O`zbekiston respublikasi maktabgacha ta’lim vazirligi

Siniq, to‘lqinsimon, ilgak chiziqlarni chizdirish

Kutilayotgan natijalar:

• 
  “O`” tovushining unli tovush ekanligini, uning so‘z boshi, o‘rtasi va oxirida kelishini bilib oladilar.
  

• 
  “O`” tovushli so‘zlar ayta oladilar.
  
• 
  mayda qo‘l motorikasi rivojlanadi.
  
• 
  Siniq, to‘lqinsimon, ilgak chiziqlarni chiza oladilar.
  

Kerakli jihozlar:

• 
  “O`” tovushi bor suratlar
  
• 
  “O‘rmon” mavzusidagi rasm
  
• 
  Qayiq tasvirlangan tasvir
  

Mashg‘ulotning borishi:
Tarbiyachi bolalarga o‘rganilgan tovushlar, ularning o‘ziga xos xususiyatlari haqida savollar yordamida eslatadi: Unli tovushlar qanday aytiladi? Ular nimadan hosil bo‘ladi? Ular nima hosil qiladi? (Bo‘g‘in hosil qiladi.) So‘zni bo‘g‘inga qanday bo‘lamiz? Bugun bolalar “O`” tovushi bilan tanishamiz.
Tarbiyachi xattaxtaga o`rik, o`rgimchak, o`rdak rasmini (yoki mulyajini) qo‘yadi. bolalardan “O`” tovushi bilan boshlanadigan meva nomlarini ajratib aytishlarini so‘raydi. Unda “O`” tovushining o‘rni belgilanadi. Endi “O`” harfi o‘rtasida kelgan so‘zni so‘raydi: bo`ri, do`ppi, qo`g‘irchoq, qo`y, qo`l va h. z. Bularning ham bo‘g‘in-tovush tahlili o‘tkaziladi, “O`” harfining o‘rni belgilanadi.
Tarbiyachi “O`” tovushini avval o‘zi aytadi, keyin bolalar xo‘r bo‘lib aytadilar. “O`” tovushi unli tovush ekanligi, u og‘izda to‘siqqa uchramayotganini, qancha cho‘zsa cho‘zilishi aytib mashq qilinadi.
Tarbiyachi “O‘rmon” mavzusidagi rasm ustida suhbat o‘tkazadi.
Tarbiyachi rasm bo‘yicha aytilgan bir gapni ajratib oladi.Masalan: o‘rmon- yovvoyi hayvonlar makoni. Gap analitik mashqlar asosida tahlil qilinadi: gap so‘zlarga bo‘linadi, gap ichidan o‘rmon so‘zi ajratib olinadi, uning bo‘g‘in - tovush tahlili o‘tkaziladi. Bo‘g‘in- tovush tahlil oldingi mashg‘ulotdagidek olib boriladi.