942
ABBAS SEYİDOV – SEVİNC İMANOVA
Şomutəpə eneolit dövrü mədəniyyəti ilə ilk tunc dövrü Kür-Araz mədəniyyəti
arasında dövr etibarı ilə birincidən sonra, ikincidən əvvələ aid, onlardan
fərqlənən mədəniyyət mövcud olmuşdur. Bu fərq ondan ibarətdir ki, bu
mədəniyyətin yaşayış məskənlərində kərpic tikintilər düzplanlı üslubda inşa
edilmişdir. Materialın əksəriyyətini təşkil edən saxsı qablar öz formalarına
görə tamamilə fərqlidir. Naxçıvan ərazisində bu tip abidələr sırasına
Ovçulartəpəsi, Xələc, Damlama, Şortəpə,
Ərəbyengicə daxildir.
Leylatəpədən
aşkar olunan maddi-mədəniyyət qalıqlarının ən
qiymətlilərindən biri metallurgiyaya aiddir (
Нариманов, Джафаров,
1990:5-14). Buradan nəinki müxtəlif metal əşyalar, həm də onların bilavasitə
yaşayış məskənlərində hazırlanmasını göstərən maddi qalıqlar tapılmışdır.
Yəni misi əridib tökərkən sıçrayan külli miqdarda mis zərrəcikləri yerə
dağılmış və otağın içərisində torpağa yapışmış şəkildə aşkar olunmuşdur. Bu
məlumat nəinki Azərbaycanda, hətta bütün Qafqazda yerli metal istehsalına
aid ilk tapıntı idi.
Bu dövrə aid təkmil metal əşyalar və metal emalı ilə bağlı olan kürələr
e.ə. IV minilliyin ortalarında dağ-mədən işinin və metallurgiyanın bir-
birindən ayrıldığını göstərir. Lakin Azərbaycanda indiyədək erkən tunc
dövrünə aid mədənlər aşkar edilməyib. Ehtimal ki, onlar sonrakı dövrlərin
mədənləri tərəfindən dağıdılıb. Naxçıvan ərazisində Vayxır mis yataqları
aşkar olunan qədim mədənlərin ətrafından daş çəkiclər və saxsı qab parçaları
tapılıb (
Бахшалиев, 1985:83).
II Kültəpənin ilk tunc dövrü təbəqəsindən aşkar olunan metaləritmə
kürəsinin qalıqları metallurgiyanın öz dövrünə görə yüksək inkişaf
mərhələsini əks etdirməklə, süni üfürmə texnikasının tətbiq edildiyini göstərir
(
Сеидов, 1993:126). Süni üfürmədə hərarətin yüksəldilməsinə xidmət edən
körük ucluqları buna misaldır. Yüksək hərarətin alınması və tənzim edilməsi
qədim metallurqların iqtisadi imkanlarını artırmış, yataqların dərinliyində
yerləşən sulfidli filizlərin əridilməsi üçün şərait yaratmışdır.
Naxçıvan ərazisində metallurgiyanın yüksək inkişaf səviyyəsi heç də
təsadüfi olmayıb, qonşu ərazilərdə bu sahənin tərəqqisi ilə bağlıdır. Qarabağ
ərazisində yerləşən Leylatəpənin Kür-Araz dövrünə qədər olan təbəqəsindən
tərkibinə mərgümüş və nikel qatılmış mis ərintilərinə rast gəlinmişdir
(
Нариманов, Джафаров, 1990:8). Çatal-Höyük (Рагимова, 1978:42) və
ARAZBOYU Q
ƏDİM NAXÇIVAN TAYFALARININ İQTİSADİ
H
ƏYATI (E.Ə. V-II MİNİLLİKLƏR)
943
Yarımtəpənin (
Мунчаев, 1961:307-315) mədəni qatlarından e.ə. VII-VI
minilliklərə aid edilən filiz qalıqları artıq bu dövrdə şübhəsiz ki, filizin
əridilmək üçün yaşayış yerlərinə gətirildiyini göstərir. Naxçıvan abidələrindən
əldə edilən metal şlak qalığı burada metallurgiyanın inkişafını göstərən
dəllillərdəndir.
Naxçıvan ərazisində eneolit və ilk tunc dövrü metallurgiyası üç
mərhələdən keçmişdir. Birinci mərhələ misdən hazırlanmış kiçik əşyalarla
xarakterikdir. İkinci mərhələdə təmiz mislə bərabər, tərkibinə mərgümüş və
ya az miqdarda nikel ərintisi qatılmış, süni yolla hazırlanmış alətlərə rast
gəlinir. Üçüncü mərhələ e.ə. IV minilliyin əvvəllərindən başlayaraq Kür-Araz
mədəniyyəti dövrünü əhatə edir ki, bu mərhələdə metallurgiya tərəqqi edərək,
tuncdan çoxsaylı alətlərin hazırlanmasına şərait yaratmışdır. Bəzi metal
əşyaların tədqiqi onun ara qızdırmalarla döyülməyə məruz qaldığını göstərir
(
Сеидов, 1993:125).
Dövrün gil qəlibləri bu dövrdə tökmə texnikasının yüksək səviyyədə
inkişaf etdiyini göstərir. I Kültəpədən tunc baltalar tökmək üçün qəlibin aşkar
edilməsi, bu dövrdə ikitaylı qəliblərdə tökmə texnikasının mənimsənildiyinə
işarədir. I Kültəpədən metal yarımfabrikatlar tökmək üçün qəliblərin tapılması
hazır metal məmulatının əsas istehsal mərkəzlərindən digər rayonlara
yayıldığını göstərir. Müxtəlif məqsədlər üçün istifadə edilmiş gil qəliblərin
mövcudluğu tökmə istehsalının çoxsahəli və intensiv xarakter daşıdığını
göstərir. Şübhəsiz ki, metal əşyaların istehsalı ilə yüksək ixtisaslı ustalar
məşğul olmuşdur. Belə ki, mürəkkəb konfiqurasiyalı baltalar və nizə ucluqları
müəyyən vərdişlərə yiyələnmiş ustalar tərəfindən hazırlana bilərdi.
Tunc
dövrünün sonrakı mərhələlərinə aid metal əşyaların
hazırlanmasında tökmə, döymə, kəsmə, burma, yastılama, prokat və digər
texnoloji üsullardan istifadə edilmişdir. Metallurgiya və metalişləmə sənətinin
meydana gəlməsi və inkişafının xarakterinin müəyyən edilməsində
abidələrdən aşkar olunan balta, nizə, xəncər, əmək alətləri və müxtəlif bəzək
əşyalarının mühüm əhəmiyyəti vardır.
Azərbaycan ərazisinin mis və polimetal yataqları ilə zəngin olması orta
tunc dövründə metallurgiya və metalişləmənin inkişafını təmin etmişdir (foto
7).
944
ABBAS SEYİDOV – SEVİNC İMANOVA
Tunc dövrünün inkişaf etmiş mərhələlərinə aid abidələrdən aşkar olunan
əşyalar, xüsusilə qızıl və gümüşdən hazırlanan mükəmməl əsərlər metal
emalının yüksək səviyyədə ixtisaslaşdığını, zərgərliyin meydana çıxdığını
göstərir. Qızıl əşyalara Qızılburun daş qutularında və Şahtaxtı nekropolunda
(
Алекперов, 1960:56) rast gəlinmişdir.
Arazboyu arxeoloji abidələrin tədqiqindən göründüyü kimi, bu dövrdə
qalaylı tuncdan geniş istifadə edilmişdir. I Kültəpədə aşkar olunan metal
əşyaların tərkibində 1-10,8%, Qızılburunda 0,1--8,4%, II Kültəpədə 4%,
Çalxanqalada 0,3-12% (Seyidov, Hasanova, 2005:51, 107, 109-114) qalay
olduğu müəyyən edilmişdir.
Tədqiqatların nəticəsi göstərir ki, Naxçıvanda tunc dövrü metallurgiyası
Qədim Şərq ölkələri ilə əlaqəli şəkildə inkişaf etmişdir. Azərbaycan ərazisində
metallurgiya və metalişləmənin yerli zəmində formalaşmasına, inkişaf
etməsinə baxmayaraq, onun Yaxın Şərq ölkələrinin naaliyyətlərindən də
bəhrələnməsini inkar etmək olmaz. Azərbaycan eyni zamanda Cənubi Qafqaz
və Şərq ölkələrini xammal və hazır metal məmulatı ilə təmin edən başlıca
istehsal mərkəzlərindən biri olmuşdur. Arxeoloji material bu dövrdə tunc
metallurgiyasının yüksək inkişaf dövrü keçdiyini göstərir.
Eramızdan əvvəl V-II minilliklərdə dulusçuluğun inkişafında hiss
ediləcək irəliləyiş gözə çarpır. Bu dövrdə dulusçuluq ev sənəti çərçivəsindən
kənara çıxaraq, ixtisaslaşmış istehsal sahəsinə çevrilir. Eneolit dövrünə aid
saxsı məmulatında müəyyən dərəcədə qabalıq hiss olunsa da, tunc dövrünün
ilk mərhələsindən başlayaraq qabların yaxşı yoğrulmuş gildən hazırlanması,
simmetrik formalaşdırılması, keyfiyyətli bişirilməsi və anqoblanması bununla
bağlıdır. Keramika məmulatı təkmil konstruksiyalı, birkameralı dulus
kürələrində bişirilir.
II Kültəpənin VII tikinti qatında (
Сеидов, 1993:31) dulus kürəsinin
qalıqlarına rast gəlinmişdir. Azərbaycanın digər abidələrində-Mingəçevir,
Bitdili (Şamxor) və s. dulus kürəsinin qalıqları izlənmişdir. Hələ eneolit
dövründə Azərbaycan ərazisində yaşayan tayfalar mükəmməl dulus
kürələrindən istifadə etmişlər (
Əliköməktəpəsi, Çalağantəpə və s.). E.ə. III-II
minilliklərdə dulusçuluq sənətində ixtisaslaşma nəzərə çarpır. Bu mərhələdə
nazik divarlı, yaxşı cilalanmış qablar çoxluq təşkil edir. Bəzi qabların üzəri
qara rəngli boya ilə örtülür. Onlar əsasən dulus çarxında hazırlanır. Bu
Dostları ilə paylaş: |