____________________________________________
499
174. Saparmurad Niyazov, Niyazov Saparmurad Ata oğlu (d.1940) -
Türkmənistanın siyasi və dövlət xadimi. 1985-ci ildə Türkmənistan SSR-in Nazirlər
Sovetinin sədri, 1985-ci ilin dekabrından 1990-cı ilə qədər Türkmənistan KP MK-nın
birinci katibi olmuşdur. 1990-cı ildən Türkmənistan Respublikasının prezidentidir. -
314-315,367,368,426.
175. Hüsni Mübarək, Seyid Məhəmməd Hüsni Mübarək (d.1928) - Misir Ərəb
Respublikasının görkəmli siyasi və dövlət xadimi. 1975-81-ci illərdə Misir Ərəb
Respublikasının vitse-prezidenti, 1981-ci ilin oktyabrından prezidentidir. - 316,317.
176. Suxarto (d.1921) - İndoneziyanın siyasi, hərbi və dövlət xadimi. 1968-98-ci
illərdə İndoneziyanın prezidenti olmuşdur. - 318,320.
177. Dünya Bankı - BMT-nin hökumətlərarası ixtisaslaşdırılmış idarəsi. 1945-ci
ildə ABŞ-da Bretton-Vuds çərçivəsi sistemində yaradılmışdır. İdarə heyəti
Vaşinqtondadır. Məqsədi inkişaf etməkdə olan ölkələrin iqtisadi və sosial inkişafına
kömək etməkdir. Səhmdar cəmiyyəti formasındadır və iştirakçıları yalnız Beynəlxalq
Valyuta Fondunun üzvləridir. Banka 130-dan artıq dövlət daxildir. 1992-ci ildən
Azərbaycan Respublikası Dünya Bankının üzvüdür. -321,464.
178. İslam İnkişaf Bankı (İİB) - Beynəlxalq maliyyə institutu. İİB-nin əsası
1973-cü ilin dekabrında Ciddədə keçirilən müsəlman ölkələri maliyyə nazirlərinin
konfransında qəbul olunmuş bəyannaməyə əsasən qoyulmuşdur. Bank islam, şəriət
qaydalarına riayət edən ölkələrə maliyyə yardımı göstərir. Bankın 55 üzvü var.
Azərbaycan Respublikası İslam İnkişaf Bankının 1991-ci ildən üzvüdür. - 321.
179. Yasir Ərəfat (d.1929) -1969-cu ildən Fələstin Azadlıq Təşkilatı İcraiyyə
Komitəsinin sədri, 1996-cı ildən Fələstin milli administrasiyasının rəhbəri və Fələstin
hərbi qüvvələrinin Baş komandanıdır. Nobel mükafatı laureatıdır. - 326-327.
180. Hafiz Əsəd, Ə s ə d H a f i z (1930-2000) - Suriyanın siyasi, hərbi və dövlət
xadimi. 1970-71-ci illərdə isə Baş nazir, 1971-2000-ci illərdə isə Suriya Ərəb
Respublikasının prezidenti olmuşdur.- 326,331-333,370.
181. Məhəmməd Xatəmi (d.1943) - İranın siyasi, ictimai və dövlət xadimi,
hiccət-əl-islam, seyid. 1989-92-ci illərdə İranın mədəniyyət və islam orijentasiyası
naziri olmuşdur. 1997-ci ildən İran İslam Respublikasının prezidentidir. - 328-
330,338,343,344,379,386,388.
____________________________________________
500
182. Brejnev Leonid İliç (1906-1982) - partiya və dövlət xadimi. 1964-82-ci
illərdə Sov.İKP MK-nın Baş katibi, 1977-ci ildən həmçinin SSRİ Ali Soveti Rəyasət
Heyətinin sədri olmuşdur. - 347.
183. Ayətüllah Xamnei, Hüseyn Xamnei Seyid Əli (d. 1939) - İranın dini və
dövlət xadimi. 1981-89-cu illərdə İranın prezidenti, 1989-cu ildən isə İran İslam
Respublikasının dini rəhbəridir. - 358-360,379,386,388.
184. EKO - İqtisadi Əməkdaşlıq Təşkilatı. Qərargahı Tehrandadır. 1992-ci ildən
Azərbaycan Respublikası bu beynəlxalq təşkilatın üzvüdür. - 368.
185. Fəhd ibn Əbdül Əziz Al Səid (d.1922) - 1982-cı ildən Səudiyyə
Ərəbistaınının kralıdır. - 378.
186. Kofi Annan (d.1938) -1997-ci ildən Birləşmiş Millətlər Təşkilatının Baş
katibidir.- 382-384.
187. Emin Sabitoğlu, M a h m u d o v Emin Sabit oğlu (1937-2000) - tanınmış
bəstəkar, professor. Azərbaycanın xalq artisti. Azərbaycan Respublikasının "Şöhrət"
ordeni ilə təltif olunmuşdur. - 389.
188. YUNİSEF, BMT-nin Uşaq Fondu - 1946-cı ildə təsis edilmişdir (1953-cü
ildən indiki adı ilə adlanır). BMT-nin müəssisəsi olub uşaqlar üçün proqramlar üzrə
fəaliyyəti əlaqələndirir, başlıca olaraq inkişaf etməkdə olan ölkələrə yardım göstərir.
Maliyyə təsisatlarının mənbələrini hökumətlərin könüllü üzvlük haqları, ictimai
təşkilatların, xüsusi şəxslərin və başqalarının ianələri təşkil edir. Fondun rəhbər
orqanında - İdarə heyətində 41 dövlət təmsil olunur. Katibliyi Nyu-Yorkda. şöbələri
Avropa üzrə Cenevrədə, regionlar üzrə bir sıra inkişaf etməkdə olan ölkələrdə
yerləşir. Nobel sülh mükafatı laureatıdır. - 392.
189. Mikayıl Abdullayev, Abdullayev Mikayıl Hüseyn oğlu (1921- 2002) -
görkəmli Azərbaycan rəssamı. Azərbaycan təsviri sənətinin I inkişafında mühüm rol
oynamışdır. SSRİ xalq rəssamı, SSRİ Rəssamlıq Akademiyasının müxbir üzvü,
Azərbaycan Dövlət və Beynəlxalq Nehru mükafatları laureatıdır. Azərbaycan
Respublikasının "İstiqlal" ordeni ilə təltif olunmuşdur. - 399-400.
190. İmaməli Rəhmanov, Rəhmanov İmaməli Şərif oğlu (d.1952) - Tacikistanın
siyasi və dövlət xadimi. 1992-ci ildə Tacikistan Ali Sovetinin sədri olmuşdur. 1992-ci
ilin noyabrından Tacikistan Respublikasının prezidentidir. - 353-354, 396.
____________________________________________
501
191. Ömər Eldarov, Eldarov Ömər Həsən oğlu (d.1927) - görkəmli Azərbaycan
heykəltəraşı. Azərbaycan MEA-nın həqiqi üzvü. Rəssamlıq Akademiyasının müxbir
üzvü. Heykəltəraşlığın müxtəlif janrlarında (monimental abidə, portret, büst, qorelyef
və s.) əsərlər yaradır. 1995-ci ildən Milli Məclisin deputatıdır. Azərbaycan
Respublikasının "İstiqlal" ordeni ilə təltif olunmuşdur. - 401-402.
192. Avropa Yenidənqurma və İnkişaf Bankı - Qərbi və Şərqi Avropa, MDB
ölkələrini uzunmüddətli kreditlə təchiz edən regional dövlətlərarası bank. 1990-cı ildə
yaradılmışdır. Londonda yerləşir. Bankın 57 üzvü var, həmçinin Avropa İnvestisiya
Bankı və Avropa Birliyi ora daxildir. - 409,464.
193. Rəfael Allahverdiyev, Allahverdiyev Rəfael Xanəli o ğ 1 u (d.1945) - 1993-
2001-ci illərdə Bakı Şəhər İcra Hakimiyyətinin başçısı. 1995-2000-ci illərdə Milli
Məclisin deputatı olmuşdur. - 406,409,410,437-450,466,469,470.
194. Artur Rasizadə, Rasizadə Artur Tahir oğlu (d.1935) - Azərbaycanın dövlət
xadimi. 1986-92-ci illərdə Azərbaycan Respublikası Baş nazirinin müavini işləyib.
1996-cı ildən Azərbaycan Respublikasının Baş naziridir. -422,423,424,426,-
429,431,434,435.
195. Ramiz Mehdiyev, Mehdiyev Ramiz Ənvər oğlu (d.1938) - Azərbaycanın
siyasi və dövlət xadimi, fəlsələ elmləri doktoru, professor. 1995-ci ildən Azərbaycan
Respublikası Prezidentinin İcra Aparatının rəhbəridir. 1995-2000-ci illərdə
Azərbaycan Respublikası Milli Məclisinin deputatı olmuşdur. -441.
Dostları ilə paylaş: |