O‘zbekiston respublikasi oliy va o‘rta maxsus ta’lim vazirligi, I. Xolismatov, M. R. Nurmatov

 
 
 

---

297 
GLOSSARIY
gaz (neft) zaxiralari va resurslarini geologik-iqtisodiy baholash:
Hozirgi 
davr va kelajak uchun gaz (neft) zaxiralari va resurslarini tayyorlash va 
o‘zlashtirishning qiymat (bahosi) ifodasiga ko‘ra maqsadga muvofiqligi bo‘yicha 
va ularning sifat ko‘rsatkichlariga ko‘ra majmuaviy baholash. 
qatlam-kollektorning qiyiqlanish chegarasi:
Qiyiqlanayotgan qatlamning 
yuqori va pastki qismlarining struktura xaritalarini bir-birining ustiga qo‘yganda bir xil 
qiymatli ikkita izogips chiziqlarining kesishgan nuqtalarini tutashtiruvchi, ya’ni 
qatlamning nul qalinligini ifodalovchi chiziq. 
qatlam-kollektorning o‘rin almashinish chegarasi:
Qatlam-kollektorning 
maydon bo‘ylab tarqalishini chegaralovchi shartli vertikal yuzaning gorizontal tekislikka 
bo‘lgan proeksiya chizig‘i. 
neft va gaz uyumi:
Turli tipdagi tutqichlarda neft va gazning to‘planishi, 
bunda uyumning o‘lchami va shakli ko‘p hollarda tutqichlar tarkib topgan 
jinslarning genetik tipi va rezervuarning parametrlari bilan aniqlanadi. 
qatlam uyumi: 
Qatlam tipli saqlagichdagi neft va gaz uyumi; u yuqori va 
pastki tomonlaridan o‘zidan suv o‘tkazmaydigan jinslar bilan chegaralanadi, ostida 
saqlagich hajmining katta qismini to‘ldirib turuvchi suv bilan tiralgan bo‘ladi.
gumbazsimon qatlam uyumi:
Mahsuldor maydonning hamma qismida 
qatlamga xos xususiyatlarga ega saqlagichdagi uyum bo‘lib, gumbaz shaklida 
egilgan bo‘ladi. 
struktura xaritasi:
Biron-bir struktura yuzasi (qatlamning yoki svitaning 
ustki yoki pastki qismi, rif massivlari yuzasi va sh.k.) ning absolyut balandliklari 
qiymati (xarita parametri)ning maydon bo‘ylab taqsimlanishini ma’lum 
masshtabda chizmali (izoliniyali) ifodalash.