Neft və qaz ehtiyatlarının hesablanma üsulları

Yataqların öyrənilmə dərəcəsinə görə karbohidrogen ehtiyatları C₂-dən A kateqoriyasına qədər geniş diapazonda paylanılır. Burada aşkar və kəşf edilmiş, və eləcə də işlənilən yataqların ehtiyatları əhatə olunur. Məlumdur ki, geoloji modellərin etibarlılığını şərtləndirən elmi tədqiqatların həcmi və dəqiqliyi, və tətbiq olunan ehtiyatların hesablama üsulları hər bir yataq üçün hesablama tarixinə qədər toplanmış faktiki məlumatların həcminə uyğun olmalıdır. Buna görə hər bir son model, daha da xırda elementar hesablama obyektlərini ayırd etməyə imkan verən tədqiqatların dəqiqləşdirilməsi hesabına yatağın quruluşunu dəqiqləşdirməlidir. Bununla belə yatağın öyrənilmə dərəcəsi artdıqca ehtiyatların differensiasiyası güclənir, və nəticədə əvvəl daha sadə modellər əsasında yatağın hesablanmış ehtiyatları dəqiqləşdirilir.