lakin ərinti su ilə doymamış olur. Floqopit
üçün isə belə şərait
150-200 km-də mümkündür.
İlkin maqmanın tərkibi, həmçinin ərintinin bərk kristallik
qalıqdan (restitdən) ayrılma üsulundan da asılıdır. Əgər maqma
əmələgəlmə prosesində maye faza bərk kristallarla həmişə
tarazlıqda olursa, onda qızma zamanı ərinti
tədricən bütövlüklə
çətin əriyən komponentlərə keçir və yüzfaizli ərimə dərəcəsində
isə mayenin tərkibi ilkin lersolitə uyğun gəlir. Əgər əmələ gələn
ərinti maqma əmələgəlmə zonasından dərhal uzaqlaşırsa, onda
ərintinin tərkibi qızma zamanı
sıçrayışla – prosesin əvvəlində
ən asan əriyən evtektika mayesindən mantiya maqmasının tam
əriməsi nəticəsində dunit restitinə cavab verən çətin əriyən
maqmaya qədər dəyişir. Üst mantiyadan gətirilmiş ilkin
maqmaların bərkimiş məhsullarına ultramafik süxurlar –
komatiitlər, pikritlər, boninitlər, kimberlitlər,
lamproitlər misal
ola bilər.
Tədqiqatlar göstərmişdir ki, okeanların maqmatik
süxurlarının tərkibində lersolitlər (ilkin mantiya materialı),
harsburgitlər (ərimənin qalıq məhsulu) və bazaltlar (ərimənin
asan əriyən fraksiyası) iştirak edir. Lersolitlərin bazalt
maqmalarının əmələ gəlməsini, dunit və harsburgitlərin isə
qismən ərimənin qalıq məhsulu olduğunu təsdiqləmək üçün
nadir torpaq elementlərinin 10-dan 30%-ə kimi ərimə payında
ərintidə və qalıq məhsulda dəyişməsinin model hesabatları
aparılmışdır. Bu hesablamalar göstərmişdir ki, alptipli
lersolitlərdə
NTE paylanması xondritə yaxındır
və ya yüngül
elementlərlə kasıbdır. Lersolitlərin elementlərlə zənginləşməsi və
ya kasıblaması qismən ərimənin dərəcəsindən asılıdır. Harsbur-
git və dunitləri isə qalıq məhsul hesab etmək olar. Məsələn,
Marokkodan ərimə üçün götürülmüş az kasıblaşmış lersolitdən
xondritə nisbətən
NTE 10 dəfə zənginləşmiş bazaltı almaq üçün
peridotiti 17% əritmək kifayətdir. Daha çox ərimə payında isə
NTE başqa miqdarı olan maye alınacaqdır. Beləliklə, toleit okean
bazaltlarının əmələ gəlməsi üçün mantiya materialı 20%-dən az
əriməlidir.
Bazaltların əriməsi və kristallaşmasını müşahidə etmək
üçün keçən əsrin 60-cı illərində X.Yoder və K.Tillinin apardığı
fundamental eksperimental tədqiqatları göstərmək vacibdir. Bu
işlərin nəticələri bazalt maqmasının generasiyası və
diferensiasiyasını, onların əmələ gəlməsi üçün mümkün olan
mənbələri aydınlaşdırmağa imkan vermişdir.
Bu müəlliflərə görə, əksər bazaltların tərkibi diopsid-forsterit-
nefelin-kvars tetraedrinin daxilində yerləşir (şəkil 5.5). Bu
tetraedrin daxilində iki müstəvi (I və II) bazaltları normativ
tərkibinə görə 5 əsas qrupa bölür: 1) normativ kvars və hipersteni
olan toleitlər (silisiumla ifrat doymuş); 2)
normativ hiperstenli
toleitlər (silisiumla doymuş, hiperstenli bazaltlar); 3) normativ
hiperstenli və olivinli bazaltlar (silisiumla doymamış); 4) normativ
olivinli bazaltlar; 5) normativ olivinli və nefelinli qələvi bazaltlar.
Yüksək alüminiumlu bazaltlar tetraedrdə plagioklazın sahəsinə
bitişir.
Şəkil 5.5. Normativ diopsid-forsterit-nefelin-kvars bazalt tetraedri.
X.Yoder və K.Tilliyə görə, 1965.
Atmosfer təzyiqində aparılan təcrübələrdən X.Yoder və
K.Tilli aşağıdakı nəticələri almışlar:
1. Bazaltın əsas minerallarından (olivin, piroksen, plagioklaz)
hər biri birinci kristallaşa bilər və bu zaman mineralın növündən asılı
olmayaraq, onun ayrılması 1160-1240
0
C temperaturda baş verir;
110
111
2. Kiçik bir temperatur intervalında (150
0
C) bütün baş
süxur əmələ gətirən minerallar birgə kristallaşırlar;
3. Kristallaşma prosesinin temperatur intervalı (əvvəldən
sona kimi) çox da böyük deyildir və müxtəlif süxurlar üçün
135-195
0
C daxilində baş verir.
Aparılan bu eksperimental işlərdən alınan əsas
nəticələrdən
biri də ondan ibarətdir ki, nefelin- və kvars saxlayan bazaltlar
öz aralarında «termal maneə» ilə ayrılmışdır:
Fo-Ab, Fa-Ab,
Di-Ab. İstənilən mineral fazanı fraksionlaşdıran mayelər bu
maneələrdən keçə bilmir. Digər tərəfdən ilkin maqmanın
tərkibində olan az bir dəyişiklik diferensiasiyanın qələvi və ya
toleit qolunu verə bilər. Daha sonra bu eksperimentlər daha da
dərinləşdirilmişdir. Müxtəlif təzyiqlərdə, hidrotermal
sistemlərdə aparılan
təcrübələr, habelə eklogitlərin əriməsi bir
neçə yeni nəticənin alınmasına səbəb olmuşdur.
Eksperimentlərin nəticələri müxtəlif şəraitlərdə yüksək təzyiqdə
eynitərkibli maqmanın müxtəlif təkamül yolunu göstərmişdir.
Aşağı təzyiqdə
a tərkibli maye
Fo-Ab termal maneəsi olan
silisiuma doğru hərəkət edəcəkdir. Yüksək təzyiqdə isə yeni
termal maneə yarandığı üçün eynitərkibli maye nefelinə doğru
istiqamətini dəyişəcəkdir.
B tərkibli maye yuxarıda təsvir
olunan təkamülün əksinə istiqamətlənəcəkdir (şəkil 5.6).
Beləliklə, eynitərkibli maye yüksək təzyiqdə qələvi, aşağı
təzyiqdə isə turş təkamül yolu keçəcəkdir. Ona görə də bu
alimlər
belə hesab edirlər ki, toleit maqmasına nisbətən qələvi
maqmalar daha dərinlikdə formalaşır.
D.Qrin və A.Rinqvud (1968) qabbronun eklogitə
çevrilməsini eksperimental olaraq öyrənmişlər və 1000
0
C-dən
yuxarı temperaturda 30 kbar təzyiqə kimi müxtəliftərkibli
bazaltlardan əmələ gələn mineral assosiasiyalarını izləmişlər.
Eksperimentlərin nəticələri göstərmişdir ki, aşağı təzyiqdə (10
kbardan aşağı) və 1000
0
C-də bazalt tərkibi qabbro və qranulitə
uyğun olan mineral assosiasiyalarına malikdir. 21 kbar
təzyiqdən yuxarıda və 1000
0
C-də mineral assosiasiyalar
(pirop-almandin tərkibli qranat və piroksen) eklogitə uyğun
gəlir; aralıq təzyiqdə isə qranat, monoklinik piroksen,
plagioklaz, çox vaxt kvars assosiasiyası olur.
113
Şəkil 5.6. Normativ diopsid-forsterit-nefelin-kvars bazalt tetraedri.
X.Yoder və K.Tilliyə görə, 1965. Tam xətlərlə aşağı təzyiqdə,
ştrixlərlə yüksək təzyiqdə paragenezislər göstərilmişdir.
Bazalt maqmasının əmələ gəlməsini
və onun təkamülünü
X.Yoder və K.Tillidən sonra D.Qrin və A.Rinqvud
öyrənmişlər. Onlar müxtəlif bazaltların (olivinli toleitlərdən
qələvi olivinli bazaltlara kimi) 9 kbar-dan 27 kbara kimi
müxtəlif təzyiqlərdə ərimə diferensiasiyasına dair təcrübələr
aparmışlar. Onlar pikrit, olivinli bazalt, olivinli toleit və qələvi
olivinli bazaltın əriməsi və kristallaşmasına dair təcrübələr
aparmışlar. Alınan məlumatlar göstərir ki, likvidus
minerallarının tərkibi, mineralların ardıcıl kristallaşması və
həmçinin temperatur intervalı təzyiqdən asılıdır.
Müxtəlif tip bazaltların kristallaşmasını izləyərək, D.Qrin
və A.Rinqvud
belə nəticəyə gəlmişlər ki, olivinlə zəngin olan
toleit maqması müxtəlif təzyiqlərdə üç təkamül yolu keçmişdir.
1. Aşağı təzyiqdə diferensiasiya (5 kbara kimi). Olivinli
toleitin baş likvidus mineralı olivindir, daha aşağı temperaturda
isə piroksen və (və ya) plagioklaz meydana çıxır. Olivinin bö-
yük kristallaşma sahəsi və enstatitin inkonqruent əriməsi maq-
112