Namangan davlat universiteti

DAVLAT APPARATI 
— davlat mexanizmining bir qismi bo‗lib, davlat 
organlarining yig‗indisi. 1) davlat hokimiyati institutining tarkibiy qismi bo‗lib, uning 
qarorlarini tayyorlash va amalga oshirish bilan shug‗ullanadi. 2) davlat boshqaruvining 
barcha bosqichlaridagi xizmat sohasini amalga oshiruvchi muassasa, tashkilot va ularning 
xizmatchilari majmui. D.a. davlat hokimiyatini amalga oshirish uchun hokimiyat 
vakolatiga ega
.
DAVLAT BAYROG„I
— davlatning asosiy ramzlaridan biri: rasmiy, boshqa 
davlatlardan farqlovchi belgisi, emblemasi. D.b.ning tasviri maxsus qonun yoki 

---

49 
konstitutsiya bilan belgilanadi. Davlat suverenitetining ramzi hisoblanadi. U gerb yoki 
boshqa emblema tasvirlangan bir yoki ko‗p rangli alvondan iborat bo‗ladi. O‗zbekiston 
Respublikasi D.b. to‘g‘risidagi qonun 1991-yil 18-noyabrda tasdiqlangan. Bayroqning 
butun uzunligi bo‗ylab to‗q moviy rang, oq rang va to‗q yashil rangli uchta endan tashkil 
topgan to‗g‗ri to‗rtburchak shaklidagi matodir. Bayroqning yuqori qismida yarim oy 
mustaqilligimiz ramzini, 12 yulduz esa mukammallik ramzini anglatadi. Bayroqning uz. 
250 sm, kengligi 125 sm ga teng. O‗zbekistan Respublikasining D.b. xalqaro maydonda; 
O‗zbekiston Respublikasi rasmiy delegatsiyalarining xorijiy mamlakatlarga safarlari 
chog‗ida, xalqaro tashkilotlarda, anjumanlarda, jahon ko‗rgazmalarida, sport 
musobaqalarida O‗zbekiston Respublikasining timsoli bo‗ladi. O‗zbekiston Respublikasi 
D.b. va uni ko‗tarish bilan bog‗liq tartib-qoidalar yuqoridagi qonunda belgilangan. 
O‗zbekiston Respublikasi D.b. doimiy suratda, jum., mamlakat Prezidenti, Oliy Majlis, 
O‗zbekiston hukumati, xalq deputatlari mahalliy kengashlari, hokimliklar ish olib 
borayotgan binolarda, O‗zbekistonning rasmiy delegatsiyalari qatnashayotgan xalqaro 
tadbirlarda, bayram kunlari - vazirliklar, davlat qumitalari va muassasalari, korxonalar va 
tashkilotlar binolari, shun., uy-joy binolarida ko‗tariladi. 
DAVLAT BOJI 
— davlatning maxsus vakolatli idoralari (sud, militsiya, fuqarolik 
holatini qayd etish byurosi, xo‗jalik sudlari, notarial idoralar, sug‗urta agentliklari va b.) 
tomonidan fuqarolar, korxonalar, tashkilot va muassasalar manfaatlari yo‗lida xizmat 
ko‗rsatganlik hamda yuridik ahamiyatga molik hujjatlar (pasport, turli guvohnomalar, 
sertifikat, litsenziya va b.) berganlik uchun undiradigan pul yig‗imlari.