154
başlanğıc temperaturda yoğurmaq məqsədə uyğundur. Temperaturun artırılması ilə
spirt və süd turşusu qıcqırması prosesləri intensivləşir. Xəmirin verilmiş
temperaturun təmin edilməsi üçün yoğrulmaya sərf olunan suyun temperaturu, əsas
və əlavə xammalın kütləsi, xammalın və oparanın temperaturları və onların xüsusi
istilik tutumu hesablanır. Xəmirin əsas komponentləri un və sudur (suyun xüsusi
istilik tutumu 4,186 kC/ (kq· K), unun 14,5 % nəmlikdə xüsusi istilik tutumu 2,025
kC/ (kq· K))
Suyun temperaturunun hesablanması zamanı xəmiryoğuran maşınların
işləməsi zamanı ayrılan istilik enerjisini, iqlim şəraitini və xəmir hazırlayan sexin
temperatur göstəricilərini nəzərə almaq lazımdır.
7.4.6. Xəmirin yetişmə proseslərinin tənzimlənməsi.
Yoğrulma zamanı, xüsusilə də oksidləşdirici təsirə malik yaxşılaşdırıcılarla
birgə xəmirin mexaniki emalının gücləndirilməsi çörək xəmirinin yetişməsi
prosesinin sürətlənməsi üçün effektiv üsul hesab olunur. Bu üsuldan xəmirin
qıcqırması dövrünün onun bölünməsinə qədər və ya xəmirin qıcqırma prosesinin
adi davametmə müddətinin saxlanması zamanı əhəmiyyətli dərəcədə qısaldılması
üçün istifadə edilə bilər.
Xəmirin yetişməsinin sürətlənməsi üçün kimyəvi üsullar da mövcuddur:
xəmirin yetişməsi prosesində kimyəvi sürətləndiricilərdən oksidləşdirici və
reduksiyaedicilərlə birgə istifadə olunması (məsələn, sistein, zərdab tozu və bromat
və ya kalium-yodat qarışığı);
xəmirin gücləndirilmiş və uzadılmış yoğrulması və temperaturunun
artırılması (32-33 ºC) zamanı preslənmiş mayaların miqdarının artırılması ilə birgə
üzvi turşuların əlavə edilməsi. Xəmir dərhal bölünməyə göndərilir;
aktiv qida maddələrinin (AQM) əlavə edilməsi. Xəmirə yağların və AQM-
lərin daxil edilməsi çörəyin keyfiyyətini yaxşılaşdırır və onun saxlanma müddətini
artırır, yoğrulma zamanı xəmirin əmələ gəlməsini və yetişməsini tezləşdirir.
155
İstənilən tezləşdirilmiş üsülla yoğrulmuş xəmirdən hazırlanmış çörək
keyfiyyət göstəricilərinə görə klassik üsulla hazırlanmış çörəkdən heç də geri
qalmır.
Çörəkbişirmə müəssisələrinin iş praktikasında belə hallara da rast gəlinir:
yarımfabrikatlarda qıcqırma prosesini süətləndirmək, ya da əksinə, müəyyən
vaxtadək ləngitmək lazım gəlir. İş fasiləsindən sonra, sexin temperaturu aşağı
düşdükdə,
güclü
unun
emalı
zamanı
xəmirin
qıcqırması
prosesini
intensivləşdirmək lazım gəlir. Bunun üçün mayaların dozasını, yarımfabrikatların
temperaturunu artırırlar, yoğrulma zamanı yetişmiş xəmir porsiyaları və ya
müxtəlif mayalar əlavə edirlər. Xəmirə yaxşılaşdırıcılardan qeyri-fermentativ
səməni, dəmləmələr, fosfat duzları və azotlu ferment preparatları daxil etdikdə də
qıcqırma sürətlənir. İlin isti vaxtlarında turşuların yarımfabrikatlarda toplanması
prosesi olduqca sürətlə baş verir və bunu ləngitmək lazım gəlir. İş zamanı
gözlənilməz fasilələr yarandıqda yarımfabrikatları konservləşdirirlər. Oparaların,
oparalarının, duru mayaların iki növbəli iş prosesində 4-6 saat müddətində
konservləşdirilməsi böyük əhəmiyyət kəcb edir.
Yarımfabrikatların qıcqırmasının ləngidilməsi, eləcə də onların bir neçə
saatlığa konservləşdirilməsi üçün xörək duzu və natrium-hidrokarbonat əlavə edir,
temperaturu kəskin azaldırlar. Xörək duzu mikrofloranın həyat fəaliyyətini
dayandırır, bununla da yarımfabrikatlarda gedən hər növ qıcqırmanı ləngidir. Duz
eyni zamanda unun zülal-protein kompleksinin vəziyyətinə təsir edərək,
ümumilikdə onların proteolizini ləngidərək proteolitik fermentlərin aktivliyini
azaldır və zülalların strukturunu bərkidir.
Çörək
yarımfabrikatlarının
turşululuğunu
azaltmaq
üçün
natrium-
hidrokarbonatdan un kütləsinə 0,3-0,5 % olmaqla tətbiq etmək məsləhət görülür.
Yetyinti sodası yarımfabrikatlarda olan turşuları neytrallaşdırır, bundan başqa
mühitin turşuluğunu artırır, spirt qıcqırmasını dayandırır. Onları adı halda
olduğundan 3-6 saat artıq qıcqırtdıqda yeyinti sodasının yuxarıda göstərilən
dozalarda əlavə edilməsi çörək yarımfabrikatlarında normal turşuluğu saxlamağa
imkan verir.
156
İstilik mübadiləsi qurğuları olmayan yerlərdə hazırlanan yarımfabrikatların
soyudulması texniki cəhətdən çətinlik törədir. İlin soyuq vaxtlarında
yarımfabrikatların soyudulması üçün istehsal sahələrinin temperaturunu aşağı
salırlar, yayda isə oparaya və ya oparasına soyuq içməli su tökürlər.
İki növbəli iş rejimində işləyən müəssisələr duru mayaların və ya oparasının
temperaturunu aşağı salırlar, ya da qıcqırtma qazanlarında mayalar üçün az
miqdarda qidalı qarışıq saxlayırlar. Belə şəraitdə qıcqırdıcı mikrofloranın miqdarı
kəskin azalır, bunun da nəticəsində bütün mikrobioloji proseslər dayandırılır.
7.5. Xəmirin yastılanması.
Çörək xəmirinin periodik işləyən, diyircəkli xəmir qazanına malik
xəmiryoğuran maşınlarda porsiyalarla hazırlanması zamanı xəmir məqsədəuyğun
surətdə yastılanmaya məruz qoyulur.
Xəmirin yastılanması – qıcqırma dövründə xəmirin qısamüddətli
qarışdırılmasıdır, bunun məqsədi - xəmirin struktur-mexaniki xassələrinin
yaxşılaşdırılmasıdır (daha böyük həcmli, xırda, nazikdivarlı və bərabər məsaməli
içliyə malik çörəyin alınması).
Çörək xəmiri adətən bir-iki dəfə yastılanmaya məruz qoyulur. Onların sayı
və davametmə müddəti bir sıra amillərdən asılıdır:
un güclüdürsə, yastılanmanın sayı və müddəti bir o qədər çox, un zəifdirsə
daha az olmalıdır (ya da ümumiyyətlə olmamalıdır);
xəmirin qıcqırma müddəti nə qədər çox olarsa, qarışdırılmaların sayı da çox
olmalıdır;
un çıxımı nə qədər çox olarsa, az sayda qarışdırılma tətbiq edilməlidir.
Məsələn, ikinci növ buğda unundan hazırlanmış xəmir adətən, bir dəfə yastılanır.
Çovdar unundan hazırlanan xəmir bir qayda olaraq yastılanmır.
Xəmirin bir dəfə yastılanması lazım gəldikdə bu, adətən, ümumi qıcqırma
müddətinin təqribən 2/3-si qurtaran kimi həyata keçirilir. Çoxlu sayda yastılanma
Dostları ilə paylaş: |