14
Orucoğlu, Aşıx Faxfur. Aşıq Paşa Çivinnidəndi, çox iti zəkalı, yaddaşdı aşıxdı...
Aşıx Murtuza (-öz doğma oğlu – N.Ə.) uzaxda olur, yanı Qazaxıstandadı... Aşıx Qə-
zənfər Çorru Məhəmmədin nəticəsidi. Səsinə, saz çalmağına söz yoxdu, hərdənbir
sinədən deməyi də var. Sultan Orucoğlu Mağaracıx kəndinnəndi. Sultan nanayların
əsl ustasıdı. Qaldı Aşıq Faxfur, bu uşax da öz oğlumdu, əmbə çox həvəsdidi. Deyi-
rəm, bir gün başımı yerə qoysam, bəlkə mənim yerimi bu tuta...»
1
.
Aşıq İsgəndərin Bakıda yaşayan oğlu Aşıq Fəğfur atasının və Aşıq Nəsibin sə-
nət yolunu uğurla davam etdirir. O, Azərbaycanda, Gürcüstanda və Qazaxıstanda
keçirdiyi məclislərdə bu iki ustad aşığın sözlərini oxuyur, onlarla bağlı aşıq rəvayət-
ləri söyləyir, adlarını unudulmağa qoymur. Fəğfurun qardaşı, istedadlı sənətkar Aşıq
Murtuza da eyni missiyanı Qazaxıstanda həyata keçirir.
Ağbaba-Çıldır aşıq mühitinin Çıldır qolu isə iki ustad aşığın məktəbi kimi da-
vam edir. Bunlardan biri Aşıq Şenliyin oğlu Aşıq Qasımın, digəri Aşıq Gülüstanın
adı ilə bağlı məktəbdir. Aşıq Qasımın məktəbinə Aşıq Şenliyin nəvələri Nuri Şenlik,
Yılmaz Şenlik, Salih Şenlik, Aşıq Qasımın nəvəsi, Aşıq Şenliyin nəticəsi Fikrət
Şenlik və şəyirdləri Dursun Durdağı, Şövqi Xalıçı, Abbas Seyhan, İslam Ərdənər və
Məhmət Hicrani daxildir. Onların arasında müasir Türkiyənin ən məşhur sənətkarla-
rından olan Şərəf Taşlıova ustad aşıq səviyyəsinə yüksəlmiş və öz sənətini Sədrəd-
din Ulu, Nuri Şahinoğlu, Hikmət Arifi Ataman və Aşıq Şah İsmayıla öyrətmişdir.
Aşıq Gülüstan öz oğlu Murad Çobanoğluna, şəyirdləri Nüsrət Yurtmalı, Haqqı Bay-
dar və Murad Yıldıza aşıqlıq vəsiqəsi vermişdir. Murad Çobanoğlu və Murad Yıldız
ustad aşıq kimi hərəsi üç şəyird tərbiyə etmişdir. Murad Çobanoğlu istedadlı gənc-
lərdən Mürsəl Sinana, Arif Çiftçiyə və Mətin Bəktaşa, Murad Yıldız isə öz oğlu
Günay Yıldıza, İlqar Çiftçioğluna və Mahmud Qaradaşa ustadlıq etmişlər
2
.
Tədqiqatın II fəsli
“Aşıq Nəsibin yaradıcılığı” adlanır.
Aşıq Nəsibin yaradıcılığını üç mərhələyə bölmək mümkündür. Birinci mərhələ
onun əlinə saz götürüb, söz qoşduğu ilk gündən başlayaraq Aşıq Şenliyin yanında
şəyird olduğu dövrü əhatə edir. Bu mərhələdə gənc aşıq sənətdə ilk kövrək ad-
dımlarını atmış, əvvəlcə Baharın eşqi ilə, sonra isə onun həsrəti ilə çalıb-oxumuşdur.
Yaradıcılığının ikinci mərhələsi XIX əsrin 90-cı illərindən 1920-ci ilədək olan
dövrü əhatə edir. Bu dövrdə o, məclislər aparmış, məşhur aşıqlarla deyişmiş, sənət
aləmində özünü təsdiq və qəbul etdirmişdir. I dünya müharibəsi, bölgənin əldən-ələ
keçməsi, qırğınlar, qaçqınlıq, ağır güzəran və s. onun yaradıcılığına damğasını vur-
muşdur. Ona görə də yaradıcılığının ilk mərhələsində nakam
məhəbbətinə ithaf etdi-
yi lirik şeirləri, ikinci mərhələdə milli-sosial məzmunlu əsərləri üstünlük təşkil edir.
Yaradıcılığının son mərhələsi olan sovet dövründə (1920-44) onu ustad sənət-
kar və el ağsaqqalı kimi görürük. Bu dövr Ağbabanın iki yerə parçalanması, şura
hökumətinin qurulması, Amasiyanın bəzi kəndlərinə ermənilərin doluşması, daşnak-
1
Aşıq İsgəndər Ağbabalı. Ayırdılar Ağbabadan. Bakı, Ozan, 1998, s. 180.
2
M.Qasımlı.Ozan-aşıq sənəti. Bakı, Uğur, 2003, s. 204-208; Doğan Kaya. Edebiyatımızda Aşık Kolları
ve Şenlik Kolu. Aşık Şenlik Sempozyumu Bildirileri. 22-23 Mayıs 1997, Ankara, 2000, s. 143-154; Fer-
hat Aslan. Kars Yöresi Aşıklık Gleneklerinin Usta-Çırak Geleneği Bakımından Değerlendirilmesi //
Türk Dili ve Edebiyatı Dergisi, İstanbul, 2007, sayı XXXVI, s. 41-78.
15
ların bu dəfə bolşevik qiyafəsi altında yerli əhaliyə divan tutması, islam dininə qarşı
total yürüş, süni şəkildə qızışdırılan sinfi mübarizə, mənhus kolxoz quruculuğu, zi-
yalıların və varlıların xalq düşməni və qolçomaq adı altında planlı şəkildə məhv
edilməsi, dəmir pərdə rejiminə keçən Sovet İttifaqının sovet-türk sərhədini tikanlı
məftillərlə birdəfəlik bağlaması, Türkiyəyə gediş-gəlişin tamamilə kəsilməsi, nə-
hayət, II dünya müharibəsinin gətirdiyi maddi-mənəvi sıxıntılarla keçmişdir.
Aşıq Nəsib əsl sənətkar kimi bütün bunlara qarşı üsyan etmiş, öz şeirlərində şu-
ra hökumətinin türkə zidd mahiyyətini açıb göstərmişdir. Ona görə də rejim əleyh-
darı kimi ev həbsinə alınmış, hətta bir müddət bayıra çıxmasına, çalıb-oxumasına
belə icazə verilməmişdir. Bu mərhələni Aşıq Nəsib yaradıcılığının ən müdrik, eyni
zamanda ən ağır çağı hesab etmək olar.
Aşıq Nəsibin işlədiyi mövzular əlvan və rəngarəngdir. Bunları aşağıdakı üç əsas
qrupda birləşdirmək olar: milli-sosial məzmunlu vətənpərvərlik şeirləri, məhəbbət
lirikası və təbiət lirikası. Bunlardan başqa, onun həyatın müxtəlif sahələrinə – insani
münasibətlərə, mərdliyə, qonaqpərvərliyə, səxavətə, xəsisliyə və s. mövzulara həsr
olunmuş şeirləri və aşıq rəvayətləri də var.
II fəslin birinci bölməsi “Vətənpərvərlik şeirləri” adlanır.
Nəsibin yaşadığı dövrün ictimai-siyasi faciələri, I dünya müharibəsi, 1918-20-ci
illərin qanlı olayları, el-obanın başına gələn müsibətlər, daha sonra «davarişlərin»,
«patraxların» hakimiyyəti, yeni köçlər, sürgün və repressiyalar, milli zülm, ağır gü-
zəran və s. onun yaradıcılığında mühüm yer tutur. Aşığın vətənpərvərlik şeirlərini
üç əsas mövzu üzrə qruplaşdırmaq mümkündür: 1. Türkçülüklə bağlı şeirləri. 2. Er-
mənilərin iç üzünü açan şeirləri. 3. Sovet hökumətinin siyasətini ifşa edən şeirləri.
Aşıq Nəsib bütün varlığı ilə türkçü, yüksək milli şüura sahib milliyyətçi idi. Ya-
şadığı coğrafiyada baş verən, qanlı olaylarla, dinc müsəlman əhalinin kütləvi şəkildə
qırılması ilə müşayiət olunan savaşların, siyasi oyunların pərdə arxasını və məqsədi-
ni gözəl başa düşürdü. O bilirdi ki, bu mübarizə sırf dini-milli səciyyə daşıyır, impe-
rializm Türkiyəni parçalamaq, türklüyü məhv etmək, bu coğrafiyanın siyasi mənsu-
biyyətini və etnik tərkibini dəyişdirmək, yerli əhalini qırmaq, etnik təmizləmə yolu
ilə burada oyuncaq erməni dövləti qurmaq istəyir. I dünya müharibəsi zamanı rus-
ların Anadoluda və Qafqazda törətdiyi vəhşiliklər, ermənilərin məkrli və xain plan-
ları ona yaxşı məlum idi. Bütün bunları dərindən dərk edən, lakin çıxış yolu tapa
bilməyən Aşıq Nəsib çarəsiz qalaraq üzünü tanrıya tutub ondan nicat diləyirdi:
Xərin artdı samanı,
Gəldi gəda zamanı,
Tanrım, bir sənə gəlir
Müsəlmanın gümanı (s.14).
Aşıq Nəsib bölgə əhalisini qırğından qorumaq məqsədilə çağrılan konqreslərin
qərarlarını izləmiş, Qars Milli Şurasının, Cənub-Qərbi Qafqaz Respublikasının ad-
dımlarını ürəkdən alqışlamış və dəstəkləmişdir. Məlum olduğu kimi, bir çox ağba-
balı siyasi xadim, o cümlədən Köhnə İbişli Hacıabbas oğlu Kərbəlayi Məhəmməd
ağa Ağbabanın təmsilçisi kimi bu siyasi qurumların işində fəal iştirak etmişdir. Aşıq
bu müqəddəs mübarizənin dastanını yazmış, Məhəmməd ağanın təşkilatçılığını, mil-