142
Unun, məsələn, çovdar ununun miqdarı nə qədər çoxdursa, xəmirdə bir o
qədər çox su olmalıdır. Bu onunla əlaqədardır ki, yüksək çıxımlı unlarda olan dən
qabığının hissəcikləri endosperm hissəciklərinə nisbətən böyük həcmdə su
birləşdirmək qabiliyyətinə malikdir.
Xəmirə şəkərin daxil edilməsi suyun miqdarını azaldır, belə ki, şəkərin
dehidratlaşdırıcı təsiri nəticəsində durulaşma müşahidə olunur. Bu onunla
əlaqədardır ki, xəmirdə zülallarla osmotik bağlı olan su hissəsi şəkərin əlavə
edilməsi ilə azalır, xəmirin su fazasının miqdarı artır və o daha da durulaşır, yağ da
xəmiri bir qədər durulaşdırır. Buna görə də xəmirə kifayət qədər şəkər və yağ
dozalarının əlavə edilməsinə uyğun olaraq, yoğrulmada daxil edilən su sərfi azalır.
Xəmirin yoğrulması üçün su hesabını apararkən xəmirin resepturasına süd
və ya yumurta əlavə edilməsi zamanı onların nəmliyini nəzərə almaq lazımdır.
Unun gücü ondan hazırlanan xəmirin struktur-mexaniki xassələrini
müəyyənləşdirir. Buna görə də unun gücü nə qədər çoxdursa, həcmli və yaxşı
məsaməliliyə malik çörək almaq üçün lazım olan suyun miqdarı da uyğun olaraq
çox götürülməlidir.
Zəif gücə malik unun emalı zamanı xəmir yetişmə dövründə durulaşır və
yapışqanlaşır. Bu, onun doğranmasını çətinləşdirir, dincə qoyulma zamanı xəmir
kündələri çox yayılır, buna görə də xəmirin yoğrulması zamanı suyun dozasını
azaldırlar. Nəticədə, verilmiş məmulat növü üçün lazım olandan daha az nəmlikli
xəmir alınır. Məmulatın çıxımı da aşağı düşür, bu da istehsalın iqtisadi
göstəricilərinin pisləşməsinə gətirib çıxarır.
Xəmirin hazırlanma üsulları və rejimi, onun struktur-mexaniki xassələrini
dəyişən əlavələr də yoğrulma zamanı su sərfinə təsir göstərir. Bu amillər
doğranmadan əvvəl xəmirin struktur-mexaniki xassələrini nə qədər yüksək
dərəcədə yaxşılaşdırırsa, xəmirdə suyun texnoloji cəhətdən əlverişli miqdarı bir o
qədər yüksək olur.
Xəmirdə suyun miqdarı çox olduqca, zülalların şişməsi və peptidləşmə
prosesləri bir o qədər intensiv gedir, onda maye faza çox olduqca durulaşma da bir
o qədər sürətlə baş verir. Nəmliyin kütlə payının artırılması xəmirdə farmentlərin
143
təsirini sürətləndirir, maya hüceyrələrinin və süd turşusu bakteriyalarının həyat
fəaliyyətini yaxşılaşdırır.
7.4 . Xəmirin yetişməsi
7.4.1. Fiziki proseslər.
Xəmirdə və digər çörək yarımfabrikatlarında qıcqırma prosesləri yoğrulma
mərhələsində başlayır və bişirilmə zamanı fırının II zonasında başa çatır. Xəmirin
qıcqırması zamanı yoğrulmadan sonra onun bölünməsinə qədər olan dövrdə
xəmirin yetişməsi baş verir. Xəmirin yetişməsinin mahiyyəti — xəmirin fiziki
xassələrində gedən optimal dəyişikliklərdən, onda müəyyən miqdarda suda həll
olan maddələrin (aminturşular, şəkərlər və b.), ətirverici və dadverici maddələrin
(spirtlər, turşular, aldehidlər) toplanmasından ibarətdir.
Xəmirin yumşaldılmasının bioloji üsulu ondan ibarətdir ki, yarımfabrikata
əlavə edilmiş mayalar şəkəri etanol və karbon-dioksidə parçalayır. Sonuncu, xəmiri
yumşaldaraq, ona məsaməli quruluş verir. Nəticədə, unun şişmiş hissəciklərində
kleykovinanın pərdələrinin dartılması hesabına xəmirin həcmi artır. Bu pərdələrin
sonrakı yapışması xəmirin yastılanması və onun doğranmasının mexaniki
əməliyyatlarında məsaməli fəza quruluşunun yaranmasına səbəb olur, bunun da
hesabına son dincə qoyma və bişirilmə zamanı xəmir forma və qazsaxlama
qabiliyyətini əldə edir. Xəmir kündəsində bişirilmə zamanı maye haldan qaz halına
keçən karbon-dioksid, etanol, uçucu turşular və digər komponentlər toplanması
nəticəsində çörək-bulka məmulatlarının içliyi xırda, nazik divarlı və bərabər ölçülü
məsaməliliyə malik olur.
Yarımfabrikatın qısa müddətli təkrar yoğrulmalarının sayı buğda ununun
gücündən asılıdır. Zəif undan hazırlanmış xəmirin yastılanması şişmiş zülalların
strukturunu bir daha dağılmasına, onların peptidləşməsinə, xəmirin struktur-
mexaniki xassələrinin və nəticədə hazır məmulatın keyfiyyətinin pisləşməsinə təsir
edir. Fiziki proseslərin getmə intensivliyi temperaturdan asılıdır. Xəmirin
qıcqırması zamanı onun temperaturu başlanğıc temperaturla müqayisədə 1-2 ºC
144
artır. Bu onunla izah olunur ki, spirt qıcqırması müsbət istilik təsiri ilə müşayət
olunur (+117,3 kC). Bundan başqa suyun nişasta və digər maddələrlə adsorbsiya
yolu ilə birləşməsi də istiliyin ayrılması ilə müşayət olunur.
Qıcqırma prosesinin sonunda xəmir kütləsi 2-3 % kiçilir. Bu əsasən xəmirin
quru maddələrinin sərf olunması nəticəsində baş verir. Onlardan spirt qıcqırması
zamanı etanol və karbon-dioksid əmələ gəlir, sonuncusu xəmirin yastılanması və
doğranması zamanı demək olar ki, kənarlaşdırılır. Lakin yarımfabrikatın məsaməli
strukturu saxlanılır. Xəmir yumşalır və həcmi kifayət qədər böyüyür. Xəmirin
yetişməsi və yumşalması nəinki onun qıcqırması zamanı, həm də doğranma,
dincəlmə, bişirilmə prosesinin ilk dəqiqələrində də baş verir.
Xəmirin yetişməsi kolloid, biokimyəvi və mikrobioloji proseslərlə izah
olunur.
7.4.2. Kolloid proseslər.
Xəmirin qıcqırması zamanı fiziki proseslərlə yanaşı kolloid proseslər də baş
verir. Yoğrulmadan sonra kolloidlərin intensiv şişməsi, unun zülal maddələrinin
şişməsi və peptidləşməsi davam edir.
Turşuların, spirtlərin, fermentlərin, proteoliz aktivləşdiricilərinin, suyun,
yaxşılaşdırıcıların təsiri altında zülal maddələrinin vəziyyəti xeyli dəyişir. Daha
vacib amillərdən biri turşuların miqdarının çoxluğudur, onlar həm şişməni, həm də
zülal maddələrin peptidləşməsini intensivləşdirir. Turşuların və spirtin təsiri
nəticəsində xəmirin kolloidlərinin hidrofilliyi artır. Zülalların şişməsi unun
“gücündən” asılı olaraq müxtəlif intensivliklə baş verir. ”Güclü” undan yoğrulan
xəmirdə bu proses zəif gedir, zülallar qismən şişir və yoğrulmanın sonunda şişmə
praktiki olaraq dayanmış olur. Zülalların məhdud şişməsi xəmirin yağlılığının
azalmasına və onun fiziki xassələrinin yaxşılaşmasına səbəb olur. ”Güclü” undan
yoğrulan xəmirin yumşalması zülalların şişmə prosesinin tezləşməsinə və xəmirin
fiziki xassələrinin yaxşılaşmasına səbəb olur. “Zəif” undan yoğrulmuş xəmirin
Dostları ilə paylaş: |