Tətbiq etmə səviyyəsi - proqramların şəbəkəni istifadə edə bilməsi üçün
ləvazimatlar təqdim edir. Microsoft API-ləri (tətbiqi proqramlaşdırma interfeysi)
tətbiq etmə layında çalışır. Tətbiq etmə layı üçün yaxşı misal HTTP-dir. HTTP
protokoldur, proqram deyildir. Yəni qaydalar toplusudur. Bu topluya görə çalışan
IE (İnternet Explorer) Browser eyni protokolu istifadə edən Web təqdim edicisinə
çatır və onu istifadəsi ilə birbaşa məşğul olur.
Şəbəkələrdə müxtəlif texniki və informasiya təminatı istifadə edilir və buna görə
də şəbəkənin abonentləri arasında hamı üçün eyni olan ümumi qaydalar qəbul
edilməlidir. Bu qaydalar təyin edilmiş standartlarda öz əksini tapır. Belə standartlar
şəbəkə protokolları adlanır.
Protokol sözünün mənası hadisənin gedişatını təsvir edən qaydalar toplusudur.
Protokollar kompüter şəbəkələrinin müəyyən qaydalar daxilində idarə olunması
üçün tənzimləyici rol oynayırlar. Protokol müxtəlif qovşaqlarda eyni səviyyədə
şəbəkə komponentləri ilə mübadilə edən xəbərlərin ardıcıllığını və formatını təyin
edən qaydalardır. Sadə dildə desək, protokol – şəbəkədə kompyuterlərin bir biri ilə
ünsiyyət dilidir. Şəbəkənin qovşaqlarında və bütün səviyyələrində onların qarşılıqlı
əlaqəsini iyerarxik təşkil edən protokollar yığımı
protokollar steki adlanır. Bəs
protokollar nəyi tənzimləyir? Kompüter şəbəkəsi üçün protokol iki kompüter və
ya aparat arasında müəyyən qaydalar daxilində informasiya mübadiləsinin
aparılmasını tənzim edir. Bütün protokollar və baş verən proseslər bütünlükdə 7
əməliyyat layı formasında həyata keçirilir və OSİ modelində cəmlənir.
OSİ modelinin hər səviyyəsində özünə məxsus protokollar fəaliyyət göstərir.
Məs,
Tətbiqi səviyyədə - HTTP, FTTP, Telnet, NNTP, DHCP, PİNG, SMTP, və s.
Nəqliyyat səviyyəsində - TCP, UOP, SPX, NetBEUİ, RARP və s.
Şəbəkə səviyyəsində - İP, ARP, İCMP, İGMP, RİP, İPX və s.
Seans səviyyəsində - NetBios, Mail Slots, RPC və s.
Internetdə əsas protokol TCP/İP protokoludur. 1972-ci ildə B.Kan müasir
İnternetin nəzəri əsasını təşkil edən