kimi ayırmaq elmi cəhətdən daha düzgün olar. Buradan da görünür ki, coğrafi
təbəqənin yalnız orogen qurşağı və platforma mənşəli düzənlikləri landşaft sinfi
kimi ayrılmalı və təsnifat sisteminin ən yüksək pilləsində durmalıdır. Orogen
qurşağın dağarası düzənlikləri və dağdaxili çökəklikləri isə yarımsinif kimi dağ
təbii ərazi kompleksləri sinifinə daxil edilməlidir. Adətən düzənlik landşaft sinifi
iki əsas yarımsinifə-ovalıqların və yüksək düzənliklərin landşaftlarına bölünür.
Bunlar arasında fərq yalnız hipsometrik yüksəklikdə deyil, relyefin və landşaftın
parçalanma dərəcəsində, mənşəyində, ana süxurların xarakterində, iqlimdə və
başqa komponentlərdə müşahidə edilir. Əgər ovalıq landşaftları daha cavan, relyefi
akkumulyativ mənşəli, ana süxurları yumşaq, asan su keçirən olursa, yüksək
düzənliklərin landşaftları isə adətən yaş cəhətcə daha qədim, denudasiya prosesləri
üstünlük təşkil edir, ana süxurlar torpaq əmələ gəlməsində əsas rol oynayır. Ovalıq
landşaftları yüksək düzənliklərlə müqayisədə nisbətən az yağıntı alır, təbii drenajı
zəif olur. Bütün bu xüsusiyyətlər öz əksini torpaq örtüyündə və biosenozların
xarakterində tapır.
Dağlıq
landşaftların
yarımsiniflərə
bölünməsi
onların
mərtəbəlilik
xarakterinin fərqlənməsində daha aydın əks olunur. Dağlıq landşaftlarda üç əsas
yarımsinif (alçaq, orta və yüksək dağlıq) qeyd edilir. Bunlardan əlavə dağarası,
dağdaxili çökəkliklər xüsusi yarımsinfi kimi ayrılır. Azərbaycanın orta miqyaslı
landşaft xəritəsi tərtib edərkən aşağıdakı təsnifat vahidlərindən istifadə edilmişdir:
sinif, yarımsinif, tip yarımtip, növ (landşaft) və mərz.
Azərbaycanın landşaft xəritəsinin təsnifat bölgü sistemində landşaft sinfi və
yarımsinifdən sonra ən böyük taksonomik vahid landşaft tipləridir. Landşaft tipləri
bioiqlim amillərinə-temperatur və rütubətin münasibətinə görə ayrılır. Azərbaycan
ə
razisi özünün coğrafi mövqeyinə görə subtropik landşaft qurşağı daxilində
yerləşməklə yarımsəhra, çöl-meşə-çöl, meşə, yüksək dağ çəmənlikləri və s. təbii
kompleksləri birləşdirir. Burada landşaftın hündürlük struktur tipləri üfüqi
istiqamətdə qərbdən şərqə iqlimin kontinentallıq dərəcəsinin dəyişməsilə əlaqədar
olaraq biri digərini əvəz edir. Landşaftın hündürlük struktur tipləri daxilində
hündürlük istiqamətdə hidrotermik rejimin dəyişməsinə uyğun olaraq hər bir
Behruz Melikov
Behruz Melikov
landşaft tipi daxilində bir neçə yarımtipin əmələ gəlməsi müşahidə edilir. Məsələn,
Yüksək dağ çəmənlikləri landşaft tipi daxilində buxarlanma qabiliyyəti üçün lazım
olan temperatur cəmi hündürlük arasında qeyri mütənasiblik olduğundan, daha
doğrusu hündürlüyün artması temperaturun miqdarının azalmasına səbəb
olduğundan, subalp və alp çəmənlikləri yarımtipləri yaranmışdır. Yarımtiplərin
ə
mələ gəlməsinə təsir edən bu amilləri orta dağ meşələri, çöl kompleksləri və s.
tiplərə də aid etmək olar. Landşaft yarımtipləri daxilində temperatur və rütubətin
münasibətində bir sıra fərqli əlamətləri müşahidə edilir. Belə ki, mütləq yüksəkliyi
2000 m olan Krız məntəqəsində rütubətlənmə əmsalı bir olduğu halda, mütləq
yüksəkliyi 2470 m olan Şəmkir Göygölündə 2, Sulak məntəqəsində isə
(hündürlüyü 2923) 3-ə bərabərdir. Buradan görünür ki, hündürlüyün artması ilə
temperatur azalır, rütubət isə artır. Hidrotermik rejimin bu göstəricisi ilk növbədə
bitki örtüyünün xarakterində özünü göstərir. Subalp çəmənliyində temperaturun və
rütubətin münasibəti təxminən vahidə yaxın olduğundan, yüksək boylu sıx ot
bitkiləri örtüyünün yaranması üçün optimal şərait yaranırsa, alp çəmənlikləri
daxilində temperatur cəminin çatışmaması üzündən alçaq boylu çeyrək alp xalısı
ə
mələ gəlir.
Göstərilənlərdən məlum olur ki, bütün landşaft tipləri ikinci dərəcəli və ya
zonal strukturlu keçid əlamətlərin xarakterinə görə landşaft yarımtiplərinə bölünür.
Tipoloji təsnifatın kiçik vahidi olan landşaft növlərini ayırarkən, əsas amil
kimi mezorelyefə, onun parçalanma dərəcəsinə, səthin mailliyinə və torpaq-bitki
örtüyünün xarakterinə üstünlük verilir.
Behruz Melikov
Behruz Melikov
Mühazirə 8.
brahimov T.
Landş aftin morfologiyasi
Landşaftşünaslıq fiziki-coğrafiyasının müstəqil sahəsi kimi, coğrafi təbəqənin
landşaft sferasının ümumi inkişaf qanunauyğunluqlarını, müxtəlif ərazilərin
konkrekt landşaftlarını, oların tiplərini və onlara məxsus olan xüsusi təbii
ə
lamətləri öyrənir. Deməli, landşaftşünaslıq hər hansı təbii ərazi komplekslərini
deyil, onların tipoloji və morfoloji bölgülərini və tərkib hissələrini öyrənməklə
məşquldur. Təbii komplekslər landşaft vahidindən daha böyük anlayış olub, bir
sıra landşaftlardan təşkil olunur və fiziki coğrafiyanın taksonomik vahidlər
sistemini yaradır. Landşaftdan (landşaft növündən) kiçik komplekslərə isə
morfoloji hissələr kimi baxılır. Təbii ərazi komplekslərinin taksonomik və
morfoloji vahidlərə bölünməsi coğrafi tədqiqatların metodikası nöqteyi-nəzərdən
çox böyük əhəmiyyətə malikdir. Landşaftın morfoloji vahidlərinin öyrənilməsi çöl
tədqiqatı metodunun tədbiqini tələb edirsə, fiziki-coğrafi rayonlaşma sxemlərinin
hazırlanması əsasən kameral yolla aparılır. Başqa sözlə, landşaftşünasın çöl
obyekti hər şeydən əvvəl landşaftın morfoloji vahidləri və tipoloji sisteminin kiçik
bölgüləridir.
Qeyd edildiyi kimi, hər bir coğrafi landşaft yalnız ona məxsus olan təbii ərazi
komplekslərinə, daha doğrusu morfoloji hissələrə malikdir və həmin hissələr
landşaft daxilində özlərinə məxsus müəyyən qanunauyğunluqla yerləşirlər. Bu
nöqteyi-nəzərdən coğrafi landşaft daha kiçik təbii ərazi komplekslərinin
qanunauyğun düzülmüş sistemidir. Onların düzülüşü və cəmi müəyyən struktur
(hissələrin yerləşməsi) yaradır ki, bu da elmdə landşaftın morfoloji strukturu
adlanır. Landşaftların morfoloji strukturunun öyrənilməsilə, landşaftşünaslığın
xüsusi şöbəsi məşqul olur ki bu da coğrafiyada landşaftın morfologiyası adlanır.
Landşaftın morfologiyası, daha doğrusu landşaft daxili müxtəlifliklər barədə
məlumatlar Q.F.Morozovun, L.S.Berqin, L.Q.Ramenskinin, S.V.Kalesnikin
işlərində verilmişdir. Lakin bu məsələyə dair N.A.Solnsev daha tam və hər tərəfli
məlumat verir. Landşaftşünaslıq elmində morfoloji landşaft bölməsinin yaranması
Behruz Melikov
Behruz Melikov
Dostları ilə paylaş: |