Mütləq ki, axtaran tapar
Yüklə 3,73 Mb. Pdf görüntüsü
|
89
tərəfini bir-birinə əks istiqamətdə burdu. Bir çərək burduqdan sonra alətdən yenə səs gəldi. Lenqdon məqsədinə çatdığını hiss etdi. Borunu burub açanda əlləri tərləyirdi. Hər iki hissənin mükəmməl şəkildə kəsilmiş hamar məftil olduğunu görürdü. Sanki qiymətli sandığı açırdı, amma içindən nə çıxacağını - bilmirdi. Beş dəfə də fırlatdıqdan sonra hissələr boşaldı. Lenqdon dərindən nəfəs alaraq onları dartıb ayırdı. Hissələrin arasındakı boşluq böyüdü və məsaməli plastik kütlə çıxdı. Lenqdon onu masanın üstünə qoydu. Qoruyucu qatı onu Nerf futbol topuna oxşadırdı. Görək başımıza nə gəlir. Lenqdon qoruyucu qatı asta-asta açdı. Nəhayət ki, içində nəyin gizləndiyi bəlli oldu. Sienna diqqətlə baxaraq çaşqın halda başını tərpətdi. “Qətiyyən bunu gözləmirdim”. Lenqdon isə futuristik görünüşlü flakon təsəvvür edirdi. Lakin bioborunun içindəki əşya heç müasir görünmürdü. Naxış işləməli fil sümüyündən olan bu əşya “Life Savers” manpası şəkər paketi boyda idi. “Qədimi şeydir”, - Sienna pıçıldadı. “Bir növ...” “Silindr möhür”, - Lenqdon dilləndi, bayaqdan bəri ilk dəfə dərindən nəfəs aldı. downloaded from KitabYurdu.org 90
Şumerlər tərəfindən eramızdan əvvəl 3500-ci ildə kəşf olunmuş silindr möhürü çap prosesinin sələfi də adlandırmaq olar. Silindrin üzəri oyma dekorativ şəkillərlə bəzənərdi. Tən ortasından keçən millə onu nəm gilin və ya bişmiş torpağın üzərində müasir diyircəkli boya fırçası kimi diyirlədərək simvol, şəkil və ya yazının əksini çıxarmaq olurmuş. Lenqdon bu möhürün nadir və qiymətsiz olduğuna şübhə etmirdi. Amma onun kimyəvi silah kimi niyə titan qutuya qoyulduğunu anlaya bilmirdi. Lenqdon asta-asta onu əlində fırladır və diqqətlə baxırdı. Üstündə vahiməli şəkil təsvir olunmuşdu. Üçbaşlı və buynuzlu şeytan üç kişini yeyirdi. Hər kişi bir ağzında. Çox gözəl. Lenqdonun gözləri şeytanın aşağısında yazılmış yeddi hərfə sataşdı. Oyulmuş yazı bütün silindrlərdə olduğu kimi güzgüdən oxuna bilən xətlə yazılmışdı. Lenqdon yazını oxumaqda çətinlik çəkmədi - SALİGİA. Sienna ucadan təkrarladı: “Saligia?”. Lenqdon başını tərpətdi. Sözün soyuqluğunu üzərində hiss edirdi. “Bu latın mənşəli abreviaturanı orta əsrlərdə Vatikan tərəfindən xaçpərəstlərə yeddi ən böyük günahı xatırlatmaq üçün yaradılmışdır. “Saligia” sözü downloaded from KitabYurdu.org 91
“superbia”, “avaritia”, “luxuria”, “invidia”, “gula”, “ira” və “acedia” sözlərinin baş hərflərindən əmələ gəlmişdir”. Sienna qaşlarını çatdı. “Qürur, hərislik, şəhvət, paxıllıq, tamah, qəzəb və tənbəllik”. Lenqdon heyrətləndi. “Sən latınca bilirsən”. “Mən katolik kimi böyümüşəm. Günahın nə olduğunu - bilirəm”. Lenqdon sönük təbəssümlə yenidən möhürə baxmağa başladı. Hələ də onun niyə təhlükəli maddə kimi kimyəvi boruya yerləşdirildiyini düşünürdü. “Elə bildim fil sümüyündəndir”, - Sienna dedi. “Amma adi sümükdür” - O, əl işini gün işığına tutub üzərindəki xətlərə işarə etdi. “Fil sümüyünün üzərində zamanla brilyant formalı çarpaz ştrixlər əmələ gəlir ki, bu xətlər yarışəffaf olur. Adi sümükdə isə bu cür paralel və qaralmış çökək ştrixlər yaranır”. Lenqdon yavaşca möhürü götürüb diqqətlə oymalara baxmağa başladı. Əsl şumer möhürləri ibtidai fiqur və mixi işarələrdən ibarət olurmuş. Lakin bu möhür daha təkmil görünürdü. “Orta əsrlərdən qalmadır”, - Lenqdon təxmin etdi. Eyni zamanda, o, naxışlarla gördüyü hallüsinasiyalar arasında bir bağlılıq hiss edirdi. Sienna narahat halda ona baxdı. “Bu nədir?” downloaded from KitabYurdu.org 92
“Ayılandan bəri təkrarlanan səhnə”, - Lenqdon sərt şəkildə dedi və oymalardan birini göstərdi. “Bu üçbaşlı, adamyeyən şeytanı görürsən? Orta əsrlərə xas obrazdır - Qara ölümü əks edən ikonadır. Bədənləri çeynəyən üç ağız vəbanın əhali arasında sürətlə yayılmasını göstərən simvoldur”. Sienna həyəcanla borudakı biotəhlükə işarəsinə nəzər saldı. Lenqdon ciddi yanaşmasa da, tez-tez eyni mənzərə gözünə görünürdü. İnanmaq istəməsə də, yaşanacaq hadisələrlə bir əlaqəsi olacağına əmin idi. “Saligia insanlığın günahlarını özündə cəmləyir... və orta əsrlər dini qavrayışına əsasən elm...” “...Allahın insanlara göndərdiyi Qara ölümün səbəbi idi”, - Sienna onun fikrini tamamlayaraq dedi. “Hə”. Lenqdon bir anlıq dayandı. Silindrin üstündə gözünə bir şey sataşdı. Təəccübləndi. Adətən, silindr möhürün ortasından digər tərəfi görmək olur. Amma bu möhür bağlı idi. Sümüyün içinə nəsə keçiriblər. Həmin hissəyə işıq düşdüyündən parıldadı. “Onun içində nəsə var”, - Lenqdon dedi. “Özü də deyəsən, şüşədən düzəldilib”. O, silindri başıaşağı çevirdi, o biri tərəfinə baxmaq istəyirdi. Bu an içindəki balaca əşya tərpəndi. Boş borunun içindəki nə idisə, o downloaded from KitabYurdu.org 93
tərəf-bu tərəfə diyirlənərək səs etməyə başladı. Lenqdon sanki dondu. Siennanın da eyni vəziyyətdə olduğunu hiss etdi. O nə idi elə? “Səsi eşitdin?”, - Sienna pıçıldadı. Lenqdon başını tərpətdi və ehtiyatla silindrin digər ucuna baxdı. “Görünür ki, ağzı nəyləsə tıxanıb... hər nədirsə, metaldandır”. Test borucuğunun qapağıdır bəlkə?
Sienna arxaya çəkildi. “Qırılmış kimi görünürmü?” “Elə fikirləşmirəm”. Şüşə çıxıntını bir də yoxlamaq üçün o, barmağı ilə sümüyə vurdu. Həmin səs bir də eşidildi. Bir saniyə keçməmiş silindrdəki şüşədə gözlənilməyən bir hərəkət əmələ gəldi. Şüşənin içi işıqlanmağa başladı. Siennanm gözləri
bərəldi. “Robert, dayan! Tərpənmə!” 14 fəsil
Lenqdon tamamilə hərəkətsiz dayanmışdı. Silindr olan əlini havada saxlayırdı. Şübhəsiz ki, işıq saçan borunun başındakı şüşə idi... sanki içindəkilər birdən ayılaraq parlamağa başlamışdılar. Bu an içəridən gələn işıq itdi və şüşə qaraldı. Sienna ona yaxınlaşdı, sürətlə nəfəs alırdı. Əyilib downloaded from KitabYurdu.org
Yüklə 3,73 Mb. Dostları ilə paylaş:
|