|
![](/i/favi32.png) Of azerbaijan high technical educational institutionsPAHTEI-27.04.2023Açar sözlər:
bələdiyyə, sosial-iqtisadi inkişaf, işğaldan azad olmuş ərazilər, itisadi inkişaf
Giriş
2020-ci il 44 günlük Vətən müharibəsindən sonra dövlət başçısı İlham Əliyevin qətiyyətli siyasi
iradəsi və Azərbaycan xalqının mərd oğullarının şücaəti sayəsində 30 ildir düşmən tapdağı altında
olan Qarabağ və Şərqi Zəngəzur bölgələri işğaldan azad olundu. İşğaldan əvvəl ölkə iqtisadiyyatı
içərisində xüsusi əhəmiyyətə sahib olan bu bölgələrin iqtisadiyyatı işğal ilə birlikdə bütünlüklə
məhv edilmişdir. Təəssüf ki, düşmən əsarətində keçən bu 30 il ərzində düşmən regionun
resurslarını talan etmiş, sosial-iqtisadi infrastrukturu tamamilə sıradan çıxarmışdır. Bu səbəbdən
də işğaldan sonrakı mərhələdə dövlətimizin qarşısmda duran əsas məqsəd bu torpaqların
iqtisadiyyatını inkişaf etdirmək, bölgənin əvvəlki zəngin tarixini geri qaytarmaqdır. Təbii ki, bu
məqsədə nail olmaq özü də bir müharibə aparmaq qədər çətin, keçməkeşli, siyasi iradə və eyni
zamanda, ciddi maliyyə yükü tələb edən bir prosesdir. İşğaldan azad olunmuş ərazilərin iqtisadi
dirçəlişini həyata keçirmək üçün mütləq şəkildə xalqın, xüsusilə də sahibkarların bu proseslərin
içində olması və əslində birbaşa iştirakı lazımdır.
Məqsəd
Məqalənin məqsədi işğaldan azad olmuş ərazilərdə bələdiyyə işinin təşkili məsələsinə aydınlıq
gətirmək, maliyyə işinin aparılmasını təhlil etmək və həmin ərazilərdə sosial, iqtisadi inkişaf
baxımından bələdiyyələrin rolunu qiymətləndirməkdir.
Problemin aktuallığı və əlaqəli tədqiqatlar
Azərbaycan Respublikasında bələdiyyələr 1999 – cu ildə yaradılıb və 2015-ci ilin statistikasına
əsasən ölkə üzrə 1607 bələdiyyə fəaliyyət göstərir. Bələdiyyələrin statusunu, maliyyə-iqtisadi
əsaslarını, dövlət orqanları ilə münasibətlərini, onlar üzərində inzibati nəzarəti və s. məsələləri
tənzimləyən bir çox qanunvericilik aktları qəbul olunmuşdur. Heç şübhəsiz bələdiyyələrinin
maliyyə - iqitisadi əsaslarından biri kimi bələdiyyə büdcələrinin formalaşması, tərtibi, icrası və
|
|
|