Albaniya süvari dəstələri məşhur olmuşdur. Strabonun göstərdiyinə görə, Kür -
Araz ovalığında yalnız bağ-bağça, bostan-meyvə bitkiləri deyil, orada bütün
bitkilərin becərilməsinə şərait vardır. Bu ərazini görənlərin dediyinə görə bir dəfə
əkilən sahədən 2 - 3 dəfə məhsul əldə etmək olur
152
. Atropatena ərazisində arpa,
buğda, darı, mərci, lərgə, yonca, paxla və bostan bitkilərinin olması mənbələrdə öz
əksini tapmışdır. Qazıntılar zamanı Barucdan, Gənctəpədən, Təxt-e Süleymandan,
Ərdəbildən, Makudan, Yanıqtəpədən və başqa yerlərdən buğda, arpa qalıqları,
habelə əkinçilik alətləri tapılmışdır. Germi rayonundan əldə edilmiş əkinçilik
alətləri xüsusilə maraqlıdır. Oradan ―xış‖ gavahan, vəl, giv və başqa alətlərin
qalıqları əldə edilmişdir. Buğda - arpa və başqa növ taxılın mühafizə edilməsi üçün
istifadə edilmiş quyular, habelə böyük küplər olduqca maraqlıdır. Saxsı qablar
üzərində əkinçilik alətlərinin, mal-qaranın, xüsusən qoyun-keçi rəsmləri bizə
imkan verir ki, bu ərazidə əkinçilik və maldarlığın yüksək dərəcədə inkişaf etməsi
haqqında fikir irəli sürək.
Əkinçilik, maldarlıq, sənətkarlıq, şəhər həyatı və ticarət yolları haqqında
antik dövrün mənbələrində nisbətən az məlumata təsadüf edilsə də Atropatena
ərazisində aparılan arxeoloji qazıntıların nəticələri, bu ərazidə hələ qədim dövrdən
etibarən əkinçilik, maldarlıq, habelə təsərrüfat həyatının digər sahələrinin yüksək
səviyyədə olduğunu göstərir. Buna nümunə olaraq Yanıxtəpə, Həsənlu, Gənctəpə,
Germi, Muğan, Ərşə, Təxt-e Süleyman və sairə qazıntıların nəticələrini misal
göstərmək olar. Atropatena ərazisinin təbii zənginliyi, münbit torpağa malik olması
geniş və düzən əkin sahələrinin yamyaşıl çəmənliklərin mövcudiyyəti, habelə suyu
bol olan çayların buradan axması təsərrüfat həyatının inkişafına şərait yaratmışdır.
Savalan, Zaqros, Səhənd, Amard (Bağro), Büzgüş, Qaflantı, Qaradağ kimi zirvələri
daima qarla örtülmüş yüksək dağ silsilələri suyu bol olan çayların mənbəyinə
çevrilmişdir. Bu dağlardan axan Kərxə, Diyalə, Amard (Qızılüzən), Mordi, Cğatu,
Acıçay, Qarasu, Nəştəri, Dəravürd və başqa çayları göstərmək olar.
Yüksək dağ silsilələri Atropatenanın iqlim şəraitinə də öz təsirini
göstərmişdir. Antik müəlliflər, o cümlədən Strabonun göstərdiyinə görə şimal
əyalətlərindən Matiana və Ermənistana qədər uzanan dağlar çox olmaqla bərabər,
həm də oranın iqlim şəraitinə böyük təsir göstərir. Ona görə də müəllif oranı soyuq
ölkə adlandırır (XI, 13, 7). Atropatena ərazisinin digər hissələri isə olduqca
məhsuldardır. Məhz dağ və dağətəyi sahələr geniş otlaqlara malik olduğundan
orada maldarlıq, xüsusən atçılıq inkişaf etmişdir. Ammian Marsellinin göstərdiyinə
görə, bu ərazinin sakinləri Zaqros, Orant və İason dağlarının əhatəsində olan
ucsuz-bucaqsız geniş düzən torpaqlardan istifadə edirlər. Həqiqətən də düzənlik və
dağətəyi rayonlarda tarixən oturaq əhali əkinçiliklə məşğul olmuşlar. Atropatenada
gellər, kaduslar, amardlar, anariaklar və başqa tayfalar məskun idi. Kaduslar
(müasir galışlar) amardlar ölkənin dağlıq zonasında yaşayırdılar. Bu sahə,
152
Strabon. XI. 1 – 6.
Atropaten ərazisinin digər düzən və dağətəyi zonası ilə müqayisədə məhsuldar
deyildir. Lakin bu ərazinin əkinçiliyə yararsız olmasına baxmayaraq kaduslar,
gellər və amardlar əsasən maldarlıqla məşğul olurdular. Bu, göstərdiyimiz tayfalar
yaşadıqları yamaclarda, dəniz sahili və göllərin ətrafında az olsa da əkinçiliklə
məşğul olurdular.
Ammian Marsellinin göstərdiyi kimi, Atropatena ərazisi əkinçilik üçün
yararlı olan düzənliklərə, çoxlu suyu bol olan çaylara və bulaqlara, təbii və süni
suvarma sisteminə, bir sözlə, məhsuldar və bərəkətli torpaqlara malikdir. Müəllifə
görə Atropatena ərazisinin digər sahəsi dağlıq, rütubətli, soyuq və məhsuldar
olmayan sahələrdir. Strabonun göstərdiyinə görə Atropatena ərazisində mədəni
bitkilər əkilirdi. Hirkaniyadada bir üzüm tənəyindən bir metrat şərab, əncir isə 60
medim (XI, 7, 2) əldə edilirdi. Araksena, Sakasena, Midiya və Matianada buğda,
arpa və s. əkilirdi. Atropatendə arıçılıq da inkişaf etmişdi. Qalın meşə zonalarında
ilk növbədə irigövdəli ağacların oğuşlarında, sonralar isə ağac budaqlarından
toxunmuş səbətlərdə arı saxlanılırdı. Savalan, Səhənd, Büzgüş və Bağro dağında
əldə edilən bal keyfiyyətinə görə Yaxın Şərqdə məşhur idi. Bal arıları ağaclarda
məskən saldığına görə yarpaqlardan bal damırdı (XI, 7, 2). Qeyd etmək lazımdır ki,
hal-hazırda ―Savalan balı‖ dadına, ətrinə və keyfiyyətinə görə dünya şöhrəti
qazanmışdır. Atropatena ərazisində Ammian Marsellinin göstərdiyinə görə, hündür
dağ olan Koronun qərb yamacının sakinləri geniş miqdarda buğda sahələrinə və
üzümlüklərə malikdirlər. Məhz torpaqları haqqında olan məlumat da olduqca
maraqlıdır. Qədim mənbələrdə Atropatenada mağların istifadəsindən ötrü geniş və
məhsuldar torpaqlar ayrılmışdı. Bu torpaqlarda qul əməyindən istifadə edilir və
yaxud kəndlilər əvəzsiz bu torpaqları becərirdilər. (XXIII, 6, 32).
Ümumiyyətlə, tədqiq etdiyimiz dövrdə Atropatena ərazisində mədəni
bitkilərin əkilməsi, habelə bağçılığın, arıçılığın nə vəziyyətdə olması haqqında
antik müəlliflərin əsərlərində az da olsa məlumata təsadüf edilir. Strabon öz
əsərində Hirkaniyada üzüm tənəklərindən və məhsulun miqdarından ətraflı surətdə
bəhs edir. O, Hirkaniyada taxıl əkinindən, buğdanın küləşdən təmizlənməsindən,
habelə çörəyin buğdadan bişirilməsindən də danışır.
Matiana Atropatenanın tərkibində olduğu zaman bu ərazinin məhsuldar
olması haqqında Strabonun verdiyi məlumatı Atropatenaya da tətbiq etmək olar.
Bundan başqa Atropatenaya ən yaxın olan ölkələrin məhsuldarlığı, əkilən mədəni
bitki növlərinin, eləcə də üzüm və digər meyvə növlərini təbii yayılma coğrafiyası,
habelə eyni iqlim şəraitinə malik olan ölkəyə də tətbiq etmək düzgündür. Lakin ola
bilsin ki, yaxın ərazilərin birində çox məhsul verən bitki, digər ərazidə az
məhsuldar olsun. Beləliklə, Strabonun Hirkaniyada bitki və meyvələr haqqında
verdiyi məlumatı Atropatenaya da tətbiq etmək olar. O, Hirkaniya, Matiana,
Sakasenada küləşdən ayrılmış buğdadan çörəyin bişirilməsini göstərirsə, demək
olar ki, həqiqətən də Atropatenada da buğda əkilirmiş (XI, 7, 2). Atropatenada
şərab da istehsal edilirdi. Orijinal üsulda Midiyada şərab hazırlanması maraqlıdır.
Dostları ilə paylaş: |