Tetiklashtiruvchi mashq
G ‘oz
Besh barmoq bo‘lsa birga
O‘xshar xuddi g‘ozlarga,
G‘ozlar g‘ozni ko‘rganda,
Deyishadi g‘a-g‘a, siz qayga?
Tirsakni tik tutib, kaft barmoqlari to‘g‘ri burchak shaklida bukiladi. Ko‘rsatkich barmoq bosh barmoqqa tegib turadi. Barmoqlar jips yopishgan.
Bolalar uchun amaliy ish.
“So‘z top" o‘yini, tarbiyachi bolalarni uch guruhga bo‘ladi: birinchi guruhga “G‘” tovushi bilan boshlanadigan so‘zlar topish, 2- guruhga “G‘” tovushi bilan tugaydigan so‘zlar, 3- guruhga “G‘” tovushi so‘z o‘rtasida kelgan so‘zlar topish aytiladi, qaysi guruh o‘ylanib, belgilangan muddatda so‘z topa olmasa o‘yindan chiqadi. O‘yinni oxirigacha davom ettirgan guruh g‘olib sanaladi.
So‘zlarni bo‘g‘inga bo‘lish. Tarbiyachi xattaxta tagligiga yoki xattaxtaga “G‘” tovushi bor suratlarni qo‘yadi. Bolalar suratlarni nomlaydilar va so‘zni bo‘g‘inga xo‘r bo‘lib bo‘ladilar. So‘ng yakka-yakka so‘zni bo‘g‘inga bo‘ldiriladi
“Qo‘lni uzmasdan nuqta-chiziqchalarni birlashtirib rasm chizamiz” o‘yin-mashqi. Bolalarni chizishda qo‘lni uzmasdan nuqta-chiziqchalarni birlashtirib rasm chizishga o‘rgatiladi.
Mashg‘ulotga faol qatnashgan bolalar rahbatlantiriladi.
Bolalar bilimini tekshirish va mustahkamlash uchun savollar :
- Bugun qaysi tovush bilan tanishdik?
- “G‘” tovushi so‘zning o‘rtasida kelgan so‘zlarni ayting.
- “G‘” tovushi so‘zning oxirida kelgan so‘zlarni ayting.
32-MASHG‘ULOT
Mavzu: “Z” tovushi bilan tanishtirish.
Maqsad:
“Z” tovushini to‘g‘ri talaffuz qilish va o‘rganilgan so‘zlarni bo‘g‘inga bo‘lish.
Vazifalar:
“Z” tovushining undosh tovush ekani haqida tushuncha berish, uning so‘z boshi, o‘rtasi va oxirida kelishini aytish,uning to‘g‘ri talaffuzini o‘rgatish,
“Z” tovushli so‘zlar bilan bolalar nutqini boyitish.
Qo‘lni uzmasdan nuqta-chiziqchalarni birlashtirib rasm chizishga o‘rgatish.
Dostları ilə paylaş: |
