M.K.Atatürk – 135
Türkiyə Cümhuriyyəti azərbaycanlı gənc tədqiqatçıların araşdırmalarında
173
Firuzə ƏSGƏROVA
Sumqayıt Dövlət Universiteti, magistr
E-mail: firuzeesgerova@icloud.com
TÜRK DÜNYASININ NATİQLƏRİ
Elmi rəhbər:
Əzəmət RÜSTƏMOV
Sumqayıt Dövlət
Universitetinin dosenti
Açar sözlər: natiqlik, türk, söz, dəqiq, məna
Tarixi qaynaqlardan məlum olur ki, lap qədim zamanlardan
məzmunlu, aydın, yığcam, təsirli nitqə malik olan adamlar cəmiy-
yət tərəfindən həmişə yüksək qiymətləndirilmişdir. Nitqin gözəlli-
yi və ona sahib olmağın yolları böyük
şəxsiyyətlərin daima diqqəti
mərkəzində olmuşdur.
Nitq praktikasında mənaya, məzmuna üstünlük vermək ona
görə vacib sayılır ki, sözlərin düzgün tələffüzü, intonasiyası da
məzmundan asılı olur. Adi işlər haqqında sadə, böyük işlər haq-
qında əzəmətli, orta səviyyəli işlər barədə orta mövqeli bir üslubla
danışmaq nitqə gözəllik verir.
Düzgün, səlis, mənalı, rəvan və gözəl danışıq bacarığının ya-
radılması işində natiqin öz nitqi üzərində müşahidə aparması, onu
təhlil edərək qüsurlarını müəyyənləşdirə bilməsi olduqca faydalıdır.
Nitq prosesində özünənəzarət iki şəkildə həyata keçirilir. Birincidə
danışan öz nitqini nəzarətdə saxlayır, onun ədəbi dil normaları əsa-
sında qurulmasına, məzmunun əhatə olunmasına, fikrin ardıcıllığı-
na, münasib sözlərin, ifadələrin işlənməsinə, cümlələrin qurulma-
sına diqqət yetirir, nitqdəki çatışmazlıqları mümkün olduqca proses
ərzində aradan qaldırmağa çalışır. Nitqdə nəzarətin ikinci tərəfini
müsahibi dinləmək, anlamaq təşkil edir [2, 252].
Ulu öndərimiz Heydər Əliyev cənabları və modern Türkiyə
dövlətinin qurucusu Mustafa Kamal Atatürkün çıxışları bu ba-
xımdan ən yaxşı nümunədir. Onların nitqlərində natiqlik sənəti