Murotov Hayotjonning atom yadrosi va elementar zarralar fizikasi fanidan kurs ishi

2.2-rasm Deytron a) spinlari bir o’qqa joylashgan nuklonlar ta’sirlashadi; b) ta’sirlashmaydi.

Boshqacha qilib aytsak, nuklonlar orasidagi ta’sirlashuv nuklonlar massalari orasidagi masofaga emas, balki bir-biriga nisbatan egallagan orientatsiyalariga bog’liq ekan.Shunday qilib,deytronning xusussiyatlarini o’rganish yadro kuchlarining qisqa masofada ta’sirlashuvini,spin yo’nalishiga bog’liqligi hamda markaziy emas,balki tenzor xarakterga ega ekanligini ko’rsatdi.Nuklonlarning nuklonlardan turli energiyalarda sochilishini o’rganish ham yadro kuchlarining ba’zi xususiyatlarini aniqlash imkonini beradi.Ikki nuklonning bir-birirdan sochilishi o’rganilganda ular spinlarining o’zaro yo’nalishi ham muhim ahamiyatga ega ekani ma’lum bo’ldi.O’zaro ta’sirlashuvchi nuklonlarning spini parallel yoki antiparallel bo’lishi mumkin.Spinlari parallel bo’lganda ko’rilayotgan sistemaning to’la spini h birliklarida 1 ga teng bo’lgani uchun,bu natijaviy spin yo’nalishiga nisbatan ikki nuklon spinlarining yo’nalishi turlicha bo’lishi mumkun.Shuning uchun parallel spinli nuklonlar ta’siri ta’sir kuchining markaziy bo’lmagan qismini hosil bo’lishiga sabab bo’ladi.Lekin nuklonlar spini nolga teng bo’lgani uchun ikki nuklon orasidagi o’zaro ta’sir to’la markaziy kuchdan iborat bo’ladi. Bir nuklon ikkinchisidan sochilganda ularning bir-biriga nisbatan harakati orbital burchak moment bilan ham xarakterlanadi. Doira bo’ylab harakat qilayotgan zarraning burchak momenti zarra impulsini aylana radiusiga ko’paytmasi bilan aniqlanadi.Bir nuklon ikkinchisidan sochilib o’z yo’nalishini o’zgartirgan holda,orbital burchak moment harakatdagi nuklon impulsini urilish parametriga ko’paytmasi bilan aniqlanadi. Kvant fizikasida burchak moment juda muhim ahamiyatga ega.U ikki asosiy shartni qanoatlantirishi kerak.Birinchidan,ikki nuklon spini parallel bo’lganda natijaviy spin birga teng bo’lib,orbital moment yo’nalishiga nisbatan u faqat uch xil yo’nalishga ega:orbital momentga parallel,tik yoki antiparallel bo’lishi mumkin.To’la spin bilan orbital momentning o’zaro yo’nalishiga bog’liq ravishda yadroviy o’zaro ta’sir kuchining ikkinchi markaziy bo’lmagan qismi,spin-orbital o’zaro ta’sir yuzaga keladi.Ta’sirlashuvchi zarralarning spinlari antiparallel bo’lmaganda spin orbital o’zaro ta’sir yuzaga kelmaydi. Ikkinchidan,orbital moment kvantlangan bo’lib,u faqat h ga karrali lh qiymatlari olishi mumkin.Bu yerdagi orbital moment kvant soni l=0,1,2,3,…b qiymatlarni qabul qilishi mumkin.Orbital momentning nolga teng bo’lishi zarralarning markaziy to’qnashishiga mos keladi.Agar zarralar to’lqin xususiyatga ega ekanligini e’tiborga olsak,bunday to’qnashishni bir to’lqinning ikkinchisidan o’tishi bilan tushuntirish oson.Shunday qilib,yuqori tartibli orbital momentlarga yuqori tezlik yoki energiya mos keladi.Haqiqatdan,agar klassik fizika nuqtai nazaridan orbital momentni mvd ga teng ekanini e’tiborga olsak(d-urilish parametri),masalan,mvd=lh da zarralar bir-biriga juda yaqin kelishi,ya’ni d kichik bo’lishi uchun v katta bo’lishi kerak. Aksincha,zarraning tezligi yoki energiyasi qancha kichik bo’lsa, mvr=lh munosabatning bajarilishi uchun ularning yaqinlashish masofasi d shuncha katta bo’ladi.Qisqa ta’sir radiusga ega bo’lgan yadroviy o’zaro ta’sir kuchi orqali sochilishi yuz berishi uchun orbital moment birga teng bo’lganda zarraning energiyasi ma’lum minimal energiyadan katta bo’lishi kerak.Yuqori orbital momentlarda esa minimal energiyadan katta bo’lishi kerak.Yuqori orbital momentlarda esa minimal effektiv energiya qiymati ortadi.Odatda l=0,1,2,3,… va h.k.orbital momentga mos keluvchi to’lqinlar s,p,d,f va h.k harflar bilan belgilanadi.Yuqori tartibli orbital momentlarga mos keluvchi to’lqinlarning to’lqin uzunligi zarra energiyasining kvadrat ildiziga teskari mutanosib ravishda kamayib boradi.Tajribada odatda nuklonlar oqimi kup nuklonlardan iborat bo’lgan nishonda sochilishi kuzatiladi.