4
Tədqiqatın elmi yeniliyi. Aşıq Nəsibin yaradıcılığı folklorşünaslığımızda ilk
dəfə olaraq monoqrafik planda elmi tədqiqata cəlb edilir. Bununla bağlı Ağbaba-
Çıldır aşıq mühitinin tarixi inkişaf yoluna nəzər salınır, bu mühitə xas olan xüsu-
siyyətlər, orijinal saz havaları, bölgənin tarixi-coğrafi, mədəni və etnoqrafik özəl-
likləri barədə məlumat verilir. Aşığın dövrü, mühiti, həyatı və müasiri olan sənət-
karların yaradıcılığının ideya-estetik keyfıyyətləri, əxlaqi-etik xüsusiyyətləri müqa-
yisəli şəkildə araşdırılır, Aşıq Nəsibin bioqrafiyası ilk dəfə olaraq elmi şəkildə işlə-
nir, doğum və ölüm tarixləri dəqiqləşdirilir, məhəbbət və təbiət lirikası, vətənpər-
vərlik şeirləri, aşıq rəvayətləri və sənətkarlıq xüsusiyyətləri təhlil edilir. Bütün bun-
lar aşığın ədəbi şəxsiyyətinin və sənətinin təsdiqi sahəsində yenilik sayıla bilər.
Tədqiqatın metodoloji əsasları. Azərbaycan folklorşünaslıq elminin yüksək
elmi-nəzəri müddəaları, qazandığı nailiyyətlər, klassik ədəbi-mədəni irsə tarixi-ob-
yektivlik baxımından qiymət verilməsi prinsipi tədqiqatın metodoloji əsaslarını təş-
kil edir. Aşıq Nəsib yaradıcılığını tədqiq edən alimlərin axtarışları, toplanmış mate-
riallar və məlumatlar istiqamətində aparılan araşdırmada tarixi və tarixi-tipoloji
tədqiqat metodundan, habelə müqayisə və təsvir metodundan istifadə edilmişdir.
Tədqiqatın_nəzəri_və_praktik_əhəmiyyəti.'>Tədqiqatın nəzəri və praktik əhəmiyyəti. Dissertasiya Azərbaycanın bugün-
kü siyasi sərhədlərindən kənarda yaranmış mədəni irsimzin tədqiqi baxımından xü-
susi əhəmiyyət daşıyır. Azərbaycan və Anadolu aşıq sənətini bir-birinə bağlayan
Ağbaba-Çıldır aşıq mühitinin tanınmış nümayəndəsi Aşıq Nəsibin sənətinin öyrə-
nilməsi sahəsində ilk addım olan bu araşdırma folklorşünaslar, filoloq-tələbələr,
müəllimlər, eləcə də aşıq sənətini sevənlər üçün müəyyən maraq kəsb edə bilər. Bu
araşdırmadan doğan nəticələr həmin mühitin digər saz-söz ustalarının yaradıcılığı-
nın tədqiqi üçün bir mənbə və nümunə rolunu oynaya bilər.
Tədqiqatın məqsəd və vəzifələri. Tədqiqatın əsas məqsədi Aşıq Nəsibin döv-
rü, həyatı və yaradıcılığını araşdırmaq, Ağbaba-Çıldır aşıq mühitinin özəlliklərini,
bu mühitin inkişafında və zənginləşməsində, orijinal saz havalarının yeni nəsillərə
çatdırılmasında onun xidmətlərini göstərmək, ustadları və şagirdləri haqqında mə-
lumat vermək, Azərbaycan aşıq sənətində tutduğu mövqeyi təsbit etməkdir.
Tədqiqatın tətbiqi. Bu tədqiqatdan ali məktəblərin fılologiya fakültələrində
aşıq sənətinə dair xüsusi kursların tədrisi zamanı elmi vəsait kimi istifadə oluna bi-
lər, folklor ixtisası üzrə keçilən dərslərdə və aparılan elmi-tədqiqat işlərində, Aşıq
Nəsibin zəngin yaradıcılığının tədrisi, təbliği və öyrənilməsində istifadə edilə bilər.
Tədqiqatın quruluşu. Dissertasiya giriş, üç fəsil, nəticə və ədəbiyyat siyahı-
sından ibarətdir.
İşin aprobasiyası. Tədqiqat AMEAFolklor İnstitutunda yerinə yetirilmişdir.
Tədqiqatın nəticələri öz əksini müəllifin konfrans və seminarlardakı məruzələrində,
müxtəlif elmi məcmuələrdə çap etdirdiyi məqalələrində tapmışdır.
TƏDQİQATIN ƏSAS MƏZMUNU
Dissertasiyanın giriş hissəsində mövzunun aktuallığı, nəzəri və praktiki əhəmiy-
yəti, məqsəd və vəzifələri, tətbiqi, quruluşu və aprobasiyası barədə məlumat verilir.
Tədqiqatın I fəsli “Aşıq Nəsibin dövrü və mühiti” adlanır. Məlum olduğu ki-
mi, Osmanlı imperiyası 1828-29-cu və 1877-78-ci illərdə baş verən rus-türk mühari-
5
bələrində məğlub olaraq ilk savaşda Poti, Anapa, Axıska və Axılkələyi, ikinci savaş-
da isə Ardahan, Qars, Batum və Bəyazid vilayətlərini itirdi.
1
Buradakı türklərin ço-
xu Türkiyəyə köçdü, onların yerinə Qars və Bəyaziddən gətirilən ermənilər yerləşdi-
rildi. Təkcə Axıskada yüz otuz mindən çox erməni Axıskada məskunlaşdı
2
. Ruslar
1878-ci ildən sonra Qarsa və ətraf yerlərə xoxol, duxobor, molokan, alman, eston,
yunan, erməni, yezidi kürd, aysor kimi qeyri-müsəlman ünsürləri yerləşdirdilər
3
.
1914-cü ildə I dünya müharibəsi, həmin ilin noyabrında Rusiya ilə Türkiyə ara-
sında ilk toqquşmalar başlandı. 1915-ci ilin yanvarında Ardahanı tutan ruslar üç ay
ərzində 40 mindən çox adamı qətlə yetirdilər, sağ qalanları isə aclığa məhkum etdi-
lər. Bakıdakı İslam Cəmiyyəti-Xeyriyyəsi apreldə əraziyə gəldi. 1917-ci ilə qədər
fəaliyyət göstərən şöbə 22 min türkü ölümün pəncəsindən xilas etdi
4
.
7 noyabr 1917-ci ildə Rusiyada hakimiyyət bolşeviklərin əlinə keçdi. 1918-ci
ilin martında bolşeviklərn imzaladığı Brest-Litovsk müqaviləsinə görə Qars, Arda-
han və Batum bölgələri yenidən Osmanlı dövlətinə verilməli idi. Bu müqaviləni ta-
nımayan daşnaklar Qars-Axıska-Şörəyeldə, Ərzincan və Ərzurumda qırğına girişdi-
lər, 1918-ci ilin mart-aprel aylarında Qarsı, Sarıqamış və Qağızman qəzalarını qı-
lıncdan keçirdilər, Şörəyel və Arpaçayda dəmiryolu və şose kənarındakı kəndlərdə
20 mindən artıq türkü beşikdəki uşağa qədər məhv etdilər
5
. Türk ordusu 1918-ci ilin
mart-aprel aylarında Ərzurum, Sarıqamış və Qarsı ermənilərdən geri aldı.
Brest-Litovsk müqaviləsinə görə xalqların öz müqəddəratını təyin etməsi məq-
sədilə 1918-ci ilin 14 iyulunda Qars, Ardahan və Batumda referendum keçirildi. Re-
ferendumda iştirak edən 87.048 nəfərdən 85.129-u Türkiyəyə birləşmənin lehinə,
1.693 nəfəri isə əleyhinə səs verdi. Bu üç vilayət və onların tərkibində Ağbaba, Çıl-
dır, Axıska, Axılkələk və Naxçıvan Osmanlı dövlətinə birləşməli idi
6
.
Sovet hökuməti və ermənilər bu referendumu kəskin tənqid etdilər. Erməni vəh-
şəti görünməmiş dərəcədə şiddətləndi, Bakını, Qarabağı, Şamaxını, Qubanı və digər
əraziləri bürüdü. Qafqaz İslam Ordusu bu soyqırımın qarşısını almaq üçün sürətlə
irəliləyərək 15 sentyabr 1918-ci ildə Bakıya daxil oldu və müsəlman əhalini kütləvi
qırğından qurtardı. Lakin qərb cəbhəsindəki uğursuzluqlar və müttəfiqlərin məğlu-
biyyəti Türkiyəni 10 oktyabr 1918-ci ildə Mondros müqaviləsini imzalamağa məc-
bur etdi. Müqavilənin şərtlərinə görə türk ordusu Qafqazdan çıxaraq 1914-cü il sər-
hədlərinə çəkilməli, Qars, Ardahan, Batum, Axıska, Axılkələk, Ağbaba, Şörəyel və
Naxçıvanı boşaltmalı idi. Müdafiəsiz qalan, daha əvvəl rus, gürcü və erməni soyqı-
rımını yaşamış yerli əhali özünü qorumaq üçün 29 oktyabr 1918-ci ildə Axıska Hö-
kuməti-müvəqqətəsi, noyabrın 3-də Aras Türk hökuməti, noyabrın 5-də isə Qars İs-
lam Şurası adlanan müvəqqəti hökumətin yarandığını elan etdi
7
.
Noyabrın 30-da Qars İslam Şurasının çağırışı ilə Ordubad, Naxçıvan, Qəmərli,
1
Fahreddin Çelik. Kars İli Tarihi. Кars, 1943, s. 20.
2
Asıf Hacılı. Qəribəm bu vətəndə. Bakı, Gənclik, 1992, s. 15.
3
Fahreddin Kırzıoğlu. Kars Tarihi, c. I, s. 553.
4
V.Arzumanlı, N.Mustafa. Tarixin qara səhifələri. Bakı, Qartal, 1998, s. 65-68.
5
Ahmet Ender Gökdemir. Cenub-i Garbi Kafkas Hükümeti. Ankara, 1998, s. 28.
6
Nihat Erim. Devletlerarası Hukuk ve Siyasi Tarih Metinleri, c. I, Ankara, 1953, s. 17.
7
Akdes N.Kurat. Üç Sancak: Kars, Batum, Ardahan // Türk Yurdu, c. VII, sayı 3, Ankara, 1970, s. 35.