Qoruyucu kəmərin quyu lüləsində tutulması geoloji kəsilişdə dəyanətliyi az olan süxurlarda (gillərdə, gilli qumlarda, çatlı və tektonik pozuntuya məruz qalmış süxurlarda və s.) lülədə baş verən daralma, tökülmə, uçma və horizontlardakı izafi təzyiqlər səbəbindən yaranır.
Təcrübədə tez-tez müşahidə olunan kəmərin tutulmaları quyu lüləsində yaranan nov sistemində kəmərin pərçimlənməsindən, kəmərin sərtliyinin quyu lüləsindən keçmə müqavimətindən çox olması səbəbindən pərçimlənməsindən, məsaməli horizontlarda olan izafi təzyiqdən, açıq lülədə kəmər arxasında yuma aparan zaman qazıma məhlulunun sürətinin çox olması səbəbindən kəmər arxasında kipkəcin yaranmasından, quyuda udulma gedərkən quyu lüləsində baş verən uçmadan, kəmər quyudan qaldırılan zaman baş verən su-qaz-neft fontanından və s. baş verir. Göstərilən qəzalar qazıma aparılmış sahələrin əksəriyyətində baş vermişdir.
Dostları ilə paylaş: |