x o ‘sh, x o ‘p , dem ak, ayta ylik , y a ’ni,
olaylik, masalan, haligi, anaqa
kabi so'zlar parazit so‘zlar deb
yuritiladi.
Aniqlik nutqning muhim fazilatlaridan biri sifatida qadimdan
ma’lum. G ‘arb va Sharq olimlari ham aniqlikni nutq sifatlarining
birinchi sharti hisoblaganlar. Kaykovus: “Ey farzand, so'zning
yuzin va orqasin bilg‘il va ularga rioya qilg‘il, har na so‘z desang
yuzi bila degil, to suxango'y bo‘lg‘aysan. Agar so‘z aytib, so‘zning
nechuk ekanin bilmasang qushga o‘xsharsanki, unga to‘ti derlar,
ul doim so'zlar, ammo so‘zning ma’nosin bilmas” , - deydi.
Shunday qilib, aniqlik nutqning aloqaviy fazilatlaridan biri
bo'lib, u ashyoviy borliq bilan nutq mazmun rejasining mosligi
sifatida yuzaga chiqadi. Boshqacha aytganda, ifodalangan
tushunchalar tizimida so'zlarni ularning tildagi m a’nolariga mos
holda qo'llashda ko'rinadi.
Nutqda bayon etilgan fikming qismlari va alohida fikrlarning
o'zaro mutanosibligi mantiqiylik deb yuritiladi. Mantiqli nutqda
gaplardagi fikrlar butun nutqdan kelib chiqadigan fikming qismlari
hisoblanadi, ular orasida ziddiyat bo‘lmaydi.
76
Notiq nutqining muhim fazilatlaridan biri ifodalilikdir. Shu
nuqtai nazardan qaralganda, ommaviy chiqishlarda notiqlarning
nutqlari xilma-xildir. Hatto bir mavzuga bag‘ishlangan turli
kishilarning nutqi turlich a ifodalanishi m um kin. Bunday
nutqlaming biriga tinglovchi qiziqib qarasa, boshqachasiga nisbatan
loqayd munosabatda bo'ladi. Nutqni ravon qilishda mavzu va
xabarning mantiqi, dalillaming yangiligi, mualiifning ta’sir o'tkazish
vositalari, nutqning struktura xususiyatlari muhimdir.
0 ‘z tu z ilish i, x u su siy a tla ri, fa z ila ti, xossalari b ilan
tinglovchining fikr va tuyg‘ularini, diqqatini yorqinlashtirgan,
aytilganlarda qiziqish uyg‘otgan nutq ifodali nutq hisoblanadi.
Ommaviy chiqishlarda notiq ifodalilikka qanday erishishi
mumkin? Tilshunos B.N.Golovan ifodalilikka erishishning yettita
shartini ko‘rsatadi.
Birinchidan, nutq muallifi tafakkurining erkin, mustaqil
bo'lishi. Siyqasi chiqqan gaplarga bog'lanib qolgan shaxsning nutqi
yuksak ifodalilikka erisha olmaydi. Chunki bunday notiq erkin
tafakkur qilmaydi, nutqiga sharoitga munosib ifodaviy vositalarni
kirita olmaydi, ular ustida o‘ylamaydi, o‘ylay olmaydi.
Ikkinchidan, nutq muallifi nima haqida so‘zlayotganini,
kimlarga so‘zlayotganligini bilishi, shunga qiziqishi, beparvo
bo‘lmasligi lozim.
Uchinchidan, tilni, uning ifoda vositalarini, imkoniyatlarini
yaxshi bilish (bunga til fanini bilish orqali erishiladi).
To'rtinchidan, til uslublari (badiiy, ilmiy, publitsistik, so‘zlashuv
kabi) xususiyatlari, xossalarini bilish.
Beshinchidan, nutqiy malaka ustida muntazam va ongli mashq
qilish. Bunda olingan bilimni malakaga aylantirish muhimdir.
So‘zlayotganda kishi uzoq o ‘ylab nutqni ifodali qiladigan vositalarni
topa olmaydi. Buni vaqt taqozo etmaydi. Bu borada bizga
malakamiz yordamga keladi. U tezlik bilan bizga nutqni ifodali
qiluvchi vositalarni topib berishi, keraksiz vositalarni uzoqlashtirishi
lozim. Ammo bunga qanday erishish mumkin? 0 ‘qigan badiiy,
ilmiy va boshqa asarlarning tiliga ongli munosabatda bo‘lish, til
vositalarini tahlil etish, yodlash, ulardan foydalanib nutq so'zlash
mashqlari o ‘tkazish ifodali so‘zlash yuzasidan malaka hosil
qilishning birdan-bir to ‘g‘ri yo‘lidir. Kishi doimo o ‘z nutqiy
malakasini boyitishi, oshirib borishi zarur.
77
Oltinchidan, so‘zlovchining ifodali so‘zlashga bo‘lgan ongli
ishonchi, ruhan tayyorgarligi. Kishi o ‘ziga-o‘zi mening nutqim
ifodasiz, nochor va qashshoq, shunga ko‘ra yorqinroq, ifodaliroq
so‘zlashim uchun kitoblar o ‘qishim , ulardan tilning ifoda
vositalarini, maqol, hikmatli so‘zlarni, iboralarni o‘rganishim zarur
deya olishi kerak.
Y ettinchidan, tilda nutqning ifodaliligini t a ’m inlovchi
vositalarning bo'lishi. Ular tilda borligi uchun ham biz o ‘z
nutqimizda ifodalilikka erishamiz.
Yana eng muhim jihat talaffuzning tiniqligi, so‘z tanlash, har
bir so‘zga ohangdan libos kiydirilishi lozim. Gapning grammatik
qurilishi til qonun-qoidasiga asoslanmog'i shart. Nutq davomida
keltirilgan she’riy misollar nutqdagi fikrlami qo‘llab-quwatlashga
va mustahkamlashga xizmat qilishi tinglovchilar qiziqishini oshiradi.
Ommaviy chiqishlardagi nutqning og‘zaki (matn bo‘Isa ham)
matnga qaramasdan o‘qilishi, iloji bo‘lsa, mikrofonsiz so'zlanishi
tinglovchi omma e’tiborini yanada o‘ziga jalb etadi. Bunday nutqda
ilmiy jumlalar, chet tillardan olingan so‘zlar me’yorini saqlash
ham notiqqa mas’uliyat yuklaydi. Demak notiq har bir so‘zning
sodda sh a k lin i ta n la m o g ‘i, sheva va ja rg o n s o ‘zlard an
foydalanishning afzal tom onlari va m e’yorlarini bilm og‘i,
varvarizmlardan, o‘rinsiz ko‘p takrorlanadigan parazit so‘zlarni
ishlatishdan umuman voz kechmog'i lozim bo'ladi.
Bugungi kundagi ommaviy chiqishlarda mafkuraviy va ilmiy-
targ‘ibot odamlar o ‘rtasida maxsus m a’ruzalar qilish, har xil
suhbatlar uyushtirish kabilar orqali amalga oshiriladi. Ana shu
m a’ruzalar, suhbatlar va har xil chiqishlarning ommaga qay
darajada ta’sir qilishi; ulami ishontirish, kayfiyatlarini o'zgartirish,
ular diqqatini qo‘yilayotgan masalalarga tortish notiqdan juda katta
mahorat talab qiladi. Chunki har bir nutq ommani ishontira
oladigan, ularga tushunarli, yorqin, ta’sirchan, mantiqli va aniq
bo'lgandagina kishilarga o'zgacha ta ’sir qiladi. Ana shularni
ta’minlagan notiq esa o‘z oldiga qo'ygan maqsadga to ‘la erishadi.
Taniqli n o tiq la r o ‘z n u tq larin in g nam unali b o 'lish in i
ta’minlashda quyidagi asosiy holatlarga alohida e’tibor berganlar:
1)
o‘zi to'xtalmoqchi bo‘lgan masala yoki mavzuni chuqur
o'rganish, o ‘zlashtirib olish, undagi masalalarga o‘z munosabatini
aniq belgilab olish;
78
2) o‘z dunyoqarashiga ega bo‘lish, so‘z bilan ish birligi, nazariya
bilan tajribaning dialektik birligiga erishish, fikrlarni ilmiy asoslash;
3) mavzuga mas’uliyat bilan yondoshish, uni omma oldida
to ‘liq ochib berishga, yoritishga diqqat qilish;
4) ommaviy chiqishlar paytida tinglovchilar bilan nihoyatda
yaqin aloqa, muloqotni ta’minlash. Tinglovchilarning kayfiyatini
his qilib turish, bu orqali esa ularning notiq fikrlarini faqat tushunib
olishlarinigina ta’minlamasdan, bu fikrlarga ishontira olish;
5) har bir nutqqa jiddiy tayyorgarlik ko‘rish, jumladan, gapni
nimadan boshlashdan tortib, nima bilan tugatishgacha jiddiy o‘ylab
olish, masalalarni o ‘rtaga tashlash ketma-ketligini yaxshi belgilab
olish, ularning o‘zaro bog‘lanishini ta ’minlash, m a’lum rejalar
yoki reja-konspektlar tuzib olib, o‘zi uchun alohida va keng
to ‘xtalishi zarur bo'lgan o‘rinlarni belgilab olish va boshqalar.
Ommaviy chiqishlarda nutqni ta ’minlovchi asosiy omillar
yuqorida sanab o ‘tilganlar bilan cheklanmaydi, albatta. Shu
omillarni yuzaga keltirishda beqiyos ahamiyatga ega bo‘lgan yana
bir omil ham borki, bu, yuqorida aytganimiz, tilni yaxshi bilish,
undan o ‘rinli va to ‘g‘ri foydalanish malakasiga ega bo'lish — nutq
madaniyatini egallashdir. Mavzuni chuqur bilish, masalalarni
to ‘g‘ri anglash, ularga munosabat, tushunarlilikni, ta ’sirchanlikni,
aniqlik va mantiqlilikni ta’minlash, bulaming hammasi til orqali,
uning bevosita ishtirokida amalga oshiriladi.
Notiqlik san’ati esa olam-olam mazmunni go‘zal ifodalab berishga
asoslanadi. Ma’lumki, notiqlar ham har xil bo'ladi. Har biri o‘z
nutq uslubiga, o‘ziga xos bilimga, o‘zini tuta bilish, omma bilan til
topa bilish mahoratlariga ega bo'ladi. Aristotel to‘g‘ri ta’kidlaganidek,
nutq zamiridagi fikrlar gapiruvchi shaxs orqali gavdalanadi va uning
nutqi davomida yuzaga keladi. Demak, har bir notiq o'ziga xos
ovozga, o‘ziga xos uslubga ega bo‘lishi lozim. Biroq, baribir har bir
notiq Alisher Navoiy o‘zining “Mahbub ul-qulub” asarida keltirgan
“Ko'ngil xazinasining qulfi — tilo; U xazinaning kalitini — so‘z
bil”, “Ko‘p, bemaza so'zlaydigan ezma — kechalari tong otguncha
tinmay huradigan itga o'xshaydi”, “Xushsuxan odam yumshoqlik
bilan do‘stona so‘z aytadi: ko‘ngliga tushishi mumkin bo‘lgan yuz
g‘am — uning so‘zi bilan daf bo‘ladi. So‘zda har qanday yaxshilikning
imkoni bor”... “Til shuncha sharafi bilan nutqning qurolidir...”,
“Tilning ixtiyorini qo‘lingda asragil; so‘zingni ehtiyotlik bilan so‘zla.
79
Vaqtida aytish kerak bo‘lgan so‘zni asrama; aytish kerak bo‘lmagan
gapning yaqiniga yo‘lama. So‘z borki, eshituvchining taniga jon
kirgizadi; so‘z borki, gapiruvchining boshini yelga uchiradi. Tiling
bilan dilingni bir tut; tili va dili bir kishining aytgan so'zi — but.
So'zni ko‘ngilda pishitmaguncha tilga olma” kabi hikmatlarga jiddiy
amal qilishi lozim. Bu haqda keyingi paytlarda ko‘pgina o‘zbek
adiblari, so‘z san’atkorlari, adabiyotshunos va tilshunos olimlar
ham o‘z fikr-mulohazalarini bayon qilmoqdalar.
A.Qahhoming “Til haqida nutq” maqolasidagi (“Yoshlik”
jumali, 1987-yil, 9-son) quyidagi fikrlari bunga misol bo‘la oladi:
“Juda boy, chiroyli tilimiz bor. Bu tilda ifoda etib bo‘lmaydigan
fikr, tuyg‘u yo‘q!
Afsuski, radiomiz ko‘pincha xalq bilan mana shu boy, chiroyli,
purqudrat tilda gaplashmaydi. Odamlarki bor, bisotidagi bir xovuch
so‘zni aylantirib oyligini olaveradi; o‘qish-o‘rganish bilan o‘zbek
tilining imkoniyatidan to ‘laroq foydalanishni istamaydi yoki bunga
farosati etmaydi. Mana shunaqa odamlarning “ilmiy faoliyati”
oqibatida shunday bir til vujudga kelganki, na muomalada, na
oilada, na suhbatda hech kim bu tilda gapirmaydi; na oshiq
ma’shuqasiga, na ota bolasiga, na bola onasiga bu tilda xat yozadi.
Radio xodimlarining o‘zlari ham o‘zaro bu tilda gaplashmaydi.
Bu tilni faqat mikrofon ko‘taradi. Bunga faqat mikrofon'toqat
qiladi” ...“Ba’zan raislar, brigadirlar mikrofonga chaqiriladi. Hozirgi
vaqtda texnika hatto duduq odamni ham gapirtirishga imkoniyat
berishiga qaramay, brigadirlarning qo‘liga no‘noq jurnalist yozgan
m atnni berib, shuni o‘qishga majbur qilishadi” ... “Institutni
bitirgandan keyin joylarga borib o ‘quvchilarga ingliz, nemis,
fransuz, ispan tillarini o‘rgatasizlar. Mening sizlarga aytadigan
eng zarur gapim shuki, sizlar joylarga chet tillar bilan birga (balki
birinchi navbatda) o ‘z ona tilimizga — o ‘zbek tiliga cheksiz
muhabbat tuyg‘usini olib boringlar! 0 ‘zbek tili g‘oyat boy, nihoyat
chiroyli, har qanday fikr va tuyg‘uni ifoda qilishga qodir ekanini
amalda ko‘rsatinglar; qayerda va qanday sharoitda ishlamanglar,
til madaniyatimizning mash’ali bo‘linglar!
Men bu gapni tilimizning boyligiga daxl qiladigan, husn,
latofotini buzadigan, tilimizni tahqir qilishga qaratilgan qiliqlarga
barham berish maqsadidagina aytayotganim yo‘q. Bu gapning faqat
tilimizgagina emas, tuzumimizga ham aloqasi bor...” .
80
Abdulla Qahhor qariyb yarim asr oldin aytgan bu fikrlar
bevosita notiqlarga ham tegishli bo‘lib, umuman til vositalaridan
ustalik bilan foydalanishga e ’tiborni tortishdan tashqari, nutq
madaniyati uchun ham taalluqlidir.
Har qanday notiq nutqning madaniyatli bo‘lishini ta’minlashga
harakat qilar ekan, awalo, o‘z ona tilining bebaho ne’matlaridan
foydalana olishi, so‘z qadriga eta bilishi kerak. Bundan tashqari,
nutqning go‘zal, latofatli, m a’nodor va olijanob bo‘lishi uchun,
kishining o ‘zi ham tabiatan samimiy, musaffo bo‘lishi kerak.
Chunki hamma vaqt ham chiroyli so'zlami qatorlashtirib tashlash,
balandparvoz jum lalar tuzish bilan madaniy nutqqa erishib
bo‘Imaydi. Bu o'rinda Aristotelning quyidagi fikrlari o ‘rinlidir:
“Noyob so'zlar, metaforalar, cho‘zilgan va boshqa so‘zlarni g'alati
deb atayman. Lekin kimdir butun nutqni shunday asosda tuzsa,
yo topishmoq, yo varvarizm kelib chiqadi”.
Kaykovusning shunday fikri bor: “Hamma qobiliyatlardan eng
yaxshisi nutq qobiliyatidir... Nutqni juda yaxshi va san’atkorona
o‘rganib olish, doimo gapga chechan bo‘lishga harakat qil... Nutqi
shirin kishining mehribon kishilari ham ko‘p bo'ladi”
Ko£rinadiki, so‘zIovchi til vositalaridan o ‘rinli foydalangan
holda tinglovchi ongiga, sezgisiga va kayfiyatiga ta’sir qila oladigan,
uni ishontira oladigan, ko‘tarilayotgan masalalarni to ‘g‘ri va oson
anglab olishni ta’minlaydigan bo‘lishi kerak.
Ommaviy chiqishlarda notiq tinglovchilar hushyorligini
oshiruvchi turli savollar qo‘yishi va unga javobni lo‘nda qilib esda
qoladigan sodda usul bilan tushuntirmog‘i muhim ahamiyat kasb
etadi.
Ommaviy chiqishlarda notiq bilishi lozim bo‘lgan yana bir
muhim jihat nutq jarayonida hayotiy misollardan foydalanishdir.
Ayniqsa, nutqda milliylik va m ahalliy xususiyat saqlanishi
muhimdir.
Dostları ilə paylaş: |