149
yən dərəcədə də istiqamətlər aydın və eyni olsa da, bu cür
vətənpərvərliyin milli məqsədlərə nə dərəcədə xidmət etməsi
məsələsi aydın və müəyyən deyildi. Əgər ümumbəşəri
kontekstdən yanaşsaq, deyə bilərik ki, II Dünya müharibəsi
çərçivəsində sərgilənən patriotizm nümunəsini insani vətən-
pərvərlik kimi səciyyələndirmək olar. Çünki real təhdid mən-
bəyi kimi dəyərləndirilən, digər xalqları aşağılayan və
konkret millətin hegemoniyasını əsaslandırmağa çalışan
faşizm ideya-siyasi istiqaməti mövcud idi, ona görə də, buna
qarşı mübarizə çərçivəsində sərgilənən patriotizm ümumbəşə-
ri vətənpərvərlik kimi səciyyələndirilə bilərdi. Amma burada
da konkret olaraq milli maraqlar nöqteyi-nəzərindən bu cür
vətənpərvərliyin nə dərəcədə doğru və məqsədyönlü olduğu-
nu söyləmək bir qədər çətindir.
Bütün bunların fonunda diqqət yetirilməli olan xüsusi
məsələ müstəqilliyin əldə olunmasından sonrakı ərəfədə
mövcud olan real sosial-siyasi vəziyyət çərçivəsindəki vətən-
pərvərliyin təzahür xüsusiyyətləridir. Azərbaycanda milli
patriotizmin rüşeymləri 1988-ci ildən,
daha da dəqiqləşdirsək,
siyasi tariximizə “Dirçəliş” hərəkatı kimi daxil olan 17
noyabr 1988-ci il hadisələri ilə öz təcəssümünü tapmış oldu.
Belə bir şəraitdə imperiyanın dəstəyi ilə Azərbaycana qarşı
qaldırılan ərazi iddialarının daha da güclənməsi, bunun
ardınca isə Dağlıq Qarabağda, Əsgəranda ermənilərin törət-
dikləri hadisələr, 200 mindən çox azərbaycanlının Ermənis-
tandan deportasiya edilməsi, Dağlıq Qarabağdakı təxribat və
iğtişaşların şiddətlənməsinin fonunda bütün bunlara qarşı
ümumi bir etiraz formalaşdı. Bu etiraz dalğası isə vətənpər-
vərlik hissi ilə müşayiət olundu. Amma maraqlısı və önəmlisi
budur ki, bu vətənpərvərlik Sovet patriotizmini xatırladırdı.
Ona görə milli mənəviyyatın struktur elementi qismində çıxış
150
edən vətənpərvərliyin tam olaraq milli səviyyə və formada tə-
zahür etməsi üçün müəyyən ideoloji-maarifçilik bazasından,
institusional resurslardan səmərəli istifadə edilməsi lazım idi.
Bu isə patriotizmin milli qəlibə salınmasını təmin edəcəkdi.
Bu mərhələdə təzahür edən vətənpərvərlik, hətta milli
birliyin təmin olunmasına və milli məqsədlərə çatmağa mane
olurdu. Çünki bu dövrdə radikal meyillər güclənmişdi. Amma
dərk olunması vacib olan məqam budur ki, o dövrdə radikal,
destruktiv üsullarla milli məqsədlərə çatmaq, ümummilli
maraqları təmin etmək nəinki
çətin idi, hətta mümkün deyildi.
Təəssüf ki, həmin dövrdə baş qaldıran vətənpərvərlik xaotik,
nizamsız, radikal və qeyri-müəyyən olmaqla yanaşı, həm də
milli məqsədlərə xidmət etməyən patriotizm idi. Məsələ
bundadır ki, vətənpərvərlik ümumi anlayış kimi kütləvi
səciyyə daşıyırdı, amma eyni zamanda, hərəkatda iştirak edən
liderlərdə kütləni yönləndirmə mexanizmində ciddi çatışmaz-
lıqlar mövcud idi. Hətta demək olar ki, həmin ərəfədə milli
düşüncədə və idrakda mövcud olan böhran meyilləri intellek-
tual patriotizmin dərk olunmasına mane olurdu. Baxmayaraq
ki, o dövrdə ölkəmizdə Azərbaycana qarşı qaldırılan ərazi
iddialarının daha da güclənməsinə, Dağlıq Qarabağda, Əsgə-
randa ermənilərin törətdikləri hadisələrə, 200 mindən çox
azərbaycanlının Ermənistandan deportasiya edilməsinə, Dağ-
lıq Qarabağdakı təxribat və iğtişaşların şiddətlənməsinə qarşı
duracaq əhəmiyyətli potensial mövcud idi, amma milli
məqsədlərin təmin olunması naminə milli enerjidən, vətən-
pərvərlik amilindən istifadə edəcək liderlər yox idi. Qısacası,
həmin ərəfədə ortaya çıxmış milli enerjinin düzgün istiqamət-
ləndirilməməsi vətənpərvərliyin səmərəli milli həmrəylik və
inkişaf mənbəyinə çevrilməsinə mane oldu. Beləliklə, xalqla-
rın milli azadlıq mücadilələri fonunda ortaya çıxan milli