imkan verir. Bir baytda yerləşən ikilik kodla əlifbanın istənilən hərfi kodlaşdırıla bilər.
Daha böyük həcmə malik olan məlumatı ölçmək üçün:
kilobayt (1kbayt = 2
10
Bayt =
1024Bayt),
meqabayt (1Mbayt = 1024Kbayt = 2
20
Bayt = 1048576 Bayt) və
giqabayt
(1Gbayt=1024Mbayt=2
30
Bayt=107374182Bayt) istifadə edirlər. Fərdi kompüterlərdə
əməli yaddaş qurğusu 8-16 Gbayt, xarici yaddaş qurğusu 1Tbayt həcmə qədər ola bilər.
Fərdi kompüterlərin istehsalı ilə əsasən iki böyük şirkət: IBM və Apple məşğul olur. Bu
firmaların kompüterlərində əməliyyat sistemləri köklü surətdə bir-birlərindən fərqlənir.
Apple firmasının istehsal etdiyi fərdi kompüterlərdən əsasən ABŞ-ın daxili bazarında
geniş istifadə olunur. IBM firmasının istehsal etdiyi fərdi kompüterlərdən isə ən çox
Afrika və Asiya qitəsinin ölkələrində istifadə olunur. IBM PC tipli fərdi kompüterlərdə
Microsoft şirkətinin istehsalı olan əməliyyat sistemlərindən istifadə olunur.
Son 15 il ərzində Microsoft-un Windows 2000/XP/Vista/7/8/10 kimi əməliyyat
sistemləri uğur qazanıblar. Apple firmasının kompüterlərində isə Mac 7.0., Mac OSx
Server əməliyyat sistemlərindən istifadə olunur. Apple firmasının kompüterləri
konstruktiv olaraq IBM firmasının kompüterlərindən fərqlənir. Bu firmaların eyni tezliyə
malik olan kompüterlərində Apple firmasının kompüterlərinin məhsuldarlığı IBM
firmasının kompüterlərinin məhsuldarlığından 30% çox olur və bunun hesabına onun
qiyməti də baha olur. Lakin hər iki şirkət müasir fərdi kompüterlərində Intel
mikroprosessorlarına üstünlük verirlər.
Ümumiyyətlə dünya kompüter parkının 90% -nı fərdi kompüterlər təşkil edir.
Müasir fərdi kompüterlərdə ifrat böyük inteqral sxemlərdən (SBİS-də tranzistorların
sayı 100 mln-larla ölçülür) istifadə portativ kompüterlərin yaranmasına səbəb olmuşdur.
Ölçülərinə və çəkisinə görə bu kompüterlər çox kiçik formada olur. Portativ
kompüterlərin özləri də
“Laptop”, “Netbook”, “Notebook”, “Tablet(planşet)”,
“Palmtop” sinfinə bölünür. Portativ kompürterlər hesablama məhsuldarlığına ğörə
masaüstü kompüterlərdən geri qalmır və az elektrik enerjisi tələb edir, akkumulyatorla
uzun müddət işləyə bilir, ekranları mayekristaldan hazırlanır. Notebook-un ölçüsü təqribən
50x279x215mm, çəkisi 1,0
4,5 kq, ekranın ölçüsü isə 11,3
17 dyüm olur
Fərdi kompüterin tərkibi sistem blokundan, klaviaturadan, “mouse”-dan,
monitordan və giriş-çıxış qurğularından ibarət olur.
Sistem bloku qida mənbəyinin yerləşdiyi korpusdan, üzərində əməli yaddaş və
mikroprosessor olan ana platadan, səs kartından, yumşaq maqnit disk qurğusundan
(3,5”/FDD), sərt maqnit disk qurğusundan (HDD), CD-ROM-dan və bəzi əlavə
qovşaqlardan ibarət olur. Eyni zamanda sistem blokunda giriş və çıxış qurğularını,
klaviaturanı, mouse, monitoru və printeri qoşmaq üçün bir neçə ardıcıl və paralel portlar
yerləşir. Fərdi kompüterlərdə əsasən iki tip sistem blokundan:
AT- Advanced Technology
(qabaqcıl texnologiya) və
ATX - Advanced Technology eXtended (genişləndirilmiş
qabaqcıl texnologiya) istifadə olunur. IBM PC/AT - 286, 386, 486, Pentium I və II tipli
kompüterlərdə AT sistem blokundan istifadə olunub.
Pentium III, IV və sonrakı tipli fərdi kompüterlərdə isə ATX sistem blokundan
istifadə olunur. ATX sistem blokunda soyuducu system səmərəli layihələndirilibdir və
enerjiyə tələbat çox azdır. Bəzi firmaların (Apple, Compaq) fərdi kompüterlərində sistem
bloku monitorla birlikdə bir korpusda yerləşmişdir. Bu növ kompüterlərə
monoblok
deyilir.
Ana plata (motherboard) fərdi kompüterin qovşaq və hissələrini bir-biri ilə fiziki
əlaqələndirən platadır, üzərində mikroprosessor, əməli yaddaş, keş-yaddaş, çıxış/giriş
KitabYurdu.az
85