Neft-qaz quyularinin tamamlanmasi əlavə material qazima vaxti dağ SÜxurlarinin dağidilmasi

Kəmərin quyu dibinə “uçaraq” düşməsi qaynaqla quyuya buraxılan kəmərlərdə tez-tez baş verir. Bu növ qəza yivləri düzgün bağlanmamış boruları quyuya buraxdıqayiv birləşməsinin quyu lüləsində aralanmasından və yaxud yiv birləşmələri əyri bağlanmış borunu rotordakı paz tutucusundan azad edən anda baş verir. Bu növ qəzalar Səngəçal, Qaradağ, Puta sahələrində 168, 273, 299, 324 mm diametrli kəmərlərin quyuya endirilməsində baş vermişdir. Quyuya kəmər “uçaraq” düşdükdə ucuna üç kürəli balta bağlanmış qazıma kəməri quyuya endirilərək quyuya “uçmuş” kəmərin yuxarı ucunun dərinliyi müəyyən edilir. Sonra kəmərin daxilinə öz ölçüsünə uyğun üç kürəli balta buraxılaraq onun quyu dibinə olan zərbədən əzilməsi müəyyən olunur. Kəmərin içəri dimaetri öz tamlığını saxlayıbsa (əksər hallarda kəmər əzilmir), qoruyucu borunun ikinci hissəsi quyuya endirilən birinci hissə ilə bağlandıqdan və aparılan sementlənmədən sonra quyuda qazıma işləri aparılır.