|
![](/i/favi32.png) Of azerbaijan high technical educational institutionsPAHTEI
PROCEEDINGS OF AZERBAIJAN HIGH TECHNICAL EDUCATIONAL INSTITUTIONSPAHTEI-27.04.2023PAHTEI
PROCEEDINGS OF AZERBAIJAN HIGH TECHNICAL EDUCATIONAL INSTITUTIONS
VOLUME 27 ISSUE 04 2023
E-ISSN: 2674-5224
təhlili məsələləri çox əhəmiyyət kəsb edən, eyni zamanda bələdiyyələrin ərazisində yaşayan
vətəndaşların sosial-iqtisadi ehtiyaclarının və ərazinin bir sıra problem və məsələlərinin həlli
baxımından mühüm əhəmiyyət daşıyır. İşğaldan azad olunmuş ərazilərdə yaradılacaq
bələdiyyələrin təşkilinin kiçik istisnalarla inzibati ərazi dairəsi əsasında formalaşması
mümkündür. Həmin ərazilərdə bələdiyyələrin rolunun qiymətləndirilməsi mövzunun aktuallığını
şərtləndirir.
Metodlar
Tədqiqat zamanı bir neçə metodlardan istifadə olunmuşdur. Məqalənin yazılmasında analiz,
sintez, induksiya, deduksiya, sxem üsullarından istifadə edilmişdir. Empirik məlumatların tədqiqi
vasitəsilə bələdiyyə maliyyəsinin mövcud vəziyyətini qiymətləndirmək və işğaldan azad olunmuş
ərazilərdə bələdiyyələrin təşkili və onların maliyyə təminatı məsələlərinin təhlilini aparmaq
mümkün olmuşdur.
Azərbaycan hökuməti Vətən Müharibəsi nəticəsində işğaldan azad edilmiş ərazilərdə sürətli bərpa
işlərini davam etdirir. Hazırda hökumətin qarşısında duran əsas vəzifə qısa müddətdə ərazilərin
minalardan təmizlənməsi, paralel olaraq ilkin infrastrukturun qurulması və sonrakı mərhələdə
yaşayış evlərinin tikintisinə başlamaqla əhalinin öz torpaqlarına qayıdışını təmin etməkdir. Ancaq
əhalinin qayıdışı təkcə fiziki yox, həm də müvafiq idarəetmə institutlarının qurulması fonunda baş
verməlidir. Bunlardan biri də yerli özünüidarə institutunu təmsil edən bələdiyyələrdir
(https://bakuresearchinstitute.org/how-should-self-government-be-established-in-the-liberated-
territories-2/).
Azərbaycan 2002-ci ildə Yerli Özünüidarəyə Dair Avropa Xartiyasını xüsusi bəyanatla
ratifikasiya edib. Bəyanatda qeyd edilib ki, “Azərbaycan Respublikası Ermənistan Respublikası
tərəfindən işğal olunmuş ərazilərində Xartiyanın müddəalarının yerinə yetirilməsinə işğal
olunmuş ərazilər azad olunana qədər təminat vermək iqtidarında deyil.” Həqiqətən də Dağlıq
Qarabağ bölgəsinin və ətraf 7 rayonun Ermənistan Respublikasının silahlı qüvvələri tərəfindən
işğalı həmin əraziləri tərk etmək məcburiyyətində qalmış yüz minlərlə məcburi köçkünü yerli
özünüidarə hüququnu həyata keçirmək imkanından məhrum edib.
Azərbaycanda fəaliyyət göstərən 1606 bələdiyyə arasında Ağdam və Füzuli rayonlarını əhatə
edən bələdiyyələrə də rast gəlmək olar. Belə ki, bu rayonların bəzi əraziləri işğal olunmadığından
həmin yaşayış məntəqələrində yerli özünüidarə qurumları mövcuddur. Hazırda Ağdam rayonunda
11 qəsəbəni və 79 kəndi əhatə edən 14 bələdiyyə, Füzuli rayonunda 1 şəhəri, 16 qəsəbəni və 18
kəndi əhatə edən 21 bələdiyyə fəaliyyət göstərir. Şübhəsiz ki, işğaldan azad olunmuş ərazilərdə
əhali məskunlaşması təmin edildikdən sonra digər institutlar kimi yerli özünüidarə institutlarının
da yaradılmasına başlanacaq. İlkin qiymətləndirməmizə görə, işğaldan azad olunmuş inzibati-
ərazi vahidlərində təxminən 259 yeni bələdiyyənin yaradılması mümkündür (cədvəl 3)
(https://bakuresearchinstitute.org/how-should-self-government-be-established-in-the-liberated-
territories-2/).
Dostları ilə paylaş: |
|
|