Bu tip-
li sinkretik köklər Azərbaycan dilində olduğu kimi digər türk
dillərində də mövcuddur : at (heyvan), at (atmaq); tut (meyvə),
tut (tutmaq); daş (isim), daş (daşmaq); dan (üfüq), dan (dan-
maq); qan (maddə), qan (qanmaq); yay (fəsil), yay (yaymaq);
sağ (diri), sağ (sağmaq); yağ (maddə), yağ (yağmaq); qaz (quş
növü), qaz qazmaq); it (heyvan), it (itmək); qız (insana məxsus
cins), qız (qəzəblənmək); yan (böyür), yan (yanmaq); al (qır-
mızı), al (almaq); qır (maddə), qır (qirmaq); bit (həşərat), bit
(bitirmək) kimi sözlər bu cəhətdən səciyyəvidir.
Müxtəlif nitq hissələrinə məxsus kök sinkretizmlərini öz
xarakterinə görə sözyaratmanın ən ilkin mərhələsi hesab et mək
olar. Ona görə ki, onların arasında məna əlaqələri möv cud de-
yildir. Ümumiyyətlə, müasirlik baxımından yanaşıldıq da bu cür
sinkretik köklərdə məna əlaqəsi təsəvvürə də gətirilmir. Dildə
yeni anlayışların ifadəsinə yaranan təlabat bir kökdən tamam
başqa məna bildirən sözlərin yaranmasını şərtləndir mişdir.
Mübariz Yusifov
106
Ad və fel nitq hissələrinə aid birhecalı kök sinkretizmlərinin
nitqə görə fərqlənməsində tonallıq mühüm əhəmiyyət daşıyır.
Belə ki, məsələn, çat (isim), çat (fel); tut (isim), tut (fel); it (isim),
it (fel) və s. nümunələrdəki sait səslər tonallığın fərqləndirilmə-
sində əsas vasitədir. İsmi tonallıqda sait səs bir qədər zəif, feli
tonallıqda güclü hiss olunur. Bu da dilin ilkin sözyaratma mər-
hələsində eyni kök daxilində ismin və felin fərqləndiricisi kimi
digər vasitələrin mövcud olmadığını göstərir. Feli sinkretizmlər-
də tonallıq öz səslənmə təsirinə görə əmr formasının ikinci şəx-
sinin təkinin ifadəsinə bərabərdir. Yəni, məsələn, tut sözü isim
kimi işlədiləndə ton adi qayda səslənir. Fel kimi işlədildikdə isə
əmr formasının tonu öz gücünü və təsirini göstərir.
Ümumiyyətlə, həmin tipli köklərdə dil əşyalılığa və hərəkətə
görə xüsusi bir fərq qoymur. Ona görə də nitq təfəkkürün gücü
ilə məcburən iki anlayışı bir strukturda birləşdirir. Tonallıq isə
sözün strukturunu yox, mənasını fərqləndirməyə xidmət edir.
Bütün bunlar göstərir ki, dilin ən qədim dövrlərində təfəkkür
imkanları dil imkanlarından güclü olmuşdur. Dil daim təfəkkü-
rün arxasınca gedərək nitqin intensiv fəaliyyəti ilə özünə yeni
strukturlar formalaşdırmışdır.
Yeri gəlmişkən qeyd etmək lazımdır ki, bəzi tədqiqatlarda
ikihecalı sözlərdə də vurğu onları ismə və felə görə fərqləndi-
rir: alma-a
/
lma, bölmə-bö
/
lmə, vurma-vu
/
rma, çıxma-ç
/
ıxma, gə
/
lmə-gəlmə, yarma-ya
/
rma, boğma-bo
/
ğma, qırma-qı
/
rma, gə-
lin-gə
/
lin və s.
Buna istinad edərək tədqiqatların bəzilərində belə sözlər
də fonetik söz yaradıcılığına aid edilir. Nəzərə almaq lazımdır
ki, bunlar sadə kök sözlər yox, düzəltmə sözlərdir. Ona görə də
nəzərə almaq lazımdır ki, burada tonallıqla birlikdə sözyaratma-
da şəkilçilərin də rolu vardır. Yəni burada tonallığın funksiyası
nə qədərdirsə şəkilçilərin funksiyası da o qədərdir. Odur ki, söz-
Dostları ilə paylaş: |