T. Bəhrami göstərir ki, ―Ortası çökək olub, dövrəsi isə qalaya oxşayan
Ultan təpəsi Araz çayına bitişikdir. Burada olan qala hal-hazırda bütünlüklə aradan
çıxıb, bütünlüklə təpəyə çevrilmişdir. Nadir şah həmin qalada tac qoymuşdur
62
.
Çox ehtimal ki, Ultan qalası da Bəhramtəpə kimi Sasanilərin dövründə
tikilmiş qalalardan biri olmuşdur. Göründüyü kimi həmin qala Nadir şahın (1736 -
1747) dövrünə qədər qorunub saxlanmış, ondan sonra isə İranda olmuş mərkəzi
hakimiyyətin (Qacarların dövru nəzərdə tutulur) zəiflədiyi zaman xarabazarlığa
çevrilmişdir.
T. Bəhrami ―Əkinçilik mədəniyyəti‖ adlı bir əsərində yazır: ―Muğanda
görünməkdə olan bir arx Gavurarx adı ilə məşhurdur. Daha doğrusu, Gavurların
arxı. Bu arx qədimdə Muğan atəşpərəstləri tərəfindən çəkilmişdir. Muğanı Araz
çayından bu arx vasitəsi ilə suvarırmışlar. Gavurarxın hal-hazırda dolmasına
baxmayaraq onun nişanaləri hələ də qalmaqdadır. Bu arx İran Muğanını keçdikdən
sonra rus Muğanına (Şimali Azərbaycana - A. F.) daxil olur. İranda həmin arxın
uzunluğu 100 kilometrə bərabərdir. Vaxtilə Nadir şah Muğanda arx qazdırıb
suvarma işlərinə nəzarət etmişdir. Ultan qalasının yaxınlığında olan arx Nadir arxı
adlanır
63
.
Gavurarx haqqında məlumata bir sıra mənbə və ədəbiyatlarda da rast
gəlmək olar
64
.
Tədqiq etdiyimiz mövzu ilə əlaqədar olaraq bir neçə müəllifin adını
çəkməyi lazım bilirəm. Onlardan Mirzə Camal, T. S. Passek, İ. İ. Meşşaninov, Q.
Əhmədov, Qarabaği, Səidəli Kazımbəyov oğlu, T. Bünyadov və başqalarını
göstərmək olar. Gavurarxın çəkilmə dövrünün tədqiq edilib aşkar çıxarılmasında,
həmin göstərilən müəlliflərin zəhmətləri təqdirəlayiqdir. Gavurarx haqqında T.
Bünyadov yazır ki, Gavurarx adı ona hər halda Azərbaycanda İslam dini qəbul
ediləndən sonra verilmişdir
65
. Məlum olduğu kimi ―gavur‖ sözü xalq arasında
gəlmə, düşmən, yadelli, çox pis insan və s. mənalar daşıyır. Formal cəhətdən bu
fikirlə də razılaşmaq olar. Ona görə ki, ola bilsin bir dinə inam bəsləyənlər, onlarla
həm əqidə (dini nöqteyi-nəzərdən) olmayanlara, nifrət edib, onlara gəlmə, düşmən,
yadelli, pis insan adı vermiş olsunlar. Belə ki, İslam dininə inanıb, lakin onun ayrı-
ayrı təriqətlərinə mənsub olanlar da bir-birinə nifrət edib və bəzi təriqətlərə
inananlara xoşagəlməyən adlar verirdilər. Gavur sözünün mənası tamamilə
başqadır. Şəmsəddin Saminin nəzərincə ―gavur‖ əslində ―gəbr‖ sözündən
törəmədir. ―Govur‖ atəşpərəst deməkdir.
T. Bünyadova görə ―Ola bilər ki, bu arxın çəkilməsi işinin təşkilində
farsların müəyyən rolu olmuş və onu da yerli əhali gəlmələrin, yəni govurların adı
62
Yenə orada.
63
Tağı Bəhrami. Fərhənge rustai ya dairət əl-məarif-e fəllahi. Tehran, 1316, s. 46
64
T. Bünyadov. Göstərilən əsəri, s. 21.
65
Yenə orada.
ilə bağlamışdır
66
. T. Bünyadovun irəli sürdüyü bu fikirlər ehtimaldır. Lakin
müxtəlif mənbələr bu ehtimalı təsdiq edir.
Muğan ərazisində qədim dövrlərdən etibarən atəşpərəstlər yaşamışlar.
Həmdullah Qəzvini bu haqda yazır: Muğan şəhərlərinin adları atəşpərəstlərin
(zərdüştlərin) ay adlarından götürülmüşdür
67
. Belə ki, hal-hazırda da qalmaqda
olan Aslandüzün 30 kilometrliyində Bəhmən, Maralan körpüsünün yaxınlığında
Şəhrivər və başqalarını göstərmək olar
68
.
―Muğan‖ sözünün özünün də etimoloji mənası – ―muğlar yaşayan yer‖
bir daha sübut edir ki, həmin ərazidə atəşpərəstlər yaşamışlar
69
. T. Bünyadovun
göstərmiş olduğu yerli əhalinin gəlmələrin (farsların) adı ilə bu arxı Gavurarx
adlandırması ehtimalı inandırıcı olmayıb, əksinə, gəlmələr (ərəblər nəzərdə
tutulur - L. F.) həmin arxı yerli əhalinin adı ilə əlaqədar olaraq Govurarx
adlandırmışlar.
Qeyd etmək lazımdır ki, biz Azərbaycanın təsərrüfat həyatı məsələləri
dedikdə həmin ərazidə əkinçilik, maldarlıq, sənətkarlıq, ticarət yolları və
şəhərlərin inkişaf tarixinin öyrənilməsini nəzərdə tuturuq. Ona görə də
Azərbaycanın əkinçilik üçün əlverişli olan təbii-coğrafi şəraiti və habelə
suvarma sistemi öyrənildikdən sonra bilavasitə həmin ərazidə vaxtı ilə
yetişdirilmiş taxıl növlərinə və yerli şəraitə uyğun olaraq onların becərilməsinə
xüsusi diqqət verməliyik.
Əkinçilik
Əkinçilik Azərbaycanın təsərrüfat həyatı məsələlərinin əsas sahələrindən
birini, daha doğrusu, onun özəyini təşkil edir. Lakin tədqiqatçılar belə bir aktual
məsələ ilə nisbətən az məşğul olmuşlar. Qeyd etmək lazımdır ki, son illərdə T.
Bünyadovun
Azərbaycanda
əkinçiliyin
inkişafına
dair
nəşr
edilmiş
monoqrafiyasını bu barədə yazılmış yeganə əsər hesab etmək olar.
Biz Azərbaycan dedikdə, təqribi olaraq Zaqros dağlarından Xəzər
dənizinə, Qafqaz sıra dağlarının cənub ətəklərindən müasir Xəmsə mahalı daxil
olmaqla Qəzvin və Həmədan əyalətinə qədər uzanan geniş bir ərazini nəzərdə
tuturuq.
Məlumdur ki, qədimdə Azərbaycanın şimal hissəsi antik mənbələrdə
Albaniya
70
, ərəblərdə Alran
71
, xalq arasında Aran, cənubu isə Atropatena adlanırdı.
Lakin həmin ərazidə tarix boyunca yaşamış tayfa və qəbilələr iqtisadi-ictimai
66
Şəmsəddin Sami. Qamuse türki, İstanbul, 1799, s. 141.
67
H. Qəzvini. Göstərilən əsəri, s. 89 – 90.
68
Yenə orada.
69
Məhmmədəli. Müxbir Mərzha-e İran, Tehran, 1334, s. 91.
70
Strabon, Plutarx, Dion Kassi, Ptolomey və başqalarının əsərləri.
71
Yaqut Həməvi, Təbəri, Məsudi, İstəxri, İbn əl-Əsir, İbn əl-Fəqih və başqalarının əsərləri.
Dostları ilə paylaş: |