kənd təsərrüfatı proqnozlarını və s. misal göstərmək olar. Belə ki,
aviasiya proqnozlarında buludluq və görünüşü pisləşdirən atmosfer
hadisələrinin xüsusiyyətlərinə, dəniz proqnozlarında küləyin, kənd
təsərrüfatı proqnozlrında isə yağıntı, temperaturun və s.
xüsusiyyətlərinə xüsusi diqqət yetirilir.
Proqnozlaşdırılan parametrin tipindən asılı olaraq bütün
proqnozlar kəmiyyət və keyfiyyət proqnozlarına ayrılırlar.
Xətaları müəyyən bir ədədlə qiymətləndirilə bilən proqnozlara
kəmiyyət proqnozları
, qalan hallar isə
keyfiyyət proqnozları
adlandırılır. Məsələn, maksimal hava temperaturunun proqnozu
kəmiyyət proqnozudur, çünki temperaturun proqnozlaşdırılan və
müşahidə olunan qiymətləri arasındakı fərqi müəyyən qiymətlə
ifadə etmək olar. Buludluğun formasının proqnozu isə keyfiyyət
xarakterlidir, çünki proqnozlaşdırılan topa-yağış buludları ilə
müşahidə olunan laylı buludluq arasında müəyyən edilmiş fərqi
ədədi qiymətləndirmək qeyri-mümkündür.
Aerosinoptik proseslərin və hava proqnozlarının təhlilinin
əsasını atmosfer hadisələrinin, meteoroloji elementlərin dövrü və
qeyri-dövrü dəyişkənliklərinin nəzərə alınması təşkil edir.
Müəyyən meteoroloji elementin dövrü dəyişməsi dedikdə, onun
sutkalıq və illik gedişi nəzərdə tutulur. Meteoroloji elementlərin
qeyri-dövrü dəyişmələri isə hava kütlələrinin növbəli dəyişməsi,
atmosfer cəbhələrinin keçməsi, siklon və antiksiklonların inkişafı
ilə əlaqədardır. Məhz, buna görə də hər bir elementin
proqnozundan əvvəl sinoptik vəziyyətin proqnozu, yəni hava
kütlələrinin,
atmosfer
cəbhələrinin
və
barik
sistemlərin
yerdəyişmələrinin
proqnozu
verilir.
Bununla
belə,
hava
proqnozlarını tərtib edərkən aşağıdakılar mütləq nəzərə alınmalıdır:
a) proqnozların davam etdiyi müddətdə barik sistemlərin,
atmosfer cəbhələrinin evolyusiyaları, yaxud hava kütlələrinin
transformasiya nəticəsində dəyişmələri;
b) ilin fəsillərinin xüsusiyyətləri və meteoroloji elementlərin
sutkalıq gedişi;
c) hərəkət zamanı hava kütlələrinə və cəbhələrə yerli şəraitin,
oroqrafiyanın təsiri.
Aviasiya
üçün
hava
proqnozları
təyinatına
görə
xüsusiləşdirilmiş proqnozlar olmaqla, onun məqsədi uçan
aparatların uçuşlarına yer səthində və hündürlüklərdə təsir edən,
gözlənilən meteoroloji element dəyişmələrinin, hava hadisələrinin
proqnozlaşdırılmasından ibarətdir. Ümumiyyətlə, xüsusi proqnozlar
konkret istehlakçılar üçün onların fəaliyyət xüsusiyyətlərini nəzərə
almaqla, hazırlanır. Müasir aviasiya hava haqqında məlumatları
nəinki faktiki şəkildə, həmçinin onun gələcək dəyişmələrinin də
tendensiyasını tələb edir. Aviasiya üçün hava proqnozları hava
limanlarında, zonalarda və marşrut boyu meteoroloji şəraitin elmi
cəhətdən əsaslandırılması və xüsusi kodlar vasitəsilə qısaldılmış
şəkildə tərtibatını nəzərdə tutur. Ümumiyyətlə, hava proqnozları
üç: sinoptik, ədədi və statistik metodlar əsasında tərtib olunurlar.
Sinoptik metodlar barik sahələrin, atmosfer cəbhələrinin təhlili
ilə
həyata
keçirilir.
Ədədi
metodlarla
isə
mürəkkəb
hidrotermodinamika tənliklərinin həlli əsasında yerüstü barik
sahələrin, mütləq izobarik səthlərin qısamüddətli və uzunmüddətli
proqnozları tərtib olunur.
Riyazi statistikanın köməyi ilə hər hansı bir meteoroloji
elementin və ya hadisənin çoxillik statistik sırasının (məsələn,
buludların aşağı sərhədlərinin proqnozu, görünüş, külək, şimşək,
duman və s.) empirik yollarla təhlili aparılır və bunun nəticəsində
xüsusi statistik metodlar yaradılır. Sinoptiklər bu və ya başqa
üsulun proqnoz effektivliyini qiymətləndirməyi və qoyulan
məsələlərə
uyğun
olaraq
səmərəli
həll
yolları
seçməyi
bacarmalıdırlar.
Seçilmiş proqnoz üsulları aşağıdakı tələblərə cavab verməlidir:
1) hər hansı bir meteoroloji kəmiyyətin proqnozu həm ilkin
müşahidə materialları həm də başqa meteoroloji elementlərin
proqnoz materilları, əsasında tərtib edilə bilər. Birinci növ
proqnozlara misal olaraq müəyyən müddət üçün geopotensial və
temperaturların müşahidə edilmiş ilkin qiymətləri əsasında izobarik
səthlərin hündürlüklərinin qabaqcadan hesablanmasını, ikinci növ
proqnozlara isə buludluluq və küləyin proqnozlarından istifadə
etməklə temperaturun proqnozunu misal göstərmək olar;
2) proqnoz üsulları kifayət qədər obyektiv olmalıdır. Başqa
sözlə, eyni bir üsuldan və ilkin məlumatlardan istifadə edərək iki
sinoptik eyni və ya yaxın bir nəticə almalıdırlar. Bu tələbi ən çox
ödəyən proqnoz barik sahənin riyazi proqnozudur;
3) proqnozlarda meteoroloji kəmiyyətlərin qiymətləri gözlənilən
intervalla (qradasiya) göstərilir. Məsələn, temperatur 15
0
C-dən
18
0
C-dək, küləyin sürəti 4-7 m/san və s..
Bütün tip hava proqnozları aşağıdakı mərhələləri keçməklə
tərtib edilməlidir:
a) havanın faktiki vəziyyətini qiymətləndirmək, yəni faktiki
məlumatları, öyrənmək və ondan səmərəli istifadə etmək;
b) hava və radiolokasiya kəşfiyyatının məlumatlarından istifadə
etmək;
c) aerosinoptik materialları dərindən və hərtərəfli analiz etmək;
d) hava kütlələrinin transformasiyasını nəzərə almaq;
e) atmosfer cəbhələrinin və barik sistemlərin yerdəyişməsi və
evolyusiyasını nəzərə almaq;
f) meteoroloji elementlərin həmin rayonlarda çoxillik gedişinin
xüsusiyyətlərini təhlil etmək.
Aviasiya üçün hava proqnozları iki yerə bölünür:
- fəzaya görə tərtib edilən hava proqnozları;
- zamana görə tərtib edilən hava proqnozları.
Fəzaya görə tərtib edilən hava proqnozları dörd yerə bölünür:
- aviasiyanın yerləşdiyi ərazi üzrə;
- aerodrom üzrə;
- uçuş rayonu üzrə;
- marşrut üzrə.
Zaman amilinə görə isə tərtib edilən proqnozlar üç yerə
bölünür:
- çox qısamüddətli ( 0 - 6 saat )
- qısamüddətli ( 6 – 18 saata )
- uzunmüddətli ( 18 - 30 saat ).
Qısamüddətli hava proqnozlarında aşağıdakı meteoroloji
elementlər və atmosfer hadisələri proqnozlaşdırılır: buludluq,
Dostları ilə paylaş: |