_____________________________________________
72
hansısa düzəlişlər etməyəcəyəm. Siz azad sənətkarsınız, nə
etmisinizsə, onu da etmisiniz. Vaqif Mustafayev nə çəkiləsə,
qoy onu da göstərsin.
Vaqif Mustafayev: Lomer də şəxsiyyət haqqında hələ heç
vaxt film çəkməmişdi, imtina edirdi. Mən də imtina edirdim.
Amma daha burada... Bu, mənim üçün böyük şərəfdir.
Lomer Axvlediani: Bir halda ki, söhbət Vaqifdən, onun
filmindən düşdü, onda icazə versəniz deyərəm ki, son bir çox
illər ərzində mən kino əsərindən belə təəssürat almamışam. Mən
bunu məni dinləyənlərin və ya dinləyəcək hər bir kəsin
qarşısında tam vicdanla deyirəm.
Yarım saatlığa vaxt tapsanız, Vaqifin “Hər şey yaxşılığa
doğru” adlı qısametrajlı bir filmi var, Siz ona baxın. Mən
təmtəraqla danışmağı sevmirəm, lakin tam məsuliyyətlə deyirəm
ki, onun insani və vətəndaş müdrikliyi qarşısında baş əyirəm. Bu
cəsurluqdur. Material belədir. Bəri başdan Sizə danışmaq
istəmirəm, bu filmdən alacağınız zövqü sadəcə olaraq təsəvvür
edirəm. Vaqifin bu filmdə etdikləri misilsizdir, bu, böyük
sənətdir. Orada daim söhbət ölümdən gedir. Amma bu
mövzunun öhdəsindən belə şərəflə gəlmək, heç kimin xətrinə
dəyməmək, yumor hissləri doğurmaq və əsl pasifist olmaq,
sənətin belə yüksək səviyyəsinə qalxmaq... Sozün düzü, mən
çox baxıram, çox çəkirəm, amma çoxdandır filmlər mənə belə
böyük təsir bağışlamamışdır. Bunu məsləhət verməyə cürət
etmək kimi qəbul etməyin, mən Sizə sadəcə olaraq, tövsiyə
edirəm.
Heydər Əliyev: Hökmən baxacağam. Əlbəttə, siz məndə
maraq oyatdınız, təbliğat aparmaq lazım deyil.
Lomer Axvlediani: Çox yüksək səviyyədə çəkilmişdir.
Bütün bu bir neçə gündə məni heyrət bürümüşdür ki, sənət
adamı ölümlə, münaqişə ilə, insan münasibətilə bağlı
_____________________________________________
73
belə gərgin süjetli filmi belə yüksək sənət səviyyəsində çəkə və
müharibəyə, ölümə mənfi münasibət hissləri oyada bilər.
Heydər Əliyev: Sağ olun, sağ olun, hökmən baxacağam.
Vaqif Mustafayev: Мən bu film barədə təkcə bir kəlmə
deyəcəyəm. Oberhauzendə keçirilən nüfuzlu festivalda bu film
birdən-birə dörd mükafat qazanmışdır. Demək istəyirəm ki,
əvvəllər Qarabağa dair filmi yaxına belə buraxmırdılar, qalsın
ki, ona dörd mükafat versinlər. Cənab prezident, bu da Sizin
xidmətinizdir ki, Qarabağa dair filmlərimizə artıq baxırlar.
Halbuki belə filmləri qəbul etmirdilər. 1991-1992-ci illərdə
Qərbdə soruşurdular - film nə baradədir? Qarabağ haqqında?
Yox, bizə belə film lazım deyil. Baxın, Siz nə qədər işlər
görmüsünüz, nə qədər danışmısınız, nə qədər işlər görürsünüz
ki, artıq bizi dinləyirlər, bizim filmlərə baxırlar. Buna görə də
bizim filmə baxdılar, qiymətləndirdilər və dörd mükafat
verdilər. Bu da Sizin xidmətinizdir.
Ümumiyyətlə, incəsənətlə bağlı olan nə varsa, hamısı Sizin
xidmətinizdir. Özü də təkcə Azərbaycanda yox. Axı mən
materiallarla tanışam, açıq materiallara da bələdəm, yasaq
edilmiş materiallara da. Sovetlər İttifaqında bütün kino sahəsinə
Siz rəhbərlik edirdiniz. Filmdə bu da var. Kinomuzda nə varsa,
hamısını, hətta avadanlıq alınmasını da Siz etmisiniz. О vaxtlar
nə almışdınızsa, indiyədək qalan yalnız bunlardır.
Heydər Əliyev: Sağ ol. Bu filmə görə, çəkdiyin əməyə görə
və səmimi, xeyirxah keyfiyyətlərinə görə sənə bir daha təşəkkür
edirəm.
*
*
Görüşdə Vaqif Mustafayev “Heydər Əliyev” filminin kassetini dövlətimizin başçısına
təqdim etdi.
_____________________________________________
74
İNTERFAKS MÜSTƏQİL AGENTLİYİNİN
BAŞ DİREKTORU
CƏNAB MİXAİL KOMİSSARA
Hörmətli Mixail Vitalyeviç!
Sizi və həmkarlarınızı İnterfaks agentliyinin - hələ sovet
dövründə yaranmış birinci müstəqil agentliyi 10 illiyi
münasibətilə ürəkdən təbrik edirəm.
Birlik ölkələrində və bütün dünyada baş verən hadisələrin
operativ, obyektiv və hərtərəfli işıqlandırılması sahəsində
İnterfaksın jurnalist kollektivinin işi ən yüksək qiymətə layiqdir.
Agentliyin kanalları ilə daxil olan xəbərlər həmişə faktların
zənginliyi, hadisələrin təhlilində obyektiv mövqe,
informasiyanın geniş auditoriyaya ünvanlanması ilə seçilir.
Respublikanın həyatına dair doğru-düzgün informasiyanın
yayılmasında, ümumi informasiya məkanında ənənəvi və yeni
əlaqələrin inkişafında agentliyin rolunu Azərbaycanda xüsusi
məmnunluqla qeyd edirlər.
Arzu edirəm ki, İnterfaks agentliyi daha da inkişaf etsin, daha
böyük yaradıcılıq uğurları qazansın.
Hörmətlə,
HEYDƏR ƏLİYEV
Azərbaycan Respublikasının Prezidenti
Bakı şəhəri, 29 sentyabr 1999- cu il
_____________________________________________
75
MİSİR ƏRƏB RESPUBLİKASININ
PREZİDENTİ ZATİ-ALİLƏRİ
CƏNAB MƏHƏMMƏD HÜSNÜ MÜBARƏKƏ
Hörmətli cənab prezident, Sizi yenidən Misir Ərəb
Respublikasının prezidenti seçilməyiniz münasibətilə ürəkdən
təbrik edirəm.
Azərbaycan Respublikası ilə Misir Ərəb Respublikası
arasında təşəkkül tapmış dostluq münasibətlərinə böyük
əhəmiyyət verirəm. Ümidvaram ki, ölkələrimiz arasındakı
əlaqələr xalqlarımızın rifahı naminə daim genişlənəcək və
inkişaf edəcəkdir.
Sizə möhkəm cansağlığı, işlərinizdə uğurlar, dost Misir
xalqına sülh, əmin-amanlıq və firavanlıq arzulayıram.
Hörmətlə,
HEYDƏR ƏLİYEV
Azərbaycan Respublikasının Prezidenti
Bakı şəhəri, 30 sentyabr 1999-cu il
Dostları ilə paylaş: |