79
QURBANOV AFAD MƏHƏMMƏD OĞLU
(Anadan olmasının 85-illiyi)
Özündən sonra silinməz izlər qoyan, böyük şəxsiyyətlər dai-
ma nəsillərin yaddaşında yaşayır. Görkəmli dilçi-alim, məşhur tür-
koloq, əlifba islahatçısı, layiqli vətəndaş, mübariz ictimai xadim
Afad Məhəmməd oğlu Qurbanov da belə şəxsiyyətlərdən idi.
Azərbaycanın hazırkı əlifbasının müəllifi və islahatçısı, milli
və beynəlxalq akademiyaların akademiki, dünyanın bir çox linq-
vistik və onomastik elmi təşkilatlarının həqiqi və ya fəxri üzvü,
Azərbaycan Elmlər Akademiyasının müxbir üzvü, Əməkdar elm
xadimi, Dövlət Mükafatı laureatı, filologiya elmləri doktoru, pro-
fessor Afad Qurbanov uzun illər boyu bütün qüvvə və bacarığını
dilimizin hərtərəfli tədqiqinə və təbliğinə, yüksək ixtisaslı elmi-
pedaqoji kadrların, alimlərin yetişdirilməsi işinə həsr etmişdir.
Azərbaycan dilçiliyinin elə bir sahəsi yoxdur ki, alim onu araşdırmasın və öz
münasibətini bildirməsin. Alimin ümumi, türkoloji və Azərbaycan dilçiliyinin tədqiqatlarına
dair 70-dən artıq kitabı, dərsliyi, monoqrafiyası, 500-dən çox elmi-metodik məqaləsi nəşr
edilmişdir. Onun hər bir əsəri Azərbaycan dilçiliyində mövcud problemin həllinə kömək
etmişdir. Bu əsərlərin bir qismi müxtəlif mükafatlara layiq görülmüş, bir qismi isə xarici ölkələrdə,
o cümlədən Rusiya, Türkiyə və başqa dövlətlərdə dərc edilmişdir. Alimin ikicildlik «Ümumi dil-
çilik», «Müasir Azərbaycan ədəbi dili», «Azərbaycan dilinin onomalogiyası» və s. kitabları dünya
və milli dilçilik xəzinəsinin ən kamil və dəyərli incilərindəndir.
Afad Məmməd oğlu Qurbanov 1929-cu il yanvarın 10-da Qərbi Azərbaycanın Kalinino
rayonunun Qızıl Şəfəq kəndində yüksək rütbəli hərbçi ailəsində anadan olmuşdur. Orta
təhsilini Ermənistanın Qızıl Şəfəq və İlməzli məktəblərində almışdır. 1945-ci ildən pedaqoji
fəaliyyətə başlamışdır. 1948-ci ildə Gürcüstan Müəllimlər İnstitutunu fərqlənmə diplomu ilə
bitirən A.Qurbanov Başkeçid rayonundakı Qruzman yeddiillik kənd məktəbinə direktor və Azər-
baycan dili və ədəbiyyatı müəllimi təyin etmişlər. Təhsilini davam etdirmək məqsədi ilə o,
həmin il Bakıya gəlmiş və Azərbaycan Dövlət Pedaqoji İnstitutunun dil və ədəbiyyat fakül-
təsinə daxil olmuşdur. 1951-ci ildə savadına, təşkilatçılıq bacarığına görə Gürcüstan Maarif
Nazirliyi tərəfindən azərbaycanlıların ən böyük təhsil ocağı olan Başkeçid rayonundakı Ha-
mamlı kənd orta məktəbinin direktoru vəzifəsinə təyin edilmişdir.
Az müddət sonra A.S.Puşkin adına Tbilisi Dövlət Pedaqoji İnstitutunda qısa müddətli
müəllimlik fəaliyyətindən sonra 1956-cı ildə Bakıya qayıtmış və həmin il Azərbaycan Dövlət
Pedaqoji İnstitutunun Azərbaycan dilçiliyi kafedrasında aspiranturaya daxil olmuşdur. Eyni
zamanda Bakı Ali Partiya məktəbində və Azərbaycan Dövlət Dillər İnstitutunun Azərbaycan
dili və ədəbiyyatı kafedrasında müəllimlik fəaliyyətini davam etdirmişdir. 1962-ci ildə S.Vur-
ğunun «Vaqif» pyesinin dili və üslubu mövzusunda namizədlik, 1968-ci ildə Azərbaycan
Elmlər Akademiyasının İctimai Elmlər Bölməsində «Müasir Azərbaycan ədəbi dili»
mövzusunda doktorluq dissertasiyalarını uğurla müdafiə etmişdir. 1970-ci ildə Ali Attestasiya
Komissiyası Afad Qurbanovu professor elmi adına layiq görmüşdür.
A.Qurbanov 1959-cu ildən Azərbaycan Dövlət Pedaqoji İnstitutunda Azərbaycan dilçi-
liyi kafedrasında assistent, müəllim, 1965-ci ildən dosent vəzifələrində çalışmışdır. 1967–
1981-ci illərdə həmin institutda filologiya fakültəsinin dekan müavini, 13 il isə dekanı işləmiş,
80
1981–1989-cu illərdə institutun rektoru vəzifəsində çalışmış, həmin dövrdə də Filologiya və
Pedaqogika Elmləri üzrə Müdafiə Şurasının sədri olmuşdur. 1979-cu ildən həyatının sonuna ki-
mi 30 il A.Qurbanov Azərbaycan Dövlət Pedaqoji Universitetinin Azərbaycan dilçiliyi kafedra-
sının müdiri işləmişdir.
Alim 1979-cu ildən «Azərbaycan toponimlər» lüğəti ensiklopedik nəşrinin, «Dil və
ədəbiyyat» məcmuəsinin «Elm və həyat» jurnalının, «Təhsil və türkologiya» jurnalının redak-
siya heyətinin üzvü, «Dilçilik» elmi-linqvistik və «Onomastika» elmi-onomastik jurnalının
təsisçisi, baş redaktoru olmuşdur.
1970-ci ildən başlayaraq Azərbaycan elminin inkişafında və yüksəkixtisaslı elmi və
pedaqoji kadrların hazırlanmasındakı xidmətlərinə görə dəfələrlə həm ölkə başçısı, həm də
Ali Sovetin Rəyasət Heyəti, Milli Elmlər Akademiyasının Rəyasət Heyəti və Təhsil Nazirliyi
tərəfindən fəxri fərmanlara, təltiflərə layiq görülmüşdür.
A.Qurbanov 1983-cü ildə Azərbaycan Elmlər Akademiyasının müxbir üzvü seçilmiş,
yeganə dilçi-alim olmuşdur ki, 1988-ci ildən namizədliyi SSRİ Elmlər Akademiyası tərəfin-
dən Azərbaycan Elmlər Akademiyasının həqiqi üzvlüyünə irəli sürülmüşdür.
1992–2000-ci illərdə görkəmli alim Azərbaycan Milli Yaradıcılıq Akademiyasının, Bey-
nəlxalq Pedaqoji Elmlər Akademiyasının, Rusiya Pedaqoji və Sosial Elmlər Akademiyasının,
Nyu-York Akademiyasının akademiki, Türk Dil Qurumunun şərəfli üzvü, Sürətli Türk Dili
Məclisinin həqiqi üzvü, Belçika Onomastika Cəmiyyətinin, Finlandiyanın Fin-Uqor Cəmiyyə-
tinin və digər təşkilatların həqiqi və ya fəxri üzvü seçilmişdir.
A.Qurbanovun 1987-ci ildə ABŞ-ın İndiana Universitetində keçirilən Türk Tədqiqatları
üzrə İkinci Beynəlxalq Konfransında «Azərbaycan onomastikası sahəsində elmi tədqiqatlar»
mövzusunda məruzəsi, 1989-cu ildə isə Norveçin Ural-Altay İnstitutu tərəfindən Oslo şəhə-
rində keçirilən Daimi Beynəlxalq Altayşünaslıq Konfransının 32-ci iclasında «Kutianlar və
onların şəxs adları» adlı məruzəsi dinlənilmişdir.
Azərbaycan dilçiliyində ümumdilçilik problemləri sahəsindəki ilk sanballı elmi əsərləri, ki-
tabları, dərslikləri, dərs vəsaitləri və tədris proqramlarını Afad Qurbanov yazmışdır. «Ümumi
dilçilik məsələləri» dərs vəsaiti (1972), «Dilçiliyin sistemi», «Dilçiliyin tarixi» əsərləri (1976),
«Ümumi dilçilik» dərsliyi (1977), ikicildlik «Ümumi dilçilik» monoqrafiyası (1989, 1993,
2004, 2010), habelə rus və türk dillərində kitabları.
A.Qurbanov XX əsrin görkəmli türkoloq dilçilərindəndir. Belə ki, onun «Türkoloji dilçilik»
monoqrafiyası, «Türk antroponimlərinin inkişaf dövrləri», «Ümumtürk antroponimiyası tarixi»,
«Türkoloji dilçiliyə dair biblioqrafiya», «Türk xalqlarında advermə ənənələri», «Qədim türk
adları», «Ortaq türk dili» və s. kitabları fədakar alimin yorulmaz axtarışlarının nəticəsi olmuşdur.
Bəllidir ki, Azərbaycanın dilçilik tarixində elmi məktəb yaratmış az sayda alimlərimiz
mövcuddur. XX əsrin ikinci yarısı Azərbaycan dilçiliyinin inkişafında xüsusi mərhələ hesab
olunur və bu mərhələdə Azərbaycan onomalogiyasının müstəqil nəzəri dilçilik şöbəsinin –
elmi məktəb kimi formalaşması bilavasitə Afad Qurbanovun adı və fəaliyyəti ilə bağlıdır.
Ötən əsrin 90-cı illərinin əvvəllərində ölkəmizdə əlifba islahatının aparılmasında Onun
Azərbaycan Əlifba Komissiyasının sədri və yeni latın qrafikalı əlifbanın müəllifi kimi böyük
xidmətləri olmuşdur.
Alimin həyatının bütöv bir dövrü – qırx ili SSRİ və Azərbaycan Elmlər Akademiyaları ilə
bağlı idi. O, Azərbaycan SSR Elmlər Akademiyasının müxbir üzvü kimi elmi yaradıcılıq