ARAZBOYU Q
ƏDİM NAXÇIVAN TAYFALARININ İQTİSADİ
H
ƏYATI (E.Ə. V-II MİNİLLİKLƏR)
939
ovçuluğun da müəyyən yer tutduğunu göstərir. Başlıca olaraq, ceyran, maral,
ayı, pişik və b. heyvanlar ovlanmışdır. Vəhşi heyvanlara aid osteoloji
qalıqların az olması (10 %) onların təsərrüfatda ikinci dərəcəli yer tutduğunu
göstərir.
Görünür, heyvanlar yaşayış yerinin yaxınlığında xüsusi hasarlanmış
sahədə saxlanılırmış. Maldarlığın inkişafı təkərli nəqliyyatın və əkinçiliyin
inkişafına təkan vermişdir. İribuynuzlu heyvanlardan taxıl döyümündə
istifadə edilməsi, əmək məhsuldarlığını və cəmiyyətin inkişafı üçün zəruri
olan izafi məhsul istehsalını artırmışdır.
Orta tunc dövrü abidələrinin tədqiqi zamanı əldə edilən osteoloji
materialdan görünür ki, xırdabuynuzlu heyvanların sayca artması və
yarımköçəri yaylaq maldarlığının inkişaf etməsi sayəsində yüksək dağlıq
zonalarında və dağ ətəklərində yeni abidələr meydana çıxır. Naxçıvan
ərazisində olan yaşayış yerlərinin tədqiqi, onların bir qismində həyatın
mövsümi xarakterdə olduğunu, mədəni təbəqənin yığılmadığını göstərir. Bu
tip yaşayış yerləri yarımköçəri maldar tayfaların həyat tərzi ilə bağlı olmuşdur.
Dağlıq zonalarda əhalinin məskunlaşması orta və son tunc dövründə baş
vermişdir. Bu dövrdə Araz çayı ətrafında, Mil-Qarabağ düzündə, Muğanda,
Cənub-Şərqi Azərbaycanda güclü maldar tayfalar yaşamışlar. Naxçıvanın
qayaüstü təsvirlərinin öyrənilməsi də heyvandarlığın inkişafı haqqında
təsəvvür yaratmağa kömək edir. Gəmiqayada orta tunc dövrünə aid öküz
qoşulmuş araba təsvirlərinə rast gəlinməsi, bu dövrdə qoşqu qüvvəsinin (öküz
və at qoşulmuş) inkişafı və bunun maldar tayfaların həyatındakı əhəmiyyəti
ilə bağlıdır (foto 6).
Abidələrdən aşkar olunan monoxrom və polixrom boyalı qabların
üzərində ilk tunc dövründə olduğu kimi xırdabuynuzlu heyvan təsvirlərinə rast
gəlinməsi, heyvandarlığın orta tunc dövründə təsərrüfatın mühüm
sahələrindən biri olduğunu göstərir. Bu dövrdə heyvandarlığın inkişafını
yaşayış yerlərindən aşkar olunan nehrələr də sübut edir.
Maldarlığın inkişafı əkinçiliyə nisbətən daha çox izafi məhsul əldə
edilməsinə, sərvətin müəyyən qrup adamların əlində toplanmasına imkan
yaratmışdır. Bu, son nəticədə əmlak bərabərsizliyinə gətirib çıxarmışdır. Belə
ki, maldar tayfaların əlində tez bir zamanda çoxlu var-dövlət yığılmağa
başlayır ki, bu da mal-qaranın saxlanması üçün əlavə işçi qüvvəsi cəlb etmək
940
ABBAS SEYİDOV – SEVİNC İMANOVA
arzusu doğurur. Müharibələr nəticəsində ələ keçirilmiş əsirlərin əməyindən
qul kimi istifadə etməyə başlayırlar. Bu isə sinifli cəmiyyətin ilk
rüşeymlərinin meydana çıxmasına səbəb olur. Tayfa başçılarına aid zəngin
qəbirlərin meydana çıxması da, şübhəsiz ki, bununla bağlıdır.
Bu dövrdə heyvandarlığın müəyyən sahəsini də atçılıq təşkil etmişdir.
Muğanda
Əliköməktəpəsindən aşkar olunan at sümükləri atın hələ eneolit
dövründə əhilləşdirildiyini göstərir (
Махмудов, Нариманов, 1972:480-481;
Нариманов, 1987:153). II Kültəpə (Алиев, 1991:135), Şahtaxtı
(
Алекперов, 1937:254-255), Qarabulaq kurqanlarından xeyli at sümükləri və
atla dəfn olunma hallarına rast gəlinib. Qobustan rəsmlərində, Şahtaxtı və II
Kültəpə boyalı qablarında atlı təsvirləri atçılığın yüksək inkişaf səviyyəsində
olduğunu və qədim tayfaların həyatında mühüm rol oynadığını göstərir.
Tədqiqatlar Arazboyu tayfaların həyatında hələ tunc dövrünün erkən
mərhələsindən başlayaraq maldarlığın əkinçilikdən ayrıldığını və yarımköçmə
yaylaq maldarlığının formalaşdığını göstərir. Tuncun inkişaf etmiş
mərhələlərində isə maldarlıq müstəqil istehsal sahəsi kimi mövcud olmuşdur.
Bu dövrə aid arxeoloji abidələrin tədqiqi, oturaq həyat keçirən qəbilələrlə
bərabər, postoral həyat sürən tayfaların da olduğunu göstərir. Bu qəbilələrə
aid mövsümi yaşayış yerlərində mədəni təbəqə olduqca az yığılmışdır. Bu
dövrə aid bir neçə nekropolun yaxınlığında yaşayış yerinə rast gəlinmir.
Şübhəsiz ki, bu, insanların köçmə, daha doğrusu yarımköçmə təsərrüfat həyatı
ilə bağlı olmuşdur.
Xırdabuynuzlu heyvandarlığın inkişafını həm də qayaüstü təsvirlər,
heyvan fiqurları və saxsı qablar üzərindəki təsvirlər sübut edir. Son tunc
dövrünə aid saxsı qablar üzərindəki ov səhnələrində, başlıca olaraq,
xırdabuynuzlu heyvanlar təsvir edilmişdir. Şübhəsiz ki, bu, xırdabuynuzlu
heyvanların maldarlıqda önəmli rolu və insanların məişətində onların böyük
əhəmiyyəti ilə bağlıdır.
Bəzi tədqiqatçılar yanlış olaraq Qafqazda atın əhilləşdirilməsinin hind-
avropalılarla bağlı olduğunu və onların gəlişinədək burada əhilləşdirilmiş
atlardan minik vasitəsi kimi istifadə edilmədiyini göstərirlər (
Погребова,
1977:46). Qeyd etdiyimiz kimi, at Azərbaycanda qədim dövrlərdən
əhilləşdirilmiş və şübhəsiz ki, ondan minik vasitəsi kimi də istifadə
olunmuşdur. Paleontoloq D.H.Hacıyev at sümüklərini iki qrupa bölür: 1)
ARAZBOYU Q
ƏDİM NAXÇIVAN TAYFALARININ İQTİSADİ
H
ƏYATI (E.Ə. V-II MİNİLLİKLƏR)
941
güclü yedək və ya qoşqu atları; 2) yüngül minik atları. Çoxsaylı at cilovları,
yüyən-yəhər hissələri, at bəzəkləri və s. buna sübutdur (Cəfərov, 2000:145).
Atçılığın Azərbaycan ərazisində yerli zəmində meydana gəldiyini və inkişaf
etdiyini söyləmək daha doğrudur. Uzaq səfərlər zamanı, hərbdə və
tayfalararası mədəni-iqtisadi əlaqələrdə atdan istifadə at totemi, ata sitayişin
meydana gəlməsinə səbəb olur və bunun nəticəsidir ki, zəngin qəbir
abidələrində at skeletlərinə də rast gəlinir.
Son tunc və erkən dəmir dövrünün təsərrüfatında əsas istehsal sahələri ilə
bərabər, yardımçı təsərrüfatların da müəyyən rolu olmuşdur. Ovçuluq,
balıqçılıq, yığıcılıq belə təsərrüfat sahələrindəndir. Qayaüstü rəsmlərdə və
saxsı qablar üzərindəki təsvirlərdə ovçuluğa geniş yer verilməsi, heç də
təsadüfi deyildir.
İqtisadi həyata təkamül verən əsas sahələrdən biri də sənətkarlıqdır. Hələ
qədim dövrlərdən meydana çıxan ibtidai sənətkarlığın müəyyən sahələri e.ə.
V minillikdən başlayaraq daha da təkmilləşmişdir. Arxeoloji qazıntılardan
əldə edilən müxtəlif əmək alətləri, təsərrüfat əşyaları o dövrdə sənətkarlığın
müxtəlif qollarının–metallurgiya və metalişləmə, dulusçuluq, daşişləmə,
sümükişləmə, dəri və gönişləmə, toxuculuğun dinamik şəkildə inkişaf etdiyini
göstərir. Yuxarıda sadalananlar arasında metallurgiya və metalişləmə aparıcı
yerlərdən birini tutmuşdur.
Bütün Cənubi Qafqazda məskunlaşan tayfaların metalla ilk tanışlığı hələ
eneolit dövründə olmuşdur. Bu dövrə aid abidələrdən xırda metal əşyalar, o
cümlədən bəzək üçün muncuqlar tapılmışdır. Eneolit dövrü abidələrindən
tapılan metal əşyaların əksəriyyətini yerli sakinlər soyuq döymə üsulu ilə
hazırlamışlar. Metallurgiyanın və metalişləmə sənətinin yerli mənsubiyyətini
göstərən məmulatlar e.ə.V-İV minilliklərdə özünü göstərir. Xüsusən də tunc
dövrünün erkən mərhələsi zəngin materialı ilə fərqlənir.
Tədqiqatçılar Azərbaycanın eneolit dövrü Kültəpə və Şomutəpə
mədəniyyəti ilə ilk tunc dövrü Kür-Araz mədəniyyəti arasında müəyyən
varisliyin (məs. çiy kərpic tikintilərinin olması, dairəvi planlı evlər, bəzi qab
nümunələrində forma bənzərliyi) olduğunu söyləyirlər. Ancaq Azərbaycanda
ilk dəfə bu iki mədəniyyət arasındakı boşluğu dolduran, yeni bir mədəniyyətə
mənsub Leylatəpə yaşayış məskəninin aşkarlanması və öyrənilməsi məsələyə
aydınlıq gətirdi. Leylatəpədən əldə edilən məmulatlar göstərdi ki, Kültəpə və
Dostları ilə paylaş: |