10
«Daşdanoğlu», «Sümmanı», «Aşıroğlu», «Bayramı» və başqa havalar Aşıq
Nəsib tərəfindən qorunmuş və şəyirdləri vasitəsilə günümüzə qədər gəlib çatmışdır.
On iki simli sazda çalınan Çıldır saz havaları ənənəvi olaraq üç kök üstündə (şah
pərdə, baş pərdə, orta pərdə) ifa edilmişdir.
Prof. H.İsmayılov bu mühitin saz havalarının Göyçə, Borçalı və Urmiya havala-
rına yaxın olduğunu göstərir, «Çıldırı», «Çıldır zinharısı» kimi saz havalarının, sufi
havalarından «Ağam, hey», «Göy atlı», «Sirri-sübhan», «Rəhmanı», nanaylardan
«Aşıq Tüccarın nanayı»nın adını çəkir
1
.
Beləliklə, 40-dək orijinal saz havasına sahib olan, «Borçalı və Qars mühitləri
arasında yerləşən Çıldır aşıq mühiti özündə həm Azərbaycan, həm də Anadolu aşıq-
lığının özəlliklərini cəmləşdirir. Ümumi nisbətdə Azərbaycan aşıq sənətinə məxsus
xüsusiyyətlər – ifa tərzi və repertuar şəbəkəsi daha qabarıqdır. Təksazlı ifaçılığa
əsaslanan bu mühit aşıqlaşmış ozanlar qrupuna daxildir. Bardaş qurub oturaraq ça-
lıb-oxumaq ənənəsi də Çıldır aşıqlarının ifaçılığında müəyyən yer tutmuşdur»
2
.
Ağbaba-Çıldır aşıq mühiti bugün öz bütövlüyünü itirmişdir. Bu mühitin Gür-
cüstana qatılan və hazırda «Mesxet-Cavaxetiya» adlanan bölümü təxminən 70 il
bundan əvvəl türklərin Orta Asiyaya və Qazaxıstana sürgün edilməsi və amansız
repressiyalar nəticəsində tam tənəzzülə uğramışdır. Həmin mühitin Ermənistana
qatılan Ağbaba kəsimi 20 il əvvəl baş verən deportasiya nəticəsində zor gücünə da-
ğıdılmış, ağbabalı aşıqlar Azərbaycanın müxtəlif guşələrinə və Qazaxıstana səpə-
lənmişlər. Mahalın Türkiyə ərazisində qalan və indi də «Çıldır» adını daşıyan his-
səsi isə Anadolu aşıq sənətinə uyğunlaşmışdır
3
. Ona görə də bugün Ağbaba-Çıldır
aşıq mühitindən deyil, yalnız Çıldır aşıq mühitindən danışmaq mümkündür.
I fəslin üçüncü bölməsi “Aşıq Nəsibin həyatı” adlanır.
Aşıq Nəsib həyatı və yaradıcılığı haqqında ilk elmi məlumat 1988-ci ildə folk-
lorşünas-alim Q.Vəliyevin Aşıq Şenlikdən bəhs edən məqaləsində
4
verilmişdir. Mü-
əllif burada Aşıq Şenliyin müasirləri sırasında Aşıq Nəsibdən də qısa şəkildə söz
açmış, onun əsərlərindən bəzi nümunələri çap etdirmişdir. Q.Vəliyev öz namizədlik
dissertasiyasında da
5
Aşıq Nəsibə xüsusi yer ayırmışdır.
Folklorşünas S.Ağbabalı tərtib etdiyi «Ağbaba folkloru» kitabında Aşıq Nəsibin
həyatı haqqında müxtəsər məlumatla yanaşı onun bir qoşmasını və iki gəraylısını
vermişdir. Lakin tərtibçi burada iki yanlışlığa yol vermişdir. Birincisi, o, Aşıq Nəsi-
bin 1874-cü ildə anadan olduğunu yazmışdır. Bu səhv aşığın çapdan çıxmış yeganə
kitabında da təkrar olunmuşdur. İkincisi, tərtibçi Aşıq Nəsibin gözlərinin uşaqlıqda
deyil, ömrünün sonuna yaxın tutulduğunu yazmışdır
6
. Bu fakt da doğru deyil.
AMEA Folklor İnstitutunun əməkdaşı T.Səmimi 2000-ci ildə çap etdirdiyi ki-
tabında Aşıq Nəsibin həyat və yaradıcılığına geniş yer ayırmış, qoşma, gəraylı və
1
Aşıq Nəsib. Bakı, Səda, 2004, s. 3.
2
Məhərrəm Qasımlı. Ozan-aşıq sənəti. Bakı, Uğur, 2003, s. 204.
3
E.Aslan. Çıldırlı Aşıq Şenlik: Hayatı, Şiirleri ve Hikayeleri. Ankara, 1975, s. 21
4
Q.Vəliyev. Aşıq Nəsib // Azərbaycan jurnalı, 1988, № 6, s. 139-140.
5
Q.Vəliyev. Aşıq Şenliyin həyatı, mühiti və poetik yaradıcılığı. NDA, Bakı, 1991, s.169
6
Azərbaycan folkloru antologiyası Ağbaba folkloru (toplayıb tərtib edəni S.Ağbabalı). Bakı, Azərnəşr,
1997, s. 60.
11
divanilərindən nümunələrlə yanaşı onun sənətkar və insan kimi xarakterini açan ma-
raqlı əhvalatlardan, aşıq rəvayətlərindən bir neçəsini vermişdir
1
.
Filoloq A.Bayramov tərtib etdiyi kitabında Aşıq Nəsibin həyatı və sənət yolu
haqqında daha müfəssəl söz açmışdır
2
. Burada sənətkarın dörd şeiri verilmişdır.
2004-cü ildə AMEA Folklor İnstitutu Elmi Şurasının qərarı ilə aşığın həmin
dövrdə əldə olan əsərləri «Aşıq Nəsib» adı altında çapdan buraxılmışdır
3
. Kitaba
onun bayatıları, gəraylıları, qoşmaları, təcnisləri, divaniləri, müxəmməsləri və aşıq
rəvayətləri daxil edilmişdir. H.İsmayılov kitaba «Kor taleyə, qara bəxtə nə deyim?»
adlı iri bir müqəddimə yazmış, aşığın yaradıcılığını geniş şəkildə təhlil etmişdir.
Folklorşünas A.Ağbaba «Aşıq Nəsibin sənət dünyası» adlı araşdırmasında bu
görkəmli saz-söz ustasının həyatı və yaradıcılığı barədə ətraflı məlumat vermiş,
onun sənətkarlıq xüsusiyyətlərini ciddi tədqiq etmişdir.
Aşıq Nəsib barədə yazanların əksəriyyəti onun 1874-cü ildə Qərbi Azərbayca-
nın Ağbaba mahalının (Amasiya rayonunun) Güllübulaq kəndində doğulduğunu
qeyd etmişlər. Bu, aşığın 70 il ömür sürdüyü barədə yayılmış fikrin nəticəsi olaraq
ortaya çıxmışdır. A.Ağbabanın yazdığına görə, aşığın əsl təvəllüd tarixi 1870-ci ildir.
Müəllif göstərir ki, Aşıq Nəsib 1944-cü ildə öz doğma kəndi Güllübulaqda vəfat
etmiş, «təzə qəbristanlıq» adlanan yerdə dəfn olunmuş və başdaşında «1870-1944»
rəqəmləri həkk edilmişdir
4
.
Aşıq Nəsib Bayram adlı orta hallı bir kəndlinin ailəsində dünyaya gəlmiş, özün-
dən başqa Yusif və Rza adlı iki qardaşı olmuşdur. Nəsib hələ kiçik ikən atası vəfat
etmiş, özü və qardaşları əmisi Əmirin yanında böyümüşlər. Aşıq Nəsib haqqında ən
dəqiq və yeganə yazılı məlumat onun şəyirdı Aşıq İsgəndər Ağbabalının xatirələri-
dir: «Aşıx Nəsivin hər iki gözü koruydu. Ustadın öz dediyinə görə, uşax vaxtlarında
qızılca gözlərini kor eliyifdi».
5
Dünya işığına həsrət qalması ömrü boyu ona əzab
vermiş, xalq arasında və sənət aləmində «Kor Nəsib» adı ilə çağrılmışdır.
Aşıq Nəsibin gözlərinin ömrünün sonunda, yaxud lap uşaqlıqda tutulduğu barə-
də iki fikir var. Əgər birinci variant doğru olsaydı, ona «Kor Nəsib» ləqəbi veril-
məzdi. Aşığın gözləri lap uşaqlıqda tutulsaydı, onun dünyagörüşü və sənəti çox bə-
sit və məhdud olardı. Halbuki Aşıq Nəsibin bəzi təsvirləri o qədər müfəssəl və də-
qiqdir ki, gözləri görməyən adam bunları deyə bilməzdi. Deməli, onun gözləri yeni-
yetməlik dövründə, dünya haqqında tam təsəvvür əldə etdikdən və bir şəxsiyyət ki-
mi formalaşdıqdan sonra tutulmuşdur. Şikəstliyi üzündən hərəkət qabiliyyəti azalan
gənc Nəsib meylini saza salmış və yaxşı çalıb-oxumağı öyrənmişdir.
Bütün haqq aşıqlarının həyatında görülən röya motivi Aşıq Nəsibdən də yan
keçməmişdir. O da Aşıq Şenlik kimi röyada bir dərvişdən buta almışdır. Yaşlıların
dediyinə görə, Nəsib 15-16 yaşlarında ikən qonşu qızı Bahara vurulur. Nəsib tez-tez
1
Tacir Səmimi. Duman dağı bürüdü. Bakı, 2000.
2
Oğuz elindən – ozan dilindən. Tərtib edən: A.Bayramov. Bakı, Elm, 2000, s. 84-86.
3
Aşıq Nəsib. Toplayıb tərtib edənlər: H.İsmayılov, T.Səmimi. Bakı, Səda, 2004, 200 s. (Məntdəki şeir-
lər səhifələri göstərilməklə bu mənbə üzrə verilir).
4
A.Ağbaba. Aşıq Nəsibin sənət dünyası. Bakı, Elm, 2008, s. 6.
5
Aşıq İsgəndər Ağbabalı. Ayırdılar Ağbabadan. Bakı, Ozan, 1998, s. 178.