onun adı ilə bağlıdır. N.A.Solnsev və onun ardıcıllarının (A.A.Fedina,
Q.N.Annenskaya, . .Mamay və b.) işlərində düzənlik landşaftları tərkibinə daxil
olan bütün ərazi komplekslərini aydınlaşdırmağa və təyin etməyə, onların tabeçilik
şə
raitində yerləşməsini müəyyənləşdirməyə və çöl xəritələşməsi metodikasına dair
dolğun məlumat verilir.
Dağlıq ölkə landşaftlarının morfologiyasının öyrənilmə metodikası və artıqdı
bu vaxta qədər zəif işlənmişdir.
Landşaftın morfoloji bölgülərinin mərz və fasiyadan ibarət olmasını hələ
1938-ci ildə R.Q.Ramenski müəyyən etmiş, sonra isə N.A.Solnsev tərəfindən daha
dəqiq əsaslandırılmışdır. Hazırda mərz və fasiya vahidlərinin ayrılmasını hamı
qəbul edir. Eyni zamanda bu vahidlərə bir sıra keçid vahidlər-məhəl mürəkkəb
mərz, yarımmərz əlavə edilmişdir.
Təbii baxımından ən kiçik, bölünməz və eyni cinsli təbii ərazi kompleksi
fasiyadır. Bu termin geologiyadan götürülmüş və 1945-ci ildə L.S.Berq tərəfindən
landşaftşünaslıqda istifadə edilmişdir. Fasiya elə təbii ərazi kompleksidir ki, onun
daxilində səth süxurlarının litoloji tərkibi, relyef və rütubətin miqdarı, mikroiqlim,
torpaq örtüyü və biosenoz dəyişmir və eyni cinsli qalır (L.S.Berq, 1945 s.11).
A.Q. saçenko (1965, s.145) fasiyaya aşağıdakı tərifi verir. «Fasiya-ən kiçik
(elementar) fiziki-coğrafi vahid olub, eyni yerləşmə və qidalanma şəraiti və bir
biosenozla səciyyələnir. Fasiya bir mezorelyef elementi (və ya bir mikrorelyef
formasında), eyni substrat (ana süxur), eyni hidroloji rejim, mikroiqlim və torpaq
daxilində əmələ gəlir».
Fasiyanın müxtəlifliyi mikro və mezorelyef formalarının müxtəlifliyilə təyin
edilir. Adətən fasiya bir mikrorelyef formasını və ya onun bir hissəsini tutur.
Məsələn, kiçik axmazlarda bəzən çayın keçmiş subasar terrası bataqlıq torpaqlar
üzərində yayılmış qamış bitkilərilə örtülürsə, onun subasarüstü terrasları isə ətraf
düzənliyin landşaft əlamətlərini özündə daşımaqla allüvial torpaqlar üzərində
yulğun və biyan bitkilərlə səciyyələnir. Tutduğu əraziyə və aydın müşahidə
olunmasına görə daha əhəmiyyətli mezorelyef, yataq boyu tirələr və onlar üzərində
inkişaf etmiş fasiya qruplarıdır. Əlbəttə relyefin bu mezoforması düzənlik ərazilər
Behruz Melikov
Behruz Melikov
üçün xarakterdir. Məsələn, Azərbaycanın Şirvan düzündə Turyançaynın qədim
yatağına uyğun gələn Yeni arx tirəsinin zirvə hissəsində çəmən torpaqları üzərində
böyürtkan, söyüd, kol bitkiləri fasiyası inkişaf etdiyi halda, onun yamaclarında
çəmən-boz torpaqlar üzərində müxtəlif otlu biyanlı fasiya, yalarası çuxurlarda isə
çəmən-boz torpaqlar üzərində şoran bitgilərindən ibarət fasiya qrupları yayılmışdır.
Eyni zonal və azonal şəraitdə, bir landşaft daxilində fasiyanın
differensiyasının əsas amili onun yerləşdiyi sahənin müxtəlifliyidir. Bundan əlavə
fasiyanın müxtəlif növlərinin əmələ gəlməsi landşaftın inkişafı ilə əlaqədardır.
Ə
lbəttə, buraya fasiya sututarları sayının artması, qırılmış meşələrin yerində
bataqlıqların əmələ gəlməsi və s. proseslər daxildir.
Fasiyanın vəziyyəti, onun tutduğu sahə dedikdə yerli eroziya bazisi,
yamacların səmtliyi, dikliyi və forması ilə səciyyələnən relyefin elementləri
(təpənin və ya dərənin yamacı, zirvəsi, dabanı və s.) nəzərdə tutulur. Belə ki, çox
da böyük və yüksək olmayan relyef forması hava kütlələrinin hərəkətinə müəyyən
dərəcədə təsir göstərir, yer səthində küləyin istiqamətini və sürətini dəyişir,
nəticədə atmosfer yağıntılarının relyef elementlərinə görə paylanması baş verir və
həmin elementlərə görə fasiyaların müxtəlifliyi yaranır. Adətən dağ tirələri və ya
təpələrinin külək tutan yamacları külək tutmayan yamaclara nisbətən atmosfer
yağıntılarını az alır. Belə şəraitdə qar örtüyünün yamaclara görə paylanması diqqəti
daha tez cəlb edir. Qar dağ tirəsinin zirvəsindən külək tutan yamaclara doğru
hərəkət edərək, orada toplanır və relyefin alçaq sahələrində uzun müddət saxlanır.
Relyef səthinin mailliyi yerli hava kütlələrinin sirkulyasiyasına təsir göstərir.
Gecələr soyumuş hava hipsometrik cəhətcə alçaq sahələrə doğru axır və temperatur
inversiyası yaradır. Müşahidələr göstərir ki tirənin və ya təpənin zirvəsində,
yamacların yuxarı hissəsində şaxtasız günlərin sayı, açıq sahələrə nisbətən 20 gün
çox, çökəkliklərdə isə 25 gün az olur.
Fasiya
daxilində
günəş
radiasiyasının
paylanması
yamacların
ekspozisiyasından çox asılıdır. Mülayim enliklərdə şimal səmtli yamaclar bütün il
boyu üfüqi səth günəş radiyasiyasını nisbətən az alırsa, cənub yamaclar çox alır.
Qış aylarında bu fərq yaya nisbətən daha çox olur.
Behruz Melikov
Behruz Melikov
Yamacların dikliyi də günəş radiasiyasının paylanmasına müəyyən dərəcədə
təsir göstərir. Qışda günəş üfiq üzərində dayanarkən, dik cənub yamaclar maili
yamaclara nisbətən bir neçə dəfə çox radiyasiya alırsa, şimal yamaclar isə heç vaxt
düz radiasiyanı almır, yada cənub səmtli dik yamaclarda radiyasiyanın miqdarı
azalır, çünki günorta vaxtı günəş şüaları yer səthinə küt bucaq altına düşür. 50
0
ş
imal enliyində dikliyi 45
0
olan cənub yamaclar üfuqi ərazi səthlərinə nisbətən iki
dəfə az düz günəş radiasiyası alır.
Relyef səthinin mailliyi fasiyaların yerləşdiyi sahələr üzrə rütubətin və bərk
materialların paylanmasına xidmət edən əsas amillərdən biridir. Axının sürətli
olması, həll olmuş maddələrin və iri materialların aparılması yamacın dikliyindən
və formasından asılıdır. Yamacların səmtindən asılı olaraq buxarlanmanın
intensivliyi dəyişir və hər bir fasiya daxilində su rejiminin əmələ gəlməsi və
tənzimlənməsində ekspozisiya əsas amillərdən birinə çevrilir. Ərazinin nisbi
yüksəkliyi yeraltı suların dərinlik şəraitini təyin edir ki, bu da öz növbəsində
düzənliklərdə fasiyaların yaranmasında əsas amillərdən biridir.
Bütün bunlardan məlum olur ki, hər bir kompleksin müxtəlif relyefə malik
olması istilik və su rejiminə mineral maddələrin gəlir və çıxarının münasibətinə
görə bir-birindən fərqlənməsinə gətirib çıxarır. Bu o deməkdir ki, bir landşaft
daxilində hər bir fasiya eyni tipli substrata eyni ekoloji və ya qidalanma şəraitinə
uyğun olmalıdır. Digər landşaftlar daxilində isə təxminən eyni analoji fasiyalarda
başqa qidalanma şəraiti olacaqdır. Çünki fasiyaların yerləşdiyi landşaft sahələri
tamamilə başqa iqlim, dağ süxurları şəraitində və bütövlükdə landşaftı başqa
landşaftlardan fərqləndirən inkişaf tarixi fonunda əmələ gəlir. Ayrı-ayrı fasiyalara
aid olan ərazi daxilində müvafiq təbii şəraitdə yalnız bir biosenoz yaranır. Bu və ya
digər sahədə yaşayan orqanizmlər qidalanmanın qarşılıqlı təsirini hiss edir, onu
fəal surətdə dəyişdirir, yeni torpaq yaradır, ilkin mikroiqlim dəyişir, su balansını və
geokimyəvi proseslərin xarakterini inkişaf etdirir. Beləliklə, bir konkret ərazi
daxilində bitki və heyvanat aləmi qeyri-üzvi komponentlərlə birlikdə sadə,
bölünməz coğrafi kompleksi fasiyanı əmələ gətirir.
Behruz Melikov
Behruz Melikov
Dostları ilə paylaş: |