92
maçılar ÜTT-ni “oliqarxlar klubu” adlandırırlar. Təşkilatın
fəaliyyət prinsipi budur ki, ticari qurumların dünya miqyasın-
da fəaliyyətinə mane olan sədlər və əngəllər aradan qaldırıl-
sın. Təşkilata üzv dövlətlər gömrük rüsumlarını mümkün ol-
duğu qədər azaltmalı, xarici şirkətlərin öz xidmət və personalı
ilə fəaliyyət göstərməsinə əngəlləri aradan qaldırılmalı, döv-
lətin milli iqtisadiyyata yardımı ləğv edilməlidir. Bundan
başqa, ÜTT ölkələri iqtisadi cəhətdən yoxsul
ölkələri təşkilata
məmnuniyyətlə dəvət edirlər. Çünki bunun nəticəsində nə-
həng aktorlar yenicə üzvlüyə qəbul olunmuş kasıb dövlətlərin
bazarlarını inhisara alırlar. Məsələn, bildirirlər ki, Tanzaniya-
nın bütün şirkətləri Almaniyada yerli şirkətlər kimi fəaliyyət
göstərə bilər. Onsuz da bəllidir ki, Afrika şirkətləri “Siemens”
ilə rəqabət apara bilməyəcək. Lakin bunun nəticəsində
“Siemens” Afrika bazarına girir və oradakı iqtisadi qurumları
müvafiq sahədən çıxarır. Beləliklə, Dünya Bankı, Ümumdün-
ya Ticarət Təşkilatı, Beynəlxalq Valyuta Fondu kimi təşkilat-
lar iqtisadi qloballaşmanı sürətləndirəcək mexanizm rolunu
oynayırlar. Nəticə isə nəhəng dövlətlərin xeyrinə olur. Çünki
iqtisadi cəhətdən güclü aktorlar qlobal kapital dövriyyəsinə
nəzarət edir və başlıca yatırım ərazilərini öz əllərində cəmləş-
dirirlər. Deyilənlərdən aydın olur ki, qloballaşma dünya iqti-
sadiyyatı sistemində inteqrasiya meyillərini sürətləndirən və
postmodernist nizam formalaşdıran yeni və daha əhatəli pro-
sesdir. Ümumiyyətlə, iqtisadi qloballaşmaya aşağıdakı statik
və dinamik amillər, hallar aid edilir:
1. Kapitalın yerdəyişməsinin sıçrayışla artması;
2. Bütün ölkələrin Ümumdaxili məhsulunun (ÜDM)
artımı ilə müqayisədə beynəlxalq ticarətin qabaqlayıcı artımı;
93
3. Sürətli şəkildə standartlaşdırılmış və vahid formaya
salınmış məhsulların buraxılması üzrə güclərin paylanması
yolu ilə beynəlxalq istehsal şəbəkəsinin formalaşdırılması;
4. Bir çox əməliyyatların operativ əsasda yerinə yetiril-
diyi qlobal maliyyə bazarının yaradılması;
5. Maliyyə sahəsinin sənaye, kənd təsərrüfatı, infrast-
ruktur xidmət sahələrinin inkişaf imkanlarını qabaqlayan
müstəqil və daha
geniş sahəyə çevrilməsi;
6. Telekommunikasiya sahəsinin inkişafı hesabına
praktik olaraq maliyyə bazarlarında baş verən ən son yenilik-
lər barədə geniş informasiyaların yayılması;
7. Transmilli şirkətlərin birləşdirilməsi və ələ keçirilmə-
si hesabına qlobal iqtisadi sistemdə yeni və daha güclü sub-
yektlərin ortaya çıxması;
8. Yeni texnologiyaların tətbiqinin təsiri ilə əmək baza-
rının daha da genişlənməsi və onun strukturunun dəyişməsi:
Bu dəyişmə inkişaf etmiş dövlətlərdə kütləvi miqrasiyaya gə-
tirib çıxarır və İEÖ-lərin əhalisinin ənənəvi etnik
tərkibi nəzə-
rə çarpacaq
dərəcədə dəyişir;
9. Öz mənşəyi etibarilə gəlirlərin paylanması üzrə meta-
infrastrukturun meydana çıxması sənaye cəhətdən inkişaf et-
miş Şimal ölkələrinin lehinədir. Bu paylanmaya bariz misal
“qiymətlərin qayçılanması”dır: xammalın qiyməti ilə hazır
məhsul arasındakı fərq artımı. İqtisadi fəaliyyətdə qlobal
vergi olması etibarilə bu cür paylanmanın Şimal dövlətlərinin
xeyrinə olması geoiqtisadi
rentabelli ödənişlərə görədir;
10. Dünya iqtisadiyyatı çərçivəsində onun xüsusiləşmiş
seqmentlərinin konturları görünür: mədəni-tarixi kodlarla, tə-
sərrüfat fəaliyyəti tərzi, ümumi sosial-iqtisadi faktorlar birləş-
miş spesifik “böyük məkan”;