|
![](/i/favi32.png) MühaziRƏ 1 Mülkü müdafiənin əsasları, qüvvə və vasitələriQəlpəli, diyircəkli döyüş sursatları
|
səhifə | 37/78 | tarix | 29.03.2023 | ölçüsü | 4,5 Mb. | | #103596 |
| mülki müdafiəQəlpəli, diyircəkli döyüş sursatları. Hazırda bütün dünya ölkələrində adi qəlpəlı-fuqas döyüş sursatının təkmilləşdirilməsi üzrə intensiv işlər aparılır. Bu silahların özəlliyi içərisində külli miqdarda (bir neçə yüzdən bir neçə minə qədər) müxtəlif ağırlıqlı qəlpələrin (diyircək, iynə, ox) olmasıdır. Diyircəkli piyada əleyhinə bombalar tennis topundan futbol topuna qədər böyüklükdə olur və içərisində 300-ə qədər diametri 5-6 mm olan metal, ya da plastik diyircəklər olur. Belə bombanın təsir radiusu kalibrindən asılı olaraq 1,5-15 m ola bilər. Təyyarədən diyircəkli bombalar içərisundə 90-650 bomba olan kassetlərdə atılır. Kasset yer səthində dağılır, ətrafa səpələnən diyircəkli bombalar 25000 m² sahədə partlayır. Belə döyüş sursatı böyük ərazidə insanları məhv edir, zədələyir. Diyircəkli və qəlpəli bombalardan qorunmaq üçün müdafiə qurğularından istifadə etmək lazımdır. İçərisində iynələr olan döyüş sursatı partlayarkən 300 tona qədər polad iynə və ya ox (28 mm) qarmaq şəklində əyilərək insanlara öldürücü təsir göstərir.
C) Həcmli döyüş sursatı – zərbə dalğası və yanğın vasitəsilə insanları, texnikanı və obyektləri məhv etmək üçün istifadə olunur. Kasset şəklində olan həcmli bombalar ilk dəfə 1969-cu ildə amerikanlar tərəfindən Vyetnamda istifadə edilib. Bu döyüş sursatında xüsusi qaz-hava qarışığından istifadə olunur. Bu silah atılarkən qaz-hava qarışığı ətrafa çilənir və diametri 15 m, hündürlüyü 2,5 m olan aerozol buludu əmələ gətirir. Partlayış zamanı 2000- 3000 kPa izafi təzyiq yaranır. Bu izafi təzyiq insanları məhv edir, binaları və çox möhkəm mühafizə qurğularını dağıdır. Bu silahların əsas zədələyici amilləri zərbə dalğası, isti və toksik təsirdir. Binalar, qurğular və digər obyektlər zərbə dalğasının və qaz- hava qarışığının binalara, hava borusu və kommunikasiya kanallarına daxil olub təkrar detonasiyaya uğrayır. Qapalı yerlərdə olan partlayış daha böyük dağıntılara səbəb olur. Mühafizə qurğuları insanları bu silahların zədələyici təsirindən qoruyur.
D) Kumulyativ döyüş sursatı – zirehli səthləri dağıtmaq üçün istifadə olunur. Bu silahların təsir mexanizmi yüksək sıxlıqlı qazların 6000-7000C temperaturda səthləri yandırmasına əsaslanır. Partlayış zamanı əmələ gələn sıxılmış hava enerjisi sürətlə bir nöqtəyə yığılır və qalınlığı bir neçə on santimetr olan zirehli səthləri dağıdır və yanğınlar törədir. Kumulyativ döyüş sursatlarından müdafiə olunmaq üçün müxtəlif materiallı ekranlardan istifadə olunur. Belə olan halda axının enerjisi ekranın dağıdılmasına sərf olunur, əsas konstruksiya isə salamat qalır.
E) Betondağıdan silahlar – dəmir-beton tikililərin və həmçinin aerodromların uçuşetmə zolaqlarının, təyyarə anqarlarının, aerodromların uçuş zolaqlarının beton örtüyünü dağıtmaq üçün tətbiq edilir (şəkil).
Şəkil Betondağıdan silahlar
Betondağıdan bombalar, zədələyici elementləri möhkəm və ağır qatışıqdan hazırlanmış özəkdən ibarətdir. Sursatın daxilində 2 bomba, kumulyativ və füqas bombası və 2 detanator yerləşdirilir. Beton səthə dəydikdə kumulyativ sursat detanator vasitəsilə partladılır və bombanın gövdəsi xaricdə qalır, özək isə betona keçir müəyyən gecikmə ilə ikinci detanator vasitəsilə füqas bombası partladılır.
Dostları ilə paylaş: |
|
|