|
![](/i/favi32.png) MühaziRƏ 1 Mülkü müdafiənin əsasları, qüvvə və vasitələriƏhalinin kimyəvi zədələnmə ocağında
|
səhifə | 30/78 | tarix | 29.03.2023 | ölçüsü | 4,5 Mb. | | #103596 |
| mülki müdafiəƏhalinin kimyəvi zədələnmə ocağında
hərəkət və davranış qaydaları
Zəhərləyici maddələrin təsiri nəticəsində, insanların, heyvanların və ya bitkilərin zədələnməsinə səbəb olmuş ərazi kimyəvi zədələnmə ocağı adlanır.
Müasir ZM yüksək toksiki təsir xüsusiyyətinə malik maddələrdir. Ona görə də vaxtında ZM-dən zədələnmənin qarşısını alan tədbirlər görülməlidir və əsas etibarılə də düşmənin kimyəvi silah tətbiq etməsini bilmək üçün zədələnmə əlamətlərini öyrənmək vacibdir.
Düşmən təyyarəsinin ardınca tünd, tez çökən və seyrələn izin görünməsi, aviasiya bombasının partladığı yerdə buludların boyanması, havada zəhərləyici maddənin olmasını ehtimal etməyə imkan verir. Bundan başqa, ZM damcıları asfaltın üzərində, binaların divarında, bitkilərin yarpaqlarında və digər əşyaların üzərində yaxşı müşahidə olunur, həmçinin yaşıllıq və güllərin solması, bitkilərin məhv olması da ZM tətbiqindən xəbər verir. Düşmən tərəfindən kimyəvi silahın tətbiqi əlamətlərini aşkar edən kimi («Kimyəvi həyəcan» siqnalı verilən kimi), dərhal əleyhqaz, lazım gələrsə dəri mühafizə vasitələrini geyinməli, yaxınlıqda sığınacaq varsa orada gizlənmək lazımdır. Sığınacağa daxil olmamışdan əvvəl istifadə edilmiş dəri mühafizə vasitəsi və üst geyimi sığınacağın dəhlizində çıxarılır və orada qalır; bu tədbir ZM-in sığınacağa gətirilməsinin qarşısını alır. Əleyhqaz sığınacağa daxil olduqdan sonra çıxarılır. Sadə sığınacaqdan istifadə edərkən nəzərə almaq lazımdır ki, o yalnız dəri örtyünə və paltara damcı-maye halında ZM-in düşməsinin qarşısını alır, havada buxar və ya aerozol halında olan ZM-dən mühafizə etmir. Buna görə sadə sığınacaqlarda olan zaman mütləq əleyhqazdan istifadə etmək lazımdır. Sığınacaqlarda olan zaman oradan çıxmağa icazə verilənə qədər gözləməli, icazə verildikdən sonra, tələb olunan mühafizə vasitələrini geyinməli və zonadan çıxmaq üçün sığınacağı tərk etməlidirlər. Kimyəvi zədələnmə ocağından çıxmaq üçün, müəyyən istiqamətdə xüsusi işarələrlə işarələnmiş və post-məntəqələrdəki tənzimləyicilərin göstərdiyi seçilmiş yollarla, əgər işarələr və məntəqələr yoxdursa, o zaman küləyin istiqamətinin əksinə getmək lazımdır. Belə ki, küləyin istiqamətində zəhərli hava buludu daha geniş ərazidə yayılmış olur.
ZM-lə zəhərlənmiş ərazidə tez hərəkət etmək lazımdır, lakin qaçmaq və toz qaldırmaq, binalara və ətraf əşyalara söykənmək, görünən ZM damcılarını və ləkələrini tapdalamaq olmaz. Zədələnmiş ərazidə əleyhqazı və mühafizə vasitələrini soyunmaq qadağandır. Əgər ərazinin zəhərləndiyi məlum deyilsə, zəhərli ərazidəki kimi hərəkət etmək lazımdır. Parklar, bağlar, bostanlar və çöllər ZM ilə zəhərlənmiş zonada olarsa, o zaman belə ərazilərdə, xüsusilə, ehtiyatla hərəkət etmək lazımdır, çünki budaqlarda, yarpaqlarda çökmüş ZM damcıları ayaqqabılarla və paltarlarla təmas zamanı insanların zəhərlənməsinə səbəb ola bilər. Kimyəvi zədələnmə ocağını tərk edərkən mümkün qədər dərələrdən, vadilərdən, çəmənlikdən və bataqlıq yerlərdən uzaq olmağa çalışmaq lazımdır, çünki həmin yerlərdə ZM buxarlarının uzun müddət qalması ehtimal olunur. Şəhərlərdə ZM buxarları qapalı kvartallarda, parklarda, həmçinin binaların girəcəklərində, damlarında da uzun müddət qala bilər. Zəhərli bulud şəhərlərdə küçələr, tunellər və boru kəmərləri vasitəsilə yayılır. Kimyəvi silahın tətbiqindən sonra və ya zəhərlənmiş ərazidə ZM damcılarını və izini paltarda, ayaqqabıda və ya mühafizə vasitələrinin üzərində aşkar edərkən, dərhal onları tənzif və pambıq tamponlarla silmək lazımdır; əgər tampon yoxdursa, kağız və bez vasitəsilə təmizləmək mütləqdir. Zədələnmiş nahiyələri kimya əleyhi paketin içindəki universal deqazasiya məhlulu ilə təmizləmək və ya isti su və sabunla yumaq lazımdır. Zədələnmə ocağından çıxarkən yaşlı və əlil insanlara rast gələrkən onlara ərazidən çıxmağa kömək edilməlidir. Zədələnmişlərə tibbi yardım göstərilməlidir. Ərazidən çıxan kimi mümkün qədər tez bir zamanda tam sanitar təmizləməsi aparılmalıdır. Əgər bunu tez etmək olmazsa, qismən deqazasiya və sanitar təmizliyi aparılmalıdır.
Zonadan çıxmaq mümkün olmazsa o zaman pəncərə və qapıları, tüstü bacalarını, ventilyasiya dəliklərini örtmək, hermetikləşdirmək, giriş qapısının qarşısına qalın pərdə və ya örtük asmaq lazımdır. Pəncərələrin çərçivələrinin arası leykoplastır, plyonka ilə bərkidilməlidir. O zaman CTZM otaqlara daxil ola bilmir.
Dostları ilə paylaş: |
|
|