Mütləq ki, axtaran tapar
Yüklə 3,73 Mb. Pdf görüntüsü
|
74
İntibah. Yenidən doğulma. Həmişə belə olub. Ölümü yeni doğulma əvəzləyib. Cənnətə yetişmək üçün insan cəhənnəmdən keçməlidir. Bunu bizə ustadımız öyrədib. Amma bununla belə gümüşü saçlı nadan məni “vəhşi” adlandırır? Yəni o, hələ də gələcəyin riyaziyyatını qavraya bilmir? Onun gətirəcəyi dəhşətləri dərk eləmir? Mən Kölgəyəm. Mən sizin qurtuluşunuzam. Və mən bu mağaranın dərinliyində, ulduzları əks etdirməyən yuvada dayanmışam. Elə buradaca, bu dərinlikdəcə cəhənnəm atəşi qaynayır. Tezliklə o partlayaraq alovlanacaq. Və əgər partlasa, dünyada heç nə onun qarşısını ala bilməyəcək”. 4 Camberley - pencək forması ıı fəsil Lenqdonun əlindəki əşya ölçüsünə görə çox ağır idi. Bu zərif və hamar cilalanmış silindr metal parçasının uzunluğu on beş santimetr olardı. Hər iki tərəfinin oval olması onu miniatür torpedaya oxşadırdı. “Belə gözəyarı baxma, yan tərəfinə nəzər yetirsən downloaded from KitabYurdu.org
75
yaxşıdır”, - Sienna gülümsədi. “Simvollar üzrə professor olduğunu deyirsən, eləmi?” Lenqdon bütün diqqətini borucuğa yönəltdi. Bir tərəfində əks olunmuş qırmızı simvolu görənədək əlində fırlatdı. Dərhal bədəninin gərildiyin hiss etdi. İkonoqrafiya tələbəsi kimi Lenqdon insan beynində qorxu yaradacaq bir neçə simvol tanıyırdı... bu gördüyü ən birinci gəlirdi. O dərhal reaksiya verdi; borunu masanın üzərinə qoyub masaya əyləşdi. Sienna başını tərpətdi. “Hə, mən də eynilə bu cür reaksiya vermişdim”. Borudakı işarə adi üçtərəfli ikona idi. Lenqdon bu məlum simvolun 1960-cı illərdə Dow Chemical tərəfindən istehsal edilməsi barədə bir yazı oxumuşdu. Onu həmin dövrədək istifadə olunan təhlükədən - xəbərdarlıq nişanı ilə əvəzləyərək işlətməyə başlayırlar. Digər məşhur simvollar kimi bu da, sadə, fərqli və istehsalı asan idi. Kəlbətindən tutmuş bıçağa kimi hər şeylə uyğun gələn bu işarə müasir dünyada təhlükəni əvəz edən məşhur simvola çevrildi. “Bu balaca kanistr bioboru adlanır”, - Sienna dedi. “Təhlükəli maddə daşımaq üçün istifadə olunur. Tibdə vaxtaşırı bunlardan görürük. İçindəki süngər material downloaded from KitabYurdu.org 76
əsas maddəni təhlükəsiz daşımağa imkan verir.Bu halda isə...”, - Sienna bio- təhlükə simvoluna işarə edərək davam etdi, - “Zənn edirəm ki, içində ya öldürücü kimyəvi maddə... ya da ki... virus ola bilər”. O dayandı. “İlk Ebola nümunələri Afrikadan buna bənzər borularda gətirilmişdi”. Lenqdon bunları heç eşitmək belə istəmirdi. “Mənim pencəyimdə axı nə işi var? Mən incəsənət tarixi müəllimiyəm, axı bu zibil mənim cibimə hardan düşüb?!” Can verən bədənlərin ürpərdici mənzərəsi gözünün önünə gəldi... bir də onlara yuxandan baxan vəba maskası. Çox üzgünəm... Çox üzgünəm. “Necə düşməsindən asılı olmayaraq”, - Sienna dedi, - “çox nadir parçadır. Qurğuşun örtüldü titan. İşıq keçirməzdir, hətta radiasiyaya davamlıdır. Təxmin edirəm ki, bu işdə hökumətin əli var”. O, simvolun yanma vurulmuş poçt markası ölçülü qara lövhəyə işarə etdi. “Barmaq izi üçündür. İtərsə və ya oğurlanarsa, aşkar edilsin deyə düşünülüb. Oxşar borucuqlar yalnız müəyyən adam tərəfindən açıla bilər”. Lenqdon artıq beyninin normal sürətlə işlədiyin hiss etsə də, gördüyünü qavramaqda çətinlik çəkirdi. Deməli, downloaded from KitabYurdu.org 77
mən biometrik möhürlü kanistr daşıyırmışam. “Bu kanistri cibindən tapdıqdan sonra sən ayılanadək təklikdə Dr. Markoniyə göstərmək istəyirdim. Sənin baş barmağını lövhəyə tutub açmağı düşünürdüm. Amma içində nə olduğunu bilmədiyimdən riskə getmədim və...” “MƏNİM baş barmağım?!” - Lenqdon başını yellədi. “Bu əşyanın mənim barmağımı tanıyacağı absurddur. Biokimyadan qətiyyən başım çıxmır. Ömrümdə belə bir əşyam olmayıb”. “Əminsən?” Lenqdon tam əmin idi. O, əlini uzatdı və baş barmağını lövhəyə yaxınlaşdırdı. Heç nə dəyişmədi. “Gördün?! Sənə dedim ki...” Titan borucuqdan səs gəldi. Lenqdon əli yanmış kimi arxaya çəkildi. Zəhrimar. Gözlərini zilləyərək borunun öz-özünə açılacağını və zəhərli qaz buraxacağını gözləyirdi. Üç saniyədən sonra çaqqıltı eşidildi. Görünür, avtomatik olaraq bağlanması proqramlaşdırılıbmış. Nitqi qurumuş halda Lenqdon Siennaya tərəf çevrildi. Gənc həkim bayaqkından da gərgin idi. “Deməli, bunu daşımaq üçün nəzərdə tutulan adam elə sənmişsən”. Lenqdonun gözü önündə
baş verənlər ona mümkünsüz görünürdü. “Bu, ola bilməz. Əwəla, bu downloaded from KitabYurdu.org
78
metal parçası ilə aeroport yoxlanışmdan necə keçə bilmişəm?” “Bəlkə şəxsi təyyarədə uçmusan? Ya da ki, ola bilər bunu sənə İtaliyada veriblər?” “Sienna, mən konsulluğa zəng vurmalıyam. Dərhal”. “Səncə, əvvəlcə onu açmaq yaxşı olmazmı?” Lenqdon həyatı boyu çox dəlisov qərarlar vermişdi. Lakin bu qadının mətbəxində təhlükəli maddə ilə dolu əşyanı açmağa razı ola bilməzdi. “Mən bu əşyanı rəsmilərə verəcəyəm. Elə bu dəqiqə”. Sienna dodaqlarını büzərək digər variantlar düşünürdü. “Yaxşı, amma bir şərtlə. Onlara zəng vurduqdan sonra tək hərəkət etməli olacaqsan. Mən bu işə artıq qanşa bilmərəm. Sən onlarla burada görüşə bilməzsən. Mənim İtaliyada miqrasiya məsələm... bir az dolaşıqdır”. Lenqdon Siennanın gözlərinə baxdı. “Bir şeyi bilirəm ki, Sienna, sən mənim həyatımı xilas etmisən. Vəziyyəti sənin istədiyin yöndə idarə edəcəyik”. O, təşəkkür əvəzi başını tərpətdi. Qalxıb pəncərəyə yaxınlaşaraq həyətə baxmağa başladı. “Demək, biz belə etməliyik”. Sienna dərhal plan cızdı. Sadə, ağlabatan və təhlükəsiz. downloaded from KitabYurdu.org Yüklə 3,73 Mb. Dostları ilə paylaş:
|