Tetiklashtiruvchi mashq
“Qo‘ng‘izlar” va “CHivinlar” o‘yini
Tarbiyachi: bolalar hozir ikki guruhga bo‘linamiz. Birinchi guruh bolalari chivinlar bo‘lishadi, ikkinchi guruh bolalari qo‘ng‘izlar bo‘lishadi. CHivinlar mana bu erda yashashadi, qo‘ng‘izlar esa mana bu erda yashashadi. Qachon men “CHivinlar uchib ketishdi” deb aytsam, chivinlar xona bo‘ylab yugurib ketishadi va “zzz” deb aytishadi. Qachon men “Qo‘ng‘izlar uchib ketishdi” deb aytsam, qo‘ng‘izlar xona bo‘ylab yugurib ketishadi va “jjj” deb aytishadi.
Bolalar uchun amaliy ish.
“So‘z top" o‘yini, tarbiyachi bolalarni uch guruhga bo‘ladi: birinchi guruhga “Z” tovushi bilan boshlanadigan so‘zlar topish, 2- guruhga “Z” tovushi bilan tugaydigan so‘zlar, 3- guruhga “Z” tovushi so‘z o‘rtasida kelgan so‘zlar topish aytiladi, qaysi guruh o‘ylanib, belgilangan muddatda so‘z topa olmasa o‘yindan chiqadi. O‘yinni oxirigacha davom ettirgan guruh g‘olib sanaladi.
So‘zlarni bo‘g‘inga bo‘lish. Tarbiyachi xattaxta tagligiga yoki xattaxtaga “Z” tovushi bor suratlarni qo‘yadi. Bolalar suratlarni nomlaydilar va so‘zni bo‘g‘inga xo‘r bo‘lib bo‘ladilar. So‘ng yakka-yakka so‘zni bo‘g‘inga bo‘ldiriladi
“Qo‘lni uzmasdan nuqta-chiziqchalarni birlashtirib rasm chizamiz” o‘yin-mashqi. Bolalarni chizishda qo‘lni uzmasdan nuqta-chiziqchalarni birlashtirib rasm chizishga o‘rgatiladi.
Mashg‘ulotga faol qatnashgan bolalar rahbatlantiriladi.
Bolalar bilimini tekshirish va mustahkamlash uchun savollar :
- Bugun qaysi tovush bilan tanishdik?
- “Z” tovushi so‘zning o‘rtasida kelgan so‘zlarni ayting.
- “Z” tovushi so‘zning oxirida kelgan so‘zlarni ayting.
33-MASHG‘ULOT
Mavzu: “V” tovushi bilan tanishtirish.
Maqsad:
“V” tovushini to‘g‘ri talaffuz qilish va o‘rganilgan so‘zlarni bo‘g‘inga bo‘lish.
Dostları ilə paylaş: |
