24
Biroq buning uchun nutqiy vositalarni o‘zlashtirish so‘z va gaplarni o‘rganish, yod
olish hamda to‘g‘ri talaffuz qilish har bir bola uchun maqsad bo‘lib qolmaydi.
Mazkur nutqga ijobiy munosabatda bo‘lish motivini nutqiy vositalarni to‘plash
jarayonini o‘ziga xos mazmun bilan boyitish, nutqiy muloqotni maxsus emotsional
munosabatlar bilan jo‘r qilish kabilar bilan maxsus rivojlantirish darkor.
Tayyorlov bosqichida o‘qitishning metodik usullari bolalarning yosh
xususiyatlariga, ishlatilayotgan
nutq vositalari hajmiga, untq o‘stirish ishlarining
yo‘nalishiga mos keladi. Bu avvalombo dars jarayonida paydo bo‘ladigan tabiiy
vaziyatlardan, individual mashg‘ulotlardan, darsdan tashqari mashg‘ulotlardan
foydalanishda, mustaqil faoliyatni, momentlarini bajarishda namoyon bo‘ladi. Shu
bilan birga o‘qituvchi bolalarda xissiyotlar uyg‘otuvchi, muloqotga undovchi maxsus
vaziyatlar tug‘diradi. Bir xil vaziyatlarni muntazam takrorlanishi bolalarni kelgusi
nutqiy mashqlariga tayyorlab turadi. Mazkur bosqichda didaktik o‘yin
va mashqlar,
darsdan tashqari vaqtlarda roli o‘yinlar bolalar bilan ishlashning katta qismini
egallagan. Asosiy yo‘li – amaliy faoliyatlar jarayonida nutqni o‘stirishdir. Bosqich
tavsifi yakunida shuni aytib o‘tish joizki, bosqich tuzilmasining biron yo‘nalishi yoki
nutqiy materiali faqat bu bosqichgagina xos bo‘lib qolmay, aksincha keyingi
bosqichlarning tuzilmasi va metodikalarida aks etishi, tayyorlovda
shakllantirilgan
malakalar esa real-haqqoniy kommunikativ ijtimoiy xulq-atvorga asos solishi lozim.
Yuqorida qayd qilingan uch yo‘nalishlardan asosiysi nutq faoliyati turlarini
shakllantirishi bo‘lib, bu faoliyatlar ichida eng asosiylari o‘qish va yozishdir. Biroq,
birinchi yo‘nalish bo‘lish – nutqiy qobiliyatni rivojlantirish yo‘nalishi o‘z ahamiyatini
yo‘qotmaydi, lekin namoyon bo‘lish mexanizmi bir muncha o‘zgartiriladi. 7-11
yoshli bolalar faqatgina kattalarning nutqiy xarakatlariga taqlid qilib qolmay, nutqiy
namunalardan foydalangan holda tayyor jumlalarni o‘zlashtira oladilar. Nutqiy
boylikning yetarli darajasida ular so‘z shakllari va jumlalar qrilmasidagi anologiya
(o‘xshashlik)larni aniqlash imkoniyatlariga ega bo‘ladilar. Bolalar ularda mavjud so‘z
va jumlalar xazinasidan vaziyatga mosrog‘ini tanlay
olishlari hamda tilning
variantivligini tushunishlari mumkin. Boshlang‘ich sinflarda o‘qiyotgan kar
o‘quvchilar tanish so‘zlarning o‘zagiga turli xil so‘z yasovchi qo‘shimchalar qo‘shish
bilan yangi so‘zlar hosil qilishga o‘rganadilar.
Dostları ilə paylaş: