Mütləq ki, axtaran tapar
Yüklə 3,73 Mb. Pdf görüntüsü
|
79
O, cib telefonundan gedən zəngi gizli göstərən funksiyanı aktivləşdirdi və nömrə yığmağa başladı. Barmaqları incə şəkildə, lakin əminliklə düymələri basırdı. “İnformazionni abbonati?”5 Qüsursuz italyan ləhcəsi ilə danışırdı. “Per favore, puo darmi il numero del Consolato americano di Firenze?6” O gözlədi və sonra yazmağa başladı. “Grazia mille”7, - dedi və dəstəyi asdı. Sienna nömrə ilə telefonunu Lenqdona tərəf sürüşdürdü. “Sənin növbəndir. Nə deyəcəyin yadındadır?” “Yaddaşım qaydasındadır”, - kağız parçasındakı nömrəni yaza-yaza söylədi. Dodaqlarına kiçik təbəssüm qonmuşdu. Zəng çalınmağa başladı. Görək başımıza nə gəlir. Lenqdon telefonun selektor funksiyasını aktivləşdirən düyməni basdı və onu masanın üstünə qoydu ki, Sienna da eşidə bilsin. Avtocavab eşidildi. Konsulluqla bağlı ümumi məlumat, həmçinin iş saatları deyildi. 8:30-dan tez açılmayacaqdı. Lenqdon telefonun saatına nəzər yetirdi, saat 6 idi. “Əgər zənginiz təxirəsalınmazdırsa”, - səs davam etdi, - “yeddi-yeddi yığaraq gecə növbətçisi ilə danışa downloaded from KitabYurdu.org 80
bilərsiniz”. Lenqdon dərhal nömrəni yığdı. Yenidən zəng çalmağa başladı. “Consolato americano”, - yorğun səs cavab verdi. “Sono il funzionario di turno”8. “Lei parla inglese?”9 - Lenqdon soruşdu. “Təbii ki”, - kişi Amerika ləhcəsi ilə dedi. Oyandığı üçün narazı səslənirdi. “Sizə necə yardımçı ola bilərəm?” “Mən
amerikalıyam, Florensiyaya gəzməyə gəlmişəm. Mənə hücum ediblər. Adım Robert Lenqdondur”. “Pasport nömrəniz, zəhmət olmasa”. Kişi əsnədi. “Pasportum yoxdur. Deyəsən, oğurlayıblar. Başımdan güllə ilə vurublar. Xəstəxanada idim. Mənə kömək lazımdır”. Növbətçi birdən ayıldı. “Cənab!? Dediniz ki, güllə ilə vurublar? Adınızı təkrarlayardınız, zəhmət olmasa”. “Robert Lenqdon”. Xətdən xışıltı səsi eşidildi, sonra isə Lenqdon kişinin kompüterdə nəsə yazdığını eşitdi. Kompüterdən xəbərdarlıq səsi gəldi. Pauza. Yenidən klaviatura səsi. Sonra eyni səs eşidildi. Bir neçə saniyə isə dalbadal üç uca səsli xəbərdarlıq. downloaded from KitabYurdu.org
81
Daha uzun pauza. “Cənab?”, - kişi dilləndi. “Sizin adınız Robert Lenqdondur, elə deyilmi?” “Bəli, doğrudur. Nəsə problem var?” “Cənab, sizin adınız xüsusi bayraqla işarələnib. İşarəyə görə sizi dərhal konsulun baş katibi ilə calamalıyam”. Kişi dayandı, sanki gördüyünə özü də inana bilmirdi. “Sadəcə, xətdə qalın”. “Dayanın! Mənə deyə...” Artıq zəng çalırdı. Dörd dəfə çaldıqdan sonra qoşuldu. “Danışan Kollinsdir”, - boğuq səs eşidildi. Lenqdon dərindən nəfəs aldı, olduqca sakit və aydın səslə danışmağa başladı. “Cənab Kollins, mənim adım Robert Lenqdondur. Mən Florensiyanı gəzməyə gəlmişəm, amerikalıyam. Mənə atəş açılıb. Köməyə ehtiyacım var. Ən tez zamanda Birləşmiş Ştatların Konsulluğuna gəlmək istəyirəm. Yardım edə bilərsiniz?” Düşünmədən boğuq səs cavab verdi, “Şükür Allaha ki, sağsınız, cənab Lenqdon. Biz sizi axtarırdıq”. 5 Məlumat bürosudur? - (ital.) 6 Zəhmət olmasa, mənə Amerikanın Florensiyada yerləşən konsulluğunun telefon nömrəsini verə downloaded from KitabYurdu.org 82
bilərsinizmi? - (ital.) 7 Təşəkkür edirəm! - (ital.) 8 Amerika səfirliyi. Növbətçi eşidir. - (ital.) 9 İngiliscə danışa bilirsiz? - (ital.) 12 fəSİl
Konsulluq mənim burada olduğumu bilir? Bunu eşitmək Lenqdonu inanılmaz dərəcədə rahatlatdı. Cənab Kollins - özünü konsulun baş katibi kimi təqdim edən şəxs - sərt və peşəkarcasına danışsa da, səsində nigaranlıq duyulurdu. “Cənab Lenqdon, sizinlə dərhal danışmalıyam. Təbii ki, telefonda yox”. Lenqdona heç bir şey aydın olmasa da, etiraz etmək istəmədi. “Sizi gətirmək üçün indi kimisə göndərəcəyəm”, - Kollins dedi. “Siz haradasınız?” Sienna gərgin halda ayağa qalxıb pəncərəyə yaxınlaşdı. Lenqdon plana uyğun hərəkət edəcəyinə onu əmin etmək üçün başını tərpətdi. “Mən “Pensione la Florentina” adlı balaca bir mehmanxanadayam”, - Lenqdon Siennanın bir neçə saniyə
əvvəl barmağı ilə göstərdiyi otelə tərəf baxaraq dedi. O, Kollinsə küçənin ünvanını verdi. “Anladım”, - kişi dedi. “Heç yerə tərpənməyin. downloaded from KitabYurdu.org 83
Otağınızda qalm. Adam dərhal orada olacaq. Otağınızın nömrəsi?” Lenqdon bir nömrə uydurdu. “Otuz doqquz”. “Yaxşı. İyirmi dəqiqəyə ordadır”, - Kollins səsini alçaltdı. “Cənab Lenqdon, belə başa düşdüm ki, yaralısınız, həm də çaşqınlıq içindəsiniz, amma bunu bilməliyəm... hələ də - sizdədir?” “Sizdədir?” Lenqdon sualı anladı, üstüörtülü verilən bu sualın bu an bir cavabı ola bilərdi. Qeyri-ixtiyari mətbəx masasının üstündəki bioboruya baxdı. “Bəli, məndədir”. Kollins telefondan eşidiləcək qədər dərindən nəfəs aldı. “Sizdən xəbər çıxmayınca, biz fikirləşdik ki.... düzü, ağlımıza ən pis şey gəldi. İndi rahat nəfəs ala bilərəm. Olduğunuz yerdə qalm. Heç yerə tərpənməyin. Cəmi iyirmi dəqiqə. Gələn adam qapını döyəcək”. Kollins dəstəyi asdı. Lenqdon xəstəxanada ayılandan bəri ilk dəfə rahatlandığını hiss etdi. “Konsulluğun baş verənlərdən xəbəri var, deməli, tezliklə mən də suallarıma cavab tapacağam”. Lenqdon gözlərini qapadı və astadan nəfəs almağa başladı. Özünü daha adam kimi hiss edirdi. Baş ağrısı da dayanmışdı. “Əsil detektivlərdə olduğu kimi”, - Sienna yarızarafat downloaded from KitabYurdu.org Yüklə 3,73 Mb. Dostları ilə paylaş:
|