Məsələn, konstitusiyanın 6-cı maddəsi hakimiyyətin
mənimsənilməsini qadağan edir. Bu normanın tətbiqi ilə
əlaqədar
yaranan
münasibətlər
mühafızəedici
münasibətlərdir. Mühafızəedici normalar göstərişlərə riayət
etmək şəklində realizə olunur. Nizamlayıcı münasibətlər,
əksinə, subyektin üzərinə bilavasitə müəyyən vəzifələr
qoyulması və subyektlərə hüquq verərək, onları aktiv
hərəkətə sövq edən və onların davranışını müəyyən etmək
vasitəsilə müəyyən bir məsələnin qaydaya salınması ilə
əlaqədar meydana gələn münasibətlərdir. Məsələn,
hakimiyyət bölgüsü həyata keçirilərkən yaranan münasibətlər
ni- zamlayıcı münasibətlərdir.
Hüquq münasibətləri müəyyən hüquqi faktlar əsasında
yaranır, dəyişir və xitam olunur. Hüquqi faktlar konstitusiya
hüququnda kifayət qədər genişdir. Buraya konkret həyati
hallardan tutmuş, mücərrəd anlayışlara qədər bir çox
kateqoriyalar aiddir. Məsələn, vətəndaşlıq bir hüquqi fakt
kimi dövlət və şəxsin bir sıra münasibətlərini yaradır. Bu həm
də onu göstərir ki, hüquqi fakt qismində bütöv hüquq
münasibətinin özü də çıxış edə bilər. Bəzən konstitusiya
hüquq münasibətinin yaranması, dəyişməsi və xitamı bir
deyil, bir neçə hüquqi faktın baş verməsini tələb edir.
Məsələn, şəxsin naturalizasiya qaydasında Azərbaycan
Respublikası vətəndaşlığını əldə etməsi üçün Azərbaycan
Respublikası ərazisində beş ildən artıq daimi yaşaması,
Azərbaycan dilini bilməsi və qanunun nəzərdə tutduğu digər
şərtlərə cavab verməsi tələb olunur. Hüquqi faktların bu
çoxluğu faktiki tərkib adlanır.
— 52 —
I I
B Ö L M Ə
KONSTİTUSİYA NƏZƏRİYYƏSİ
§ 1. Konstitusiyanın mahiyyəti haqqında
Konstitusiya ən yüksək hüquqi qüvvəyə malik olan və bir
tərəfdən insan və cəmiyyət arasında, digər tərəfdən isə insan
və dövlət arasında münasibətlərin əsaslarını nizamlayan
hüquq normaları sistemidir. Bu hüquq normala- n bir və ya
bir neçə normativ hüquqi aktda - əsas qanunlarda eəmlənə
bilər. Həmin normalar çoxsaylı normativ hüquqi aktlardan,
eləcə də məhkəmə presedentlərindən və konstitusiya
adətlərindən ibarət ola bilər.
Konstitusiya maddi mənada özündə yazılı aktı, aktlar
məcmusunu və yaxud Konstitusiya adətlərini təcəssüm
etdirir. Bu da ilk növbədə insan və vətəndaş hüquq və
azadlıqlarını bəyan edir və onlara təminat verir, eləcə də
konstitusiya quruluşunun əsaslarını, idarəetmə formasını və
ərazi quruluşunu, mərkəzi və yerli hakimiyyət orqanlarının
təşkili əsaslarını, onların səlahiyyətlərini və qarşılıqlı
münasibətlərini, dövlət rəmzlərini və ölkənin paytaxtını
müəyyən edir.
Lakin maddi mənada «konstitusiya» termini az işlədilir.
Əksər hallarda Konstitusiya barədə formal mənada, yəni
digər qanunlara münasibətdə ali hüquqi qüvvəyə malik olan
qanun və ya qanunlar toplusu kimi danışılır. Belə olan halda
Konstitusiya bir növ qanunların ən ali səviyyəsinə yüksəlir.
Konstitusiya adi qanunlann dərc olunduğu qaydada
dəyişdirilə bilməz, əksinə, ona uyğun gəlməyən qanunlar və
digər normativ hüquqi aktların özündə müvafiq
dəyişikliklərin edilməsini tələb edir.
— 53 —
Konstitusiyanın maddi və formal mənada başa düşülməsi
müəyyən nisbət təşkil edir, çünki Konstitusiya ölkənin
Konstitusiya quruluşunun hüquqi əsasını müəyyən edir. Bu
nisbət özünü aşağıda göstərilən məsələdə də təzahür etdirir:
bütün dövlətlər maddi mənada Konstitusiyaya malikdir, lakin
heç də hər bir dövlətdə formal mənada Konstitusiya yoxdur.
Böyük Britaniya Konstitusiyası məhz birinci mənada
mövcuddur. Onun normaları mövcud normaları yaradanlar
tərəfindən məhz yaradıldığı qaydada dəyişdirilə bilər.
Konstitusiyaya maddi mənada yalnız yuxarıda göstərilən
münasibətləri tənzimləyən hüquqi normalar aiddir. Əksinə,
konstitusiyalarda formal mənada sanki Konstitusiya
səciyyəsinə malik olmayan münasibətləri tənzimləyən
normalar da ola bilər.
Demokratik hüquqi dövlətdə Konstitusiya nəinki
dövlətin, habelə xalqın dövlətçilik iradəsini, suverenliyi əks
etdirən cəmiyyətin də əsas qanunudur. Konstitusiya insanın
və vətəndaşın əsas hüquq və azadlıqlarını, hakimiyyətin
ictimai-siyasi institutlarını və xalqın özünüidarə sistemini
təsbit edir, vətəndaş cəmiyyətinin formalaşmasının və
inkişafının hüquqi əsası kimi çıxış edir.
Konstitusiyanı cəmiyyətin mikromodeli, hüquqi nişanı
kimi təsəvvür etmək olar. Məhz onun hüdudlarında və
əsasında dövlət hakimiyyəti mexanizmi fəaliyyət göstərir,
vətəndaşların hüquq və azadlıqları müdafiə olunur, ictimai
inkişafın sahələri qabaqcadan müəyyənləşdirilir.
Etiraf etmək lazımdır ki. Konstitusion tənzimləmə
vektoru hər halda ictimai həyata deyil, dövlət həyatı
istiqamətinə daha çox meyllidir. Axı cəmiyyətin həyat
fəaliyyətinin əsaslarını, iqtisadi, sosial, mədəni həyatın bütün
davranış normalarını Konstitusion tənzimləmə ilə əhatə
etmək çox çətindir.
— 54 —
Dostları ilə paylaş: |